Issamo:

أهلاً فيك بالمنتدى و بجامعة دمشق...

بس هلق شو هي المواد يلي عندك ياها لأنو كل مادة و إلها استراتيجية دراسة.....بس على كل حال المواد يلي عنا بتندرس من الكتاب معدودة على الأصابع و أغلب المواد بتندرس من محاضرات بتنزل بالكشك فيها حكي الدكتور و إذا نزّل شي سلايدات.........و في مواد بتفيد فيها مراجع خارجية ...

بس بتوقع أنو يكون عندك مادة ( علم تأثير الأدوية) و هادا طبعاً بيلزموا حضور لأنو كتير مفيد و ما في كتاب جامعي مخصص إلها بس في مرجعين كتير مفيدين و هنن: الليبينكوت: تأثير الأدوية و كتاب البورد..و في منهن عربي و انكليزي.

golden pill


اشكرك جدا اخي الكريم بارك الله فيك وباهتمامك وترحيبك الراقي :

صح كلامك عندي مقرر علم تاثير الادوية

وحاليا في هذا الفصل الاول اربع مواد :

مراقبة دوائية  س 5

الصيدلة السريرية و صيدلة المشافي  س 5

علم تأثير الأدوية2  س4

الصيدلانيات  س 2

وشكرا لك اخي مرة اخرى بارك الله

بس صراحة أنا ما فيني قلك غير عن مادة الأدوية-2- لأنو أنا طالبةسنة رابعة أما الصيدلانيات فسمعت بتغيير الدكاترة فما رح أعرف شو الوضع لأعرف مين الدكاترة بس كأنو رح يعطي د. محمد أمين و هادا الدكتور منيح كتير بالنسبة إلك لأنو بيعتمد كتير على المصطلحات الانكليزية و بدو حضور و فهم ممتاز...

أما باقي المواد فصراحة ما عندي فكرة عنها.....

بس على كل حال بس لتصير تحضرهن كل شي بيبين....
و بنصحك بزيارة موضوع "كلية الصيدلة....السنة الخامسة(دليل الطالب) " لأنو فيها شرح كافي عن هذه المواد...


و الفقرات التالية منه:

*مراقبة دوائية 
القسم العملي : يتم فيه إجراء التحاليل الكيميائية و معايرة المواد الفعالة في الأشكال الصيدلانية المختلفة . العملي ممتع و يمكن تحصيل علامة جيدة فيه بسهولة .
القسم النظري : يعطيه الدكتور محمد عامر المارديني . للمادة كتاب نظري يقع في حوالي 1000 صفحة ، يشمل هذا الكتاب معظم ما مرّ معنا في المقررات السابقة خاصةً الكيمياء التحليلة 1و 2 و مقررات التحليل الآلي و التكنولوجيا الصيدلية و الصيدلة الميكروبيولوجية . أسئلة الدكتور عامر يمكن تسميتها بالسهلة الممتنعة . قسم منها يمكن حله بسهولة ( طبعاً بعد الدراسة الجيدة ) و قسم يحتاج تفكير و تركيز و فهم إضافة للبصم .


*الصيدلة السريرية و صيدلة المشافي
القسم العملي : يتم فيه دراسة حالات سريرية مختلفة ووضع خطط رعاية صيدلانية لتخريج المرضى من المستشفيات .
القسم النظري : تعطيه الدكتورة وفاء حمود و الدكتورة لمى اليوسف . قسم الدكتور وفاء يضم محاضرات عن الأدوية و المسنين ، الضغط ، السكري، الاكتئاب ، القرحة ، أدوية الحمل و الإرضاع . أسئلتها عادية قسم منها اختيار من متعدد و قسم منها مفتاح ألماني و الباقي وصل .
أما قسم الدكتورة لمى اليوسف فيضم محاضرات تتناول الكبد و أمراضه و الخثار الوريدي العميق و أمراض القلب و التخثر و الروماتيزم . أسئلة الدكتورة لمى تتراوح بين السهل الذي يمكن الإجابة عليه مباشرة و بين الأسئلة التي تحتاج تفكير و محاكمة عقلية و صيدلانية للإجابة بشكل صحيح .

مرة اخرى شكرا الك

وماشاء الله الطلاب مو مقصرين بالشرح لمواد جميع السنوات

والله يوفق الجميع

تحياتي

بسم الله الرحمن الرحيم
السلام عليكم ورحمة الله و بركاته

إخوتي الكرام .. شكراً جزيلاً على الترحيب بي..
الصيدلة هنا في النرويج و خصوصي في جامعة أوسلو تتبع نظام أوروبي موحد في التعليم ... و هذا النظام يعتمد على نظام المواد المبنية.. هذا يعني أن كل مادة تحتوي على مقتطفات من مجالات الصيدلة المتعددة مثلاً المادة الأولى في السنة الثانية صيدلة هي عبارة عن ثلاث مواد مثل المايكرو بيولوجي و الفارماكولوجي و كيمياء الأدوية أو ربما ما يسمى بالعربي تأثير الأدوية
الدراسة هنا خمس سنوات ثلاث سنوات يكون فيها دراسة مكثفة و من ثم 6 شهور من التدريب العملي في صيدلية و من ثم سنة و نصف يكون فيها كتابة رسالة الماجستير...

أتمنى أن أكون قد أعطيت لمحة مفيدة عن طبيعة الدراسة في أوسلو...

و السلام عليكم و رحمة الله

السلام عليكم

شكرا لك شمس على المعلومات

و نكون شاكرين لك إذا استمريت في بتزويدنا بمعلومات حول الدراسة في الخارج من أسماء الجامعات و شروط التسجيل و ما إلى هنالك

shams:

شكراً إلك على هاللمحة...........بس 3 سنين دراسة لكن نحنا ليه من نمطى 5 سنين؟؟
و شلون مقتطفات يعني الطلاب بيعملوا بحث عن المواضيع المطلوبة؟؟

أنت أنو سنة؟؟ و كيف استراتيجية التدريب العملي بالصيدلية؟؟؟و هل بالصبدليات بأوسلو فيها شي مختلف عننا هون؟؟

                                          شكراً مرة تانية

انا طلعلي صيدلة في دمشق و ايضا حصلت على منحة من قبل وزارة التعليم العالي كي ادرس طب اسنان في جامعة دير عطية (القلمون) و انا كثير متحيرة و ماني عرفانه و الله لح طق

انا طلعلي صيدلة في جامعة دمشق و حصلت من وزارة التعليم العالي على منحة لدراسة طب الاسنان في جامعة القلمون في دير عطية و انا متحيرة كتير انا اولا كنت بدي طب بشري بس ما طلعلي و سجلت صيدلة على اساس اختصاص المخبر بس هلأ انا متحيرة

اهلا وسهلا بك متحيرة ..............


النصيحة الأولى  : الجامعة الحكومية  لازم تضل ببالك مضمونة أكثر وشهادتها لاغبار عليها ولاداعي للعيش في شكوك الخاصة طالما  طلعلك فرع كتير مرتب بالعامة


النصيحة التانية :  طالما بدك مخبر فطريقه من الصيدلة أسهل بكثييييير

ويحتاج فقط لهمة


النصيحة التالتة : انت لازم تعرفي شو بدك أسنان ولا صيدلة


ومالازم تتأثري بالمحيط


وبالنهاية بتمنى أنو تدخلي الفرع اللي بترتاحي فيه