هههههه يعني ما مرقت عليكي هالمرة ... طيب ماشي ...

شو رأيكن تعملولنا موضوع عن الطبخ بالساحه بما انو كل يوم منحتار شو بدنا نطبخ :')

يلا بلكي منساويها يوم الجمعه المسابقة وبما انو صار عنا خبرات عمليه هيك بتصير احلى .. مو تعملولي ياها اسئلة دورات :P

السلام عليكم

برايي يصير المنتدى متل كوكب زمردة للبنات فقط... ^_^

ياريييييت والله الافكار عم تخلص مبارح عملت معكرونة رافيولي بالصوص الابيض... عم فكر بكرا كواج... ههههه... انتي شو ناوية

السلام عليكم

ع سيرة الطبخ شفتو فيديو السعوديات والكويتيات يلي ردوا ع السورية لما نزلت فيديو الكبة.... ياويلي شو متجاكرين هههههه وشوفي الفيديوهات المألسة عليهن...

السلام عليكم

سؤال استفساري طبي

شو أسباب تنميل الرجل وخاصة الفخذ.... وإذا ما استجابت ع  فيتامينات ب المعروفة بالنوربيون فشو العلاج؟؟؟ وخصوصي إنها بتكون بشكل يومي ومن مدة طويلة.... سؤال انسالته واحترت فيه ... ومافي آلام بالضهر لنقول متل ديسك... وكمان اخدوا كورس فيتامين دال تحسبا...

والله برافو عليكي سلام ... اصلا الطبخ انخلق للسوريات .. وبعد المطبخ الشامي والحلبي ما في ..

بدنا نعمل موضوع اكلات سهلة وسريعة ونكون نحنا مجربينا ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مشان السؤال الطبي:

التنميل بالرجل واللي بيتمركز بالفخذ والورك بكون غالباً ناتج عن انضغاط العصب  الوركي sciatic nerve .... بزيد عالاعدة الطويلة ... وبخف بالمسكنات والمراهم مع مساج وتدفئة المكان وابر فيتامينات ب ... بس الأهم من هاد كلوو ...

هو تمارين بسيطة بتنعمل لتخفف هالانضغاط ... بس حطو عاليوتيوب تمارين آلام عرق النسا .. انا جربتن وكتير خف الوجع عليهن ...

السلام عليكم

خلص لعيونك بكرا ان ما نزلتيه انتي انا بنزله ومنبلش بهالوصفات... بس ياريت لو بيتصلح تحميل الصور... المشكلة ما عرفانين لمين نحكي.....

................

يسلمهم ع الجواب :)

السلام عليكم
أَفـْضـَلُ النَّاسِ مَنْ عَشِقَ الْعِبَادَةَ فَعَانَقَهَا وَ أَحَبَّهَا بِقَلْبِهِ وَ بـَاشـَرَهـَا
بـِجَسَدِهِ وَ تَفَرَّغَ لَهَا فَهُوَ لَا يُبَالِى عَلَى مَا أَصْبَحَ مِنَ الدُّنْيَا عَلَى عُسْرٍ أَمْ
عَلَى يُسْرٍ

صباح الخير ...

اوك انا جاهزة .... ع فكرة مدير المنتدي Yasser Net كل فترة بفوت وانا وقتها بعتلو عن مشكلة إضافة المواضيع ... يلا انشالله بحللنا مشكلة تحميل الصور كمان ...

حسب الحالات يلي عم تجيني عم لاحظ انتشار كبير للاكزيما وخصوصاً عند الأطفال والرضع ... وللجرب عند الكبار ... شو الأعراض يلي ممكن توجهكن لهالحالة وشو ممكن تنصحو المريض أو أهلو؟

في خربطة كتير عند الناس بإنو شو هو الايكو العادي وفرقه عن الايكو دوبلر الملون للجنين وشو هو الايكو الرباعي؟ ويا ترى هل في شي اسمو بعد رابع أصلاً وشو بزيد عن البعد التالت؟

السلام عليكم ..

المنتدى من أغلى المواقع علي لأنها بتذكرني بأيام الجامعة و كلية الصيدلة و النقاشات العلمية بين طلابها ..و كنت من زمان أول ماتخطر ببالي مواضيع جديدة حاول نزلها هون بالمنتدى وحاول خليها حصرية الو قدر الإمكان حتى اللي يدور على هيك معلومات يلاقيها فيه ...

بتمنى يرجع النشاط للمنتدى وترجع المواضيع  العلمية المفيدة والممتعة الو ...

بالنسبة للمسابقة أنا جاهز للمشاركة بس تقررو وخصوصا إنو بدنا نلقن الفريق المنافس هزيمة نكراء

(((((( شو أسباب تنميل الرجل وخاصة الفخذ.... وإذا ما استجابت ع  فيتامينات ب المعروفة بالنوربيون فشو العلاج؟؟؟ وخصوصي إنها بتكون بشكل يومي ومن مدة طويلة.... سؤال انسالته واحترت فيه ... ومافي آلام بالضهر لنقول متل ديسك... وكمان اخدوا كورس فيتامين دال تحسبا...)))))

سلام

بس خطرلي شي مهم انو لازم ينفحص المريض يلي عم يعاني من تنميل بالفخذ بدون أعراض بالظهر عند طبيب اختصاصي بجراحة الأوعية ليعملو ايكودوبلر للطرف خوفاً من أي تضيقات أو خثار وريدي أو دوالي أو نقص بالجريان ... وبيتأثر هالشي بعمره وبحالته المرضية وبحال كان عم ياخد أدوية تانية ...

_______________________________________________

مراقب أدوية .. أهلا وسهلا فيك من جديد بالمنتدى ... واكيد بما انو عم يرجعو اهلو رح يرجع حلو ومفيد وممتع متل قبل واكتر