محتارة بين امرين و لا اعرف و ين الحقيقة و ما اعرف اصدق من و لا اكذب من الله يوفقكن كل شخص يحمل الاجابة يعطيني ياها بجد و لا تحيروني اكتر من هيك لح يصرلي شي اسبوعين على هلحالة حاسة انو احلى سنين حياتي لح تضيع من ايدي باختياري بين طب اسنان (جامعة القلمون في دير عطية و هي منحة من وزارة التعليم العالي) و بين الصيدلة في جامعة دمشق ما عرفانة و ين احسن و لا اي فرع احلى و المستقبل ايلو عملت استخارة بس ما طلع شي ولازم اقرر من هون للأحد ة الا وزارة التعليم سحبت كرسي الصيدلة و حولتني طب اسنان في الجامعة الخاصة و اللفه حاسة ان الحياة بلشت تورجيني ماسيها من هلا ياريت ما خلقت و لانو كل ما بيمر يوم عميطلعلي شي جديد و اكيد الله مانو رضيان علي لانو دائما مو عم يعطيني الي بدي اياه فانا كنت اريد طب بشري و لكن الله اوقعني في حيرة بين طب الاسنان و الصيدلة و طالعلي الفرعين مشان يعذبني و يحيرني بس انا بستاهل التعذيب و بستاهل كل شي عم يصير معي حتى انا بستاهل الدمعة ايلي بعيني و الغصة يلي دايما بقلبي الدنيا اغلققت ابوابها في وجهي الجميع فرحان الا انا بس لانو ماني قنوعة بدي كل شي بس الحقيقة ما حصلت على شي الا الحزن و الحرقة و الفشل لكن الحمد لله على ما قسمه لنا من كل شي

انا اختك ونصحك كانك اختي بلضبط
انا بشوف انو الصيدلة اريحلك و احلالك وعلى الاقلية قريبة من الفرع يلي بتمنيه
كل شي بلجامعة العادية اضم من الخاص ووجع الراس من المنحة
وطب الاسنان مو ظريف للمرأة بشكل خاص
تشوفي اسنان الناس وتعتير ريحة التم وشي افظع
وانا سمعت انك حابة مخابر والصيدلة الطريق الاسهل
فوتي صيدلة واهلا وسهلا فيك عنا 

السلام عليكم


والله يا أخت متحيرة .أنا بنصحك بالصيدلة

ولو كان طب الأسنان منحة من الدولة

لأنك أول شي عم تدرسي بجامعة دمشق

تاني شي المصاريف ........يعني على حسب ماسمعت صحيح أنتي فايتة منحة

بس مطلوب منك سعر الكتب ........وإذا حملتي مادة

وكتير من رفقاتي المسجلين بالجامعات الخاصة قالولي لو شو ماصحلك بجامعة دمشق أحسن من الجامعات الخاصة

فكيف أنتي حتدخلي صيدلة ....

والسؤال أيهما أفضل طب الأسنان ولا الصيدلة ماله جواب ..... يعني تقريبا متساويين


تالت شي رفقاتك بالصيدلة حيكونوا من طينتك وهم من أرقى الناس وأكيد حتسعدي برفقتهم

أما رفقاتك بالقلمون فأغلبهم ولاد مسؤلين وشايفين حالهم .......وخيار وفقوس

هي نصيحتي ..........وأسمعي نصائح الجميع وقرري .........ويارب يخترلك الخير



موفقة...............


سلاااااااام

ما بدي كتر حكي وتنظير ... الفرعين مناح ... وبرأيي إذا بعد كل هاد ماعم تقدري

ترجحي وحدة من الكفتين .... ما الك غير تطلبي من شخص ثقة يعملك استخارة بدون

ما تقوليلو شو الموضوع وتوكلي على الله ... شو ما كانت النتيجة ...

بس أهم شييييييي .... ما تحملي أي حدا بيوم من الأيام ولا حتى حالك مسؤولية

اختيارك هلأ ...

ويعني عفوا أنا برأيي ضوعت حالك من كتر ما سألتي وما رح تلاقي جواب مباشر

ورح تحتاري أكتر ... 

يعني كل واحد عم يحكيلك من تجربته ... وتجربتك أكيد رح تكون مختلفة والها

خصوصيتها يعني ما فيك تعكسي آراء الناس على اختيارك ...

صدقيني مرحلة الدخول عالجامعة (شو ما كانت) مرحلة حلوة كتيييييييير ... ما تخليها

تصير غير هيك ...

بتمنالك التوفيق
مها  

السلام عليكم

صدقيني لا تتحيري ولا على بالك
لازم تحسمي أمرك وتاخدي القرار المناسب

برد بقلك دخلي الفرع يلي بتحبيه أنت مو حدا غيرك

هدا مستقبلك لازم تحسمي أمرك وتصنعي القرار

بدك نصيحتي................


خدي ورقة وقلم وسجلي الإيجابيات والسلبيات لكل فرع من هل الفرعين

وأختاري الفرع ذو الإيجابيات الأكثر والسلبيات الأقل

مالك غير هل الحل
تقبلي مروري

تحياتي لك

انا مازلت متحيرة بس هي اول مرة اشعر ان هناك اناس لا تعلمها احبتك و حاولت مساعدتك انا هي اول مرة بشترك بمنتدى و انا عم اكتب كنت على يقين انو ما حدا حيجاوب او يهمو الامر بس فشة خلق بس الحقيقة اول ماشفت هل ردود صح هي ما كتير افادتني بس و الله العظيم انو دمعت عيني و حسيت انو مو لحالي بهدنيا على الاقلية في عند ناس و لو افتراضيين بس شعروا بحالي انا ما بعرف حدا منكن بس كل يوم بالليل و اقبل ماانام بدي دعوتي الخاصة يلي بتمنا انها تتحقق و كنت ازعل لانو مافي حدا حدي بستاهل انو يكون معي بهلفترة لانو الكل علاقتن فيي مصلحه بس هي اول مرة عم انتظر حتى تصير الساعة 3 بالليل لانو هلا صار عندي اشخاص لح يكونو بقلبي بهالفترة و لح ادعيلهون الله يححق امانيهن و يفرح قلبن مثل ما فرحوي قلبي
                                                    و االه مو كذب بس لو تشوفوني مارح تصدقو على قد مو عم ابكي و انا عم اكتب هذا الرد بس مو من زعلي على العكس تمام من فرحة قلبي

ذكرتيني أنا بزماني احترت بين الطب و الصيدلة

اللي عملتو هو اني بعد ما استخرت زرت الكليتين

فتت ع مبنى الطب لسجل المفاضلة اللي كانت أول رغبتين فيها لسا مو كاتبتهن لأني محتارة بس اللي صار اني بقلب مبنى الطب ما كنت مرتاحة مدري ليش فكتبت أول رغبة صيدلة و بعدين رحت ع مبنى الصيدلة لأول مرة بحياتي لقيت حالي مبسوطة بدون سبب  و حسيت انو ذكرياتي حتكون بهالمكان

فإنتي حاولي تعمل إطلاع عالمباني  بيجوز يصير معك متلي و اسألي مجربين 

والله يختار لك الخير