هذا ردي الذي كنت أود أن أشارك فيه من قبل : وهو كالآتي :

السلام عليكم ...

تحية وبعد ..

في الصفحات الماضية كان هنالك رد تم السؤال فيه عن أكثر الأعضاء الذين تكون ردودهم قريبة من أفكارك أو تستولي اهتمامك ... كما أذكر السؤال ..
صحيح أن الإجابة عنه كانت متأخرة ولكن تقبلوا هذا الرد ...

أولاً من حيث طلاب السنة الثالثة ( أي طلاب دفعتنا ) فصراحة كل الردود تستولي اهتمامي لكوننا عشنا سنتان معاً في الكلية وبإذن الله سنتابع الدراسة على مقعد واحد حتى آخر سنة من هذه السنوات الخمس ... لذلك رأيهم مهم ...

كما أذكر من طلاب دفعتنا في هذا المنتدى : محمد – الهدهد – كريم – بلسم الآلام – heartless  - المرهم الشافي – banadol  - nanon  - ironheart  - Rna  - Salam-M  - Oscar  - آية الرحمن – اسبرين – لعيون ميسي – شمس – Unknown  - Rula  - Wishes Master –  -  - Sailor Moon- lina . (( هؤلاء والله الذين تذكرتهم من الأعضاء ))

كما لا تنسوا فرعون هذه الدفعة وهو pharmacy .

أما باقي العائلة :

طلاب السنة الثانية :

أهتم كثيراً بكتابات   فارس – نجم – وسيم – رؤى  - rana  - hema  - hilal  - Lara -  

طلاب السنة الرابعة:

زيد – وآيرون مان  - phmab – Len0o0o0o0o0  - golden pill - 

طلاب الخامسة :

محب الحبيب – لنصنع الحياة – sweetlife  - pharma87    -

الخريجين :
أختي طوق الياسمين 

والله هذا ما استطعت تذكره من الأعضاء ومن نسيت اسمه فأنا اعتذر سلفاً على ذلك

لأنكم كل واحد فيكم يا طلاب الصيدلة بمثابة أخ عزيز لي أو أخت .

دمتم في حفظ الله

والسلام عليكم ورحمة الله


   

اقتباس

كما لا تنسوا فرعون هذه الدفعة وهو pharmacy

ههههههههههههههه

و الله ضحكتني يا ياسر...

ما صفي حدا ما ذكرت اسمو...

لك وينك اليوم ما شفتك بالجامع؟؟

و كمان هادا بلال حسابو عندي... 

صحيح أنا بعتذر كتير من كل الأعضاء لأن سلسلة المغامرات وقفت عن كتابتها لأنها بدها وقت بالتنزيل والكتابة

على كل نشالله كل فترة وفترة بحاول نزل شي جديد

بس ما بعرف إذا كانت عم تعجبكم

صحيح إنها مبتذلة شوي

بس الواحد بيحاول يحرك الجو شوي


بس وعد إن شاء الله لح نزل مغامرات جديدة بعيدة عن الصيدلة وجوها بالأسبوع هذا

ولح تكون

مغامرات فارماسي مع جدته

طبعاً جزء واحد بس من شان ماحد يضيق خلقو

يازلمة والله قراءة القارئ يلي بجامع الذهبية أحلى

عم يقرأ هناك حفيد الشيخ أبو الحسن (( رحم الله الشيخ أبو الحسن ))


صوته قريب جداً من صوت جده


-------------------------------------------

 

و الله خطرلي موضوع انطرح بكتير منتديات و حبيت نتناقش في هون...

بأي مسجد تصلي التراويح في هذه الأيام؟؟؟

و من هو القارئ ( أو الامام) الذي تصلي خلفه؟؟

و لماذا تصلي فيه؟؟

كيف تقييمك للصلاة أو القارئ ( صوته حسن ، قراءة بخشوع.......الخ)

للنقاش....................

فارماسي ماشاالله مومخلي حدا

حاطط أسماء العيلة وعيلة العيلة  

_____________________________________________

صحيح بشكر من كل قلبي  كل مين علق على مشاركتي  طبعاهادا من ذوقكون

ولطفكم بس أنا مستغربة إنو كيف لقيتو مشاركاتي لطيفة ومريحة مع إني بحس مشاركاتي بايخة متل مشاركات الولاد الصغار        يلا يكتر خيركون رفعتو معنوياتي    
_____________________________________________

اقتباس

و الله خطرلي موضوع انطرح بكتير منتديات و حبيت نتناقش في هون...

بأي مسجد تصلي التراويح في هذه الأيام؟؟؟

و من هو القارئ ( أو الامام) الذي تصلي خلفه؟؟

و لماذا تصلي فيه؟؟

كيف تقييمك للصلاة أو القارئ ( صوته حسن ، قراءة بخشوع.......الخ)

هلأ أنا كبنت بفضل الصلاة بالبيت بس وقت بدي روح عالمسجد فبحب روح على

جامع التوبة والامام الذي فيه صوتو فيه خشوع جدا
______________________________________________

     

السلام عليكم............

مشان الجامع أنا من جديد عم روح على لالا باشا في صوت حلو و خشوع..............

بس بلسم الآلام ما بعتقد إنو البنات ما لازم يروحوا عل الجامع, شو خص هي بهي, مكانوا على زمن النبي يروحوا...........

بس كمان أنا بحترم رأيك و وجهت نظرك............... يمكن بهالزمن هيك أحسن....ا

حبيبتي سلام أنا أبدا ما أصدي إنو البنات مالازم يروحو عالمسجد بالعكس سيدنا محمد صلى الله عليه وسلم قال (لاتمنعوا إماء الله مساجد الله)

بالعكس أنا مع إنو تروح البنت عالجامع وتصلي بس يُفضل صلاتها بالبيت  وأصدي بكلمة (يُفضل صلاتها بالبيت ) مو إنو حرام تروح عالجامع بالعكس أنا بصراحة برنامجي برمضان يوم بالبيت ويوم بالجامع

اقتباس

بأي مسجد تصلي التراويح في هذه الأيام؟؟؟

الحمد لله .........


منّ الله عليّ


عم صلّي بجامع الايمان 

اقتباس

و من هو القارئ ( أو الامام) الذي تصلي خلفه؟؟

الشيخ : نعيم عرقسوسي


وبعض المشايخ الكبار

اقتباس

و لماذا تصلي فيه؟؟

لعدة أسباب

1- الخشوع بجامع الايمان مالقيتو بغيرو

2- الجزء اللي عم نقرأو

3- الشيخ نعيم

4- صاححلي توصيلة 

5- أسباب كتيرة ماعم اتذكرها 

اقتباس

كيف تقييمك للصلاة أو القارئ ( صوته حسن ، قراءة بخشوع.......الخ)

ماشاء الله حولون 

يعني مابيطلعلي قيم

100%

و الله أنا لهلق عم صلي بالبيت لثلاثة أسباب:

    - مشان أمشي بالختمة تبعي لأنو قصرت شوي.
 
    - لأنو أكثر جامع قريب من بيتي فيو الشيخ كتير بيلخبط هو و عم يقرأ..

    - لأنو ما حدا من رفقاتي قريب مني و عم يشجعني.....أو بدي أضطر لتوصيلة...

بس يعني إلا ما روح كم مرة بالعشر الأخير على جامع سعد بن معاذ أو البدر و هلق رؤى لفتتلي نظري لجامع الإيمان لأنو أقربلي..