اهلين بالكل ويسعد اوئاتكن ان كنتوا مدفوسين او ئاعدين

وائفين او ماشين

بس حابب احكي انو انشالله ما حدى يحذف رد لانو الموضوع صار ملكي


بدي احكي شو ما بدي وكيف ما بدي

ومنشان محمد  وبحياة الغوالي لا اتئرب ع الردود


بسم الله الرحمن الرحيم لنشوف اول سؤال

اقتباس

اي عزوز
هات لأشوف خبرنا عن حالك لنتعرف عليك أكتر
يعني هواياتك دراستك وأي شي بتحب تخبرنا عنه نحنا أكيد عالسمع

هلاء بالعادة بئولوا الختام مسك بس هالمرة الفاتحة ريحان وفل

اهلين نور خانم وانا لح غير الموضوع اشوي كل واحد لح يسالني بدي احكي عنو اشوي

نور انسانة محترمة ومؤدبة وبنت عالم وئلبها طيب ومن الناس يلي اترفت اني اتعرفت عليها


اما منشان سؤال نور

للصراحة انا ما بعرف احكي عن حالي ازيادة

اسمي ابو الزوز من هواياتي رمي البلا والمطالعة يعني بكون بالسرفيس بطلع راسيمن الشباك

بكون بتكسي بطلع راسي من الشباك كمان

حتى بالمدرسة ايام الامتحان كنت طلع ع ورئة ارفيئي لاني بحب المطالعة

وبحب رقص البالية ولعب الدحل اوف بس عزوز خلينا جد اشوي


اسمي عبدالعزيز هاد الاسم يلي بسمعوا بالصدف الئليلة ومعروف باسم عزوز


عمري 21 سنة و8 اشهر الا يومين


من هواياتي ما فيكي اتئولي عندي هواية وحدة لاني مو امخلي شي


بس بحب الرياضة وعاشق للريال بجنون وبحب العب طابة واذا مالعبت بالاسبوع

شي مرتين بجن بس حالياً ما عم العب للاسباب اكتيرة

بحب العب شدة اكتير ايه الشدة هواية لانو الهواية هي اي مجال بتبدع فية

وانا ببدع باللعب وبالغش

بحب اكتب راب وهي السوسة من زمان من ايام المدرسة

ولسا في هوايات تانية بس بلاها

بحب الضحك والمزح بكرة الروتين بحب كل شي مثالي بس بنفس الوئت بكرة الكلاسيكية

ما بعرف هاد يلي طلع معي حالياً اذا في شي اسئلوا


ومنشان الدراسة بدرس ادب انكليزي سنة تانية

ومبسوط اكتير بهيك فرع والحمدلله

امنيح طلعت شغلتك سهلة يا نور




الله حيو عمتي

اقتباس

يللا موفق عزوز و حكون متفرج

اهلين فوفو خانم شو متفرجة بدي خليكي من الاساسيات


وما عندي دئن امشطة  وهالمرة لح مرئها ازيارة

والله حيو شوارب بنت حارتي فوفو خانم


بس اسمعتي يا فوفو ئال بدن يئلوني

بدكن تئلوني والله لاسلخ جلدكن واعملوا دربكات



تاترة سبلوشي ملحطة غومنية

بسم الله ..

أول شي أنا بدي رحب بعزوز وقلو مية اهلا وسهلا  ومبين الاسبوع من أولو كيف !!!!

اقتباس

بدكن تئلوني والله لاسلخ جلدكن واعملوا دربكات

الله يعزك يااااااارب ويخليلنا اياك  ..

ووحياتك ياعزوز قد ما اتبايخنا واتغالظنا عليك بيكون من حم المقلاية   ... قصدي من كتر المحبة

وقد ما حشرنا حالنا بأمور ما النا فيها بيكون من جودة زيت القلي .. قصدي لأنو بيهمنا أمرك

وأنا عندي كم سؤال  

بسم الله ..


1-مين أكتر شخص مرق بحياة عبد وأثر فيه لدرجة انو غير فيه بعض طباعو ؟؟؟

2-شو أكتر موقف جرح قلبك  وما بتحب تتزكرو أبدا ؟؟

3مين أكتر شخص عزوز عندو ثقة فيه وليش ؟؟

4-شو الصفة الي عزوز بيكرهها بحالو وبيتمنى يغيرها وعم يحاول يغيرها؟؟

5شو هو أحلى خبر سمعتو بحياتك ؟؟

6-مين أكتر شخص دموعو بتأثر فيك ؟؟

والله نسيت شو كان بدي اسألك كمان بس مو مشكلة معنا جمعة كاملة والله يعينك عالشوي والقلي والسلق 

اولي على قامتي يا عزوز شامة ريحة الشويط لهون ..

وطبعا بالاخير بدي قول انو شهادتي فيك مجروحة وطالع منها ليترين دم .. بس أنا بدي قلك انو انت من الناس المريحة جدا بالتعامل

وبيحس الواحد انو بيقدر يحكيلك كل شي وهو مرتاح ومطمن بالو   .. وغير هيك أحلى شي فيك انك مستمع جيد جدا مشان هيك الواحد

بيرتاح بالحكي معك .. وكمان بتهتم بمصلحة غيرك وبتنبهو اذا كان مطنش دراستو وناوي يرسب   .. روحك المرحة

بتخبي وراها انسان بقمة الأخلاق واللباقة والاحترام والذكاء ودقة الملاحظة  .. وطبعا انت صديق من الطراز الممتاز   ..

وبدي قلك شكرا على كل شي .. وأنا بتمنالك الخير والنجاح والفرح والصحة من كل قلبي .. والله ينولك الي ببالك ويحققلك كل شي بتتمناه

وفي حكي كتير بس بظن انك انت صرت بتعرفو لأنو اسم الله حولك بدون ما احكي أنا شي عرفت انت كل شي ههههههههههههه

وموفق عزوز ..

السلام عليكم ورحمة الله وبركاتة.... تحية الى اخوتي واخواتي اعضاء المنتدى
قد يقول البعض منكم ان عضوة معكم ولكن لااشارك والسبب هو كثرة المشاغل لكنني اتابع اخبار المنتدى ومتصفحة جيدة وقد استفدت كثيراً من الموضيع المطروحة


.... اما ان يكون الموضوع مرتبط باخ غالي وعزيز وصديق وفي ورجل شهم مثل عبدالعزيز عندها اسمحوا لي ان اقول لكم تنحوا جانباً لانه حان دوري لكي اقول شيئاً
قليل في حقة

تعرفت ع السيد عزوز عن طريق احدى المنتديات المخصصة لعشاق الراب وكان انسان صاحب ردود نارية ومصطلحات غريبة واسلوبة مميز وعندما اصبحت روابط الصداقة بيينا متينة اخبرت عزوز باني سوف ازور جامعة دمشق لاني كنت في صدد
نقل اوراقي الى كلية دمشق

....  عندما اخبرت عزوز اني سوف اراه بدا لدية نوع من التهرب الذي لم افهمه فعذرته
واعطيتة اسباب خاصة ربما لم يكن يود البوح بها
لكن عندما علم اني بحاجة له في بعض الامور كونة هو ابن الكلية ويعرفها جيداً

قال لي:  مو ع عيني انتي بتئمري خانم

بصراحة كنت متوقعة رؤية شاب بارع باسليب المزح والفكاهة لدية قدرة اضحاك الاخرين لا اطثر ولااقل
....  لكن عندما قابلتة للوهلة الاولى اتتني الصدمة   لاني بصراحة رايت انسان
متزن بعد تبادل الحديث لفترة قليلة ايقنت انة على مستوى رفيع من الثقافة والرقي
واللباقة وانتشت نفسي بتعرفي ع هكذا انسان مع العلم لدية روح مرحة لابعد حد
اي كلام قد يقال في حق عزوز هو لا يعطية جزء من حقة
اتمنى الا اكون مصدر ازعاج لانة لا يحبذ ان يمدحه احد


(واود ان اشكر الاخت زينة بشان رسالتها الظريفة اللبقة وانا كلي شرف بصداقة زينة)

انتهى الشق الاول من الموضوع وهو التعبير عن الحب

.........اما بشان الاسئلة لن ابخل بكم قليل من الاسئلة
س1: عزوز ما هو الموقف الذي يمكن ان يجعل عزوز منزعج ؟ بعيداً عن المرح؟
س2: ما هو حدودو ابداعك في الراب؟
س3: ما تعني لك كلمة صداقة ؟صديق ؟صديقة؟

والاخت H_A_R  كانت ابرع مني في الحديث عن المشاكس عزوز

اقتباس

والاخت H_A_R  كانت ابرع مني في الحديث عن المشاكس عزوز

والله يا ألموشة ما حدا أبرع منك   .. وما طلعت أنا نقطة ببحرك ..

ماشاء الله عنك .. أديش العالم الاوفياء متلك صارو قلال هالايام ..

وبالنهاية لا أنا ولا إنت عم نجاملو لعزوز بيك نحنا ما عم نحكي غير الحقيقة ..

وبدي هنيكي على اسلوبك اللبق .. وبدي قلك خليكي هيك وفية ولا تصيري متلي لأنو أنا خسرت

أعز أصدقائي بس لأني عندت  .. أو بالاحرى وبكل صراحة لأني ما قدرت كون متلك ...

والمعنى بقلب الشاعر ..

اسفة يمكن كان لازم عزوز يرد عليكي قبلي بس بصراحة ما قدرت اطلع وما اكتب   ..

بالمناسبة أنا جاية بكرا عاللادقية   لذلك خلينا نشوفك ..

أول شي بدي أشكر عزوز عالكلام يلي قالو عني

والله خجلتني  


اهلين نور خانم وانا لح غير الموضوع اشوي كل واحد لح يسالني بدي احكي عنو اشوي

هلاء بالعادة بئولوا الختام مسك بس هالمرة الفاتحة ريحان وفل

نور انسانة محترمة ومؤدبة وبنت عالم وئلبها طيب ومن الناس يلي اترفت اني اتعرفت عليها

عنجد شكرا كتير الك وانشالله كون قد هالكلام

وبحب قول انو عزوز انسان طيب وانشالله ياربي يحمي

وانت عنجد بتعرف  قديش غلاوتك على قلبي كأخ وصديق كتير كبيرة  

على كل حال أنا هلأ مابدي اسأل شي ماشاء الله الأعضاء كفو ووفو

مع خالص احترامي وتقديري

مرحبا عزيزي عزوز
ان شاء الله تكون بخير ...
بصراحة لما عرفت انه هاد الاسبوع دورك قلت يلا الحمد لله اجت الفرصة لحتى نعرف عزوز وشو مخبي من شخصيته الرائعة يلا كتير ناس شهدوا فيها وانا منهم ...

ما بدي طول عليك لانه ما شاء الله الاسئلة يلي اجتك متل زخ المطر وكتير حلوة ...
ولا بدي كمان زيد من مدحي الك لانه الجماعة كفوا ووفوا بس في الك زيادة يمكن تكون الها طعم مني ...
انا اول لحظة عرفتك فيها شفت بشخصيتك شي غريب مو مين ما كان بيفهمه ...
وتقريبا هاد يلي صار معي ... بس والله لكلمة الحق انك من الناس الراقيين وكتير مكنلهم معزة ومحبة .....
بتمنى تجي الايام وتزيد محبتنا الك واكيد في اسئلة بس لح اجلها شوي على اساس اعطيك راحة من الاجوبة الكتيرة .....
                               

اقتباس

ووحياتك ياعزوز قد ما اتبايخنا واتغالظنا عليك بيكون من حم المقلاية

لاء هديل اطمني الواحد لح ينحم بزيت المئلاية لابيكون بلف وبدور

بس انا الحمدلله بحب الصراحة وما ح عذبكن بالاسبوع ابداً

اقتباس

مين أكتر شخص مرق بحياة عبد وأثر فيه لدرجة انو غير فيه بعض طباعو ؟؟؟

ما بدي ئلك شخص

بس هو موقف وكان يوم وفاة والدي الله يرحمو

اقتباس

شو أكتر موقف جرح قلبك  وما بتحب تتزكرو أبدا ؟

جوابي اخر جملة بسؤالك ما بحب اتذكروا ابدا

اقتباس

3مين أكتر شخص عزوز عندو ثقة فيه وليش ؟؟

ما بدي امدح بحالي بس الحمدلله بتصرف بكل امان مع كل ناس ويلي بئلبي ع راس

الساني بس بالرغم من هيك

اكتر شخصين هنن مصدر ثقة بالنسبة لعزوز احلى رفئات عندي هنن ابو البيس وماهر

وما بتردد بمشورتن باي شي وما بخبي عنن شي حتى المصطلحات

منشان ليش: بكل بساطة لما بيكون في اشخاص بحياتك بتحسيهن هنن مصدر الامل وبتهمن مصلحتك اكتر من نفسك وئتا الشغلة ما بدها ليش

اقتباس

4-شو الصفة الي عزوز بيكرهها بحالو وبيتمنى يغيرها وعم يحاول يغيرها؟؟

ما بدي اعمل حالي رومنسي وسينية وكول وما حئول طيبة ئلبي


بس بتمنى اني اتخلص من عصبيتي الزايدة وحدة ردة فعلي

اقتباس

5شو هو أحلى خبر سمعتو بحياتك ؟؟

هديل يمكن انا بني ادم بعيش كل مناسبة بحياتي بطقوس خاصة وشغلة احلى خبر مافي شي امحدد

يعني بدراستي احلى خبر لما نجحت بالبكلوريا بمجموع امنيح وطلعلي فرعي يلي كنت احلم فيه

بالحياة المتعلقة بالهوايات واوئات الفراغ احلى خبر لما اختاروني افضل حارس ع مستوى دورة سداسية من بين اكتر من 23  حارس

بالعيلة احلى خبر لما اعرفت انو اخي سمى ابنو ع اسمي وحسيت اني انا بعني شي لحدى بالحياة
بس سر بينا هديل احلى خبر اسمعتوا وغير حياتي كان ب2|3|2009 الساعة 2.23 دئيئة وش الصبح وكان يوم اثنين

اقتباس

مين أكتر شخص دموعو بتأثر فيك ؟؟

بشكل عام بكرة شوف اي شخص عم يبكي ئدامي صحيح معروف عني اني لئيم

ونمرود بس بنفس الوئت منظر الدموع بيخربطلي كياني


لاني وئتا بحس حالي انسان عاجز


ومنشان  مسح دمعة الشخص يلي عم يبكي ئدامي

وبيكون عندي استعداد اني اعمل اي شي وارسملوا علامة صح ع تمو وهي ابتسامة اصغيرة

اقتباس

بس أنا بدي قلك انو انت من الناس المريحة جدا بالتعامل

وبيحس الواحد انو بيقدر يحكيلك كل شي وهو مرتاح ومطمن بالو    .. وغير هيك أحلى شي فيك انك مستمع جيد جدا مشان هيك الواحد

بيرتاح بالحكي معك .. وكمان بتهتم بمصلحة غيرك وبتنبهو اذا كان مطنش دراستو وناوي يرسب    .. روحك المرحة

بتخبي وراها انسان بقمة الأخلاق واللباقة والاحترام والذكاء ودقة الملاحظة  .. وطبعا انت صديق من الطراز الممتاز    ..

وبدي قلك شكرا على كل شي .. وأنا بتمنالك الخير والنجاح والفرح والصحة من كل قلبي .. والله ينولك الي ببالك ويحققلك كل شي بتتمناه

وفي حكي كتير بس بظن انك انت صرت بتعرفو لأنو اسم الله حولك بدون ما احكي أنا شي عرفت انت كل شي ههههههههههههه

تسلمي هديل ع كلامك واذا انا اعرفت عنك كل شي بدون ما تحكي هاد بدل ع انك انسانة طيبة واضحة وصريحة

وما بيهمك شي والواحد بحسك اكتاب مفتوح بيئدر ايئلب بصفحاتو ولما ئلبت انا بصفحاتك وجدت فيكي انسانة غامضة ومرحة


بس بدها وئت لترجع اتحب الحياة ومتل ما خبرتك حبي الدنية لانو بالفعل فيها شي بيستاهل لساانو انحبها


اسف الرد كان ع السريع بس ما حلوة ايضل الرد امعلئ اكتر من هيك



مَحابي

اقتباس

اما ان يكون الموضوع مرتبط باخ غالي وعزيز وصديق وفي ورجل شهم مثل عبدالعزيز عندها اسمحوا لي ان اقول لكم تنحوا جانباً لانه حان دوري لكي اقول شيئاً
قليل في حقة

يا مية هلا والله نورتي يا الما خانم وبعرفك انسانة محترمة واخت عزيزة واللباقة
خلئت الك

اقتباس

.... عندما اخبرت عزوز اني سوف اراه بدا لدية نوع من التهرب الذي لم افهمه فعذرته
واعطيتة اسباب خاصة ربما لم يكن يود البوح بها
لكن عندما علم اني بحاجة له في بعض الامور كونة هو ابن الكلية ويعرفها جيداً

قال لي: مو ع عيني انتي بتئمري خانم

مو تهرب انتي بتعرفي شو الاسباب ولا اتغشمي حالك

اقتباس

س1: عزوز ما هو الموقف الذي يمكن ان يجعل عزوز منزعج ؟ بعيداً عن المرح؟

   

شو هاد الما بلشنا شايف

اكتر شي بيدايئني لما شوف شخص بيخرب بالبلد ونسيان انو هي بلدو

لما بشوف انو العالم نسيت دينها وركضت ع الدنيا

لما بشوف انسان مظلوم ويلي ظالموا انسان متل بس الفرء بينن شي اسمو لحليح

شكلك حابة اتنكدي علي

اقتباس

ما هو حدودو ابداعك في الراب؟

ابداع


لاء هيك كلمة اكتير اكبيرة علي الئصة انو الراب هواية عندي مو اكتر

ومعلومك الاهتمام فيه اضعيف عنا

انا بشوف انو الراب اسلوب بفش خلئي من خلالو

اقتباس

ما تعني لك كلمة صداقة ؟صديق ؟صديقة؟

الصداقة عندي ياها رابط مقدس واهم شي بحياتي

صديق هي الكلمة اكبيرة وصعب انو تنمح لاي شخص لانو بالنسبة لعزوز

عندي معارف وزملاء ورفئة اكتير والحمدلله بس الاشخاص يلي بئول عنن

اصدقاء حققين اكيد ائلال

والصديق بالنسبة الي احدودوا عندي لعند روحي ومستعد ضحي منشانو باي شي

اما حدودي بالنسبة لصديقي بتتوقف عند حريتو الشخصية


صديقة هلاء من منظور اجتماعي لح ئلك اني بعامل الصديقة بكل احترام

ما لح ئول متل اختي لانو انا ما بامن بهيك كلمة ابداً

وهي عبارة عن تزيف وبس

بس بحرص ع فرض حدود بينا اساسها الاحترام والاحترام والاحترام


يلي بدو ايحط سؤال ايحط

لاني لح طول حتى رد  .....  وحابب كون متفضي اكتر للموضوع






سبلوشي

اقتباس

وبدي هنيكي على اسلوبك اللبق .. وبدي قلك خليكي هيك وفية ولا تصيري متلي لأنو أنا خسرت

أعز أصدقائي بس لأني عندت .. أو بالاحرى وبكل صراحة لأني ما قدرت كون متلك ...

والمعنى بقلب الشاعر

..


ايه هدوووووووووول خانم بيسلم عليكي الشاعر وبئلك لا ايروح فكرك لابعيد


وانشالله ترجعي بالسلامة من الادئية

اقتباس

اسفة يمكن كان لازم عزوز يرد عليكي قبلي بس بصراحة ما قدرت اطلع وما اكتب ..

عادي هدولة خدي راحتك الموضوع موضوعك


سبلوشي