السلام عليكم


انا طالب صيدلة جامعة دمشق سنة اولى
بدي اسال الطلاب القدامى


شو منشان الرسم
انا كتير فاشل بالرسم

وبالعملي اجباري بدنا نرسم
شو اعمل

أخ حسام .......


كرمال الرسم عااااااااادي


ماحدا فاشل بالرسم قدي


انت المهم تكون راسم الشغلات المطلوبة بشكلها الصحيح ومكانها الصحيح مو أكتر


أما التفنن بالرسم مو مطلوب

متحيرة أهلاً و سهلاً فيك:

بس صراحة أنا مو تحيزاً للصيدلة بس بفضل الجامعة الحكومية أي فرع أحسن من الجامعات الخاصة لأنو لهلق لسا الاعتراف بشهادتها هو وعود مستقبلية......يعني مو مضمونة...

من شان الرسم ولا يهمك

أكتر من 75%  من طلاب الصيدلة مو شاطرين بالرسم

بعدين مو شرط ترسم بنفس اليوم

في CD بالكشك فيه كل الرسمات واضحين



شغلة بسيطة كتيـــــــــــــــــــــــر..........

أخ حسام ..........
أهلا فيك بالكلية

البراعة بالرسم مو شي ضروري نحنا (مو داخلين عمارة )
متل ما ذكر الزملاء قبلي المهم تكون راسم صح ممكن تنقل الرسم من نوطة العملي يلي بتنزل بالكشك وتحفظها للامتحان ومو ضروري ترسم من المجهر متل ما بيقولو مشرفي العملي
اما التظليل و الرسم الحلو فهي موهبة من الله مو الكل بيملكها


الاخت المتحيرة:

أنا ما بنصح بالجامعة الخاصة لأنو ما بتعرفي بيعترفو بالشهادة ولا لاء وما عم بحكي بنطاق سوريا بس بل بالدول التانية لأنو ه الجامعات الخاصة مو معروفة برا وعادة خريج جامعة دمشق دوبو يلاقي شغل سواء بسوريا أو برات سوريا فكيف الجامعات الخاصة؟؟؟؟؟؟؟

وبالنسبة لطب الأسنان له مستقبل بس كتير متعب أنا بابا دكتور أسنان وبشوفو شو بيتعب بس اذا أبوكي او أخوكي اسنان ممكن يساعدوكي وكونك بنت الصيدلة أحسلك و اريحلك وطبعا القرار اللك


الاخت شمس

أهلا فيكي بعيلتنا فرد عزيز


كتير حلو أنك عم تشاركينا بالمنتدى بس عندي سؤال كيف سمعت جامعة دمشق عندكم منيحة ؟ هل شهادتها معترف فيها ؟؟؟؟؟؟؟؟؟؟؟
(سواء كلية الطب البشري ولا الصيدلة) اذا عند معلومات

المشروع حلو كتير ومهم للاتصال والتواصل
اخت متحيرو
نصيحتي الك
اختاري شي يلي بتحبيه ورأي تنزلي وتشوفي لجامعتين وتسألي الطلاب يلي بلكلية
عن الدراسة ونظام الدوام والشهادة اهم شي
وعن القرارات التابعةللبعثة (المواد ازا بعيد الشر حملتيهن او الاقساط.......الخ) والشادة معترف فيها ولا لا
اخ حسام
الرسم اخر شي بنهتم فيه بلكلية  الانو الكل بدفش فيووووو

الله خليك  ماني عرفانة حاسة دراسة الصيدلة خمس سنين متل التهون  على عكس طب الاسنان الي بدها شغل من اول محاضرة لان مو كل مين اعد عند دكتور سنان صار مثله على عكس الصيدلة يلي مين من كان بيقدر يعد بالصيدلية و يتعلمها هي اذا ما تفوق على غيرو من الصيادلة الحقيقيين

شكرا كتير لكل مين ساعدني بموضوع الرسم

في عندي سؤال تاني

انا دخلت صيدلة عالموازي

بالنسبة للنظري مافي مشكلة بحضر بدون ما حدا ينتبه



بس بالنسبة للعملي

لهلا لسى الفئة تبعي ما طلعت

يعني الدروس بتبدى يوم الاحد
انا شو اعمل

انتظر لحتى تطلع الفئة تبعي ولاشو



وسؤال تاني

كيف بيتم توزيع طلاب الموازي
بففئات لحالهن ولا ضمن الفئات القديمة
يلي عندو فكرة يوضحلي


مشكورين سلفا

السلام عليكم...............

بالنسبة للموازي بالفصل الأول بيحطون بفئة لحالون , بعدين بالفصل التاني بيوزعوهون حسب

الأسماء................. و أكيد داوم بعد العيد مباشرة و حط اسمك على جنب بأي فئة و خصوصا الكيمياء

العملي لأنو عنجد بيحرمو إذا الواحد غاب 3 جلسات نصيحة يعني أنا ما روحت و لا جلسة بس في من

رفقاتي استنوا لتطلع الأسماء قام أكلوها...........

السلام عليكم

متحيرة

دراسة الصيدلة كتير حلوة و لا تسمعي كل هالحكي ضدنا

يعني الشغلة مو بس بيع علب دوا

بدها كتير تفكير ببعض المواقف

مثلا إجاني مبارح واحد بدو لأبوه دوا مشان يساعدو عالخروج

أبوه معو تشمع كبد شديد و سائل حبن بشكل كبير على حد قولو

و أبوه لما بدو يخرج بيشعر بألم شديد و بينتفخ بطنو من سائل الحبن

فبدو شي يسهل الخروج

فكرت أعطيه باركاسين (تركيبو هيوسين) كمضاد تشنج بس قلت هو بالأصل مافي تشنج

آم قلت لازم أعطيه شي محرض مثل البيزاكوديل و في لاموتيك لشركة آسيا فيها هالمادة

بس ما كان في عنا تحاميل منها و ما حبيت أعطيه حب لأنو بياخد كتير أدوية تانية

آم قلت أعطيه أحسن شي تحاميل غلسرين لأنو ما بتعمل مشاكل و بتلين البراز و بتسبب تخريش للمستقيم فبتحرض الخروج

""كأنو كان لازم حط المشاركة بموضوع الملازمة""

بالنسبة لطب الأسنان فبيعتمد على الممارسة و العمل الحرفي أكتر من الناحية العلمية حسب ما بعرف

و بالنسبة إلى ما بحب طب الأسنان لأنو الواحد بضل طول اليوم واقف و العالم فاتحة تمها بوشك

بالنهاية لازم من كان بها خبيرا حول أي اختصاص

بالتوفيق