ما بعرف إذا قرأتو الدعم الجديد للمازوت بس اذا شفتو فعنجد شي بضحك يعني كانو الشروط محطوطة لحتا ما حدا ياخد هالدعم مثلا :
الي دخلوا بالشهر فوق 25000ل.س ما بيطلعلوا دعم وكانو الي عم يدخل ع بيتو 25000شي كتير كبير وما بيعرفوا انو هالدخل ما بكفي شي
الي عندو سيارة ما بيطلعوا دعم
والي قيمة فواتيروا (جوال - هاتف ارضي - كهربا - مي ) فوق ال5000ما بيطلعوا دعم
والي عندو بيتين ما بيطلعلوا دعم ...
مستحيل حدا ما يحقق شرط من الشروط 


يعني باختصار ازا حدا بيعرف حدا بيطلعلو دعم مازوت مشان الله يجيبلي يا

   

هي الشروط ما كتير دقيقة،نحنا بيطلعلنادعم  مازوت ورفيقي بالشغل بيطلعلوا كمان .

على كل حال من ضمن الشروط أنو ما يكون عندك أكتر من بيت  واحد للسكن  مسجل باسمك ومايكون  عندك سيارة مواصفاتها اكتر من مدري شو.

سلام
كل سنة في تغير
هذا يعكس التخبط في سن القوانين
كان في مليون حل و مافي داعي لهالتعقيد و التخبيص

شكرا لك

أبو فاطمة

والله اذا هالحكي صحيح 100% .. .معناها مارح يطلعنا دعم منوووووب

وخاصة مع هالبند

       

بصراحة ضحكتني شوي ...


على خير ... تحيتي

حتى هذه اللحظة ما في شي رسمي ....... كلها تسريبات ..... ومقولات ......... وإشاعات ........ ومقدمات ................

ولكن كل ذلك يدل على أن المازوت هذه الشتوية سوف يكون كابوس على أبناء الطبقة المتوسطة والفقيرة ........ وكان الله في عوننا على ذلك ........

وتقبولوا تمنياتي لكم بشهر رمضان مبارك ..........

زميلكم quality

هاااااي
عنجد هلأ هي الشروط حقيقية و الله فكرتها مزحه اذا حقيقية ما النا دعم على هالحال  ...و يمكن يصنفونا كمان من الطبقة البرجوازيه على هالامكانيات المتوفرة عندنا والي حرمتنا الدعم  عنجد شي بيضحك ...

                                                                          مااااااااسة

اي يا شباب بس بدي عدل شي مو قيمة فواتيروا 5000 لا 3500 وهي الشروط رسمية
بس متوقعين ما تدوم أكتر من 6شهور وتفشل

والله يعنين أهلينا ويعينكن أجمعين

شو هل الحكي إذا هيك ما في أحد يحصل على الدعم غير 30% من سكان دمشق
والله يعنين أهلينا ويعينكن أجمعين 

إذا الحكي صح معقول يطلعنا دعم؟ عنا بيتين وسيارة بطير العقل
وبالنسبة للرواتب يلي عنا بالبيت ما رح قول قديش بس فوق النار وبالنسبة للفواتير شي خمس جوالات وشي كم خط أرضي مع ميزة الصفر المحلي والدولي وفواتير عن بيتين كل واحد قد الآداب أو أكبر شوي بيت مو فيلا
على كلا الأحوال معقول يعملوا إستثناء ويدعمونا