والله يا أخ نجم بما إني متل عمو وسيم بدي تشخيص مخبري لح جاوب كمان على سؤالك.

تعلمت حط خيارات بديلة لطموحي لأن كنت قبل مفكرة بخيار واحد وبس هو الطب بس لقيت حالي خلطاني كتيييييييييييير  لهيك هلأ صرت عم فكر بطموحات تانية والشي يلي قلتو عم بدور براسي كتير وما من نقول إلا الله يختار الخير .


الســـــــــــــــــــــــــــــــــلام عليكم .

لك لا قصة و لا شي

كان يا ماكان في قديم الزمان و سالف العصر و الاوان حتى كان

من انا و صغيرة و ماما بتحكيلي عن الصيدلة اديش حلوة و بتجنن و دائما كانت تدعيلي اني فوت صيدلة



و انا من وقتها كان حلمي انو فوت صيدلة

قدمت البكالوريا و انا بمدرسة الفاروق اذا حدا بيعرفها

و لكن يا اخواني الكرام انصعقت بالفصل الاول لاني جبت 210  

و نحن عنا بالبيت الاعادة ممنوعة و الجامعات الخاصة ممنوعة وغير محافظة ممنوع و موازي ممنوع


يعني مافي غير جامعة دمشق

بعدين قلت لحالي ليه شبها هندسة الزراعة ليكو هي بابا مهندس زراعي شو صاير عليه

بعدين هلأ كترت الاختصاصات يللي فيها

على كل حال ما رديت على حالي و درست منيح و جبت صيدلة

و توتة توتة خلصت الحتوتة

بس يلي عنجد قصتها غريبة

هي هيما

ما بعرف بتحب انا احكيها و لا هي

____________________________________________________

اهلا و سهلا بكل عيلة المدني

بس نحنا ما حدا بيطحش علينا

كيف بدهن يطحشو علينا و عنا ماما طوق الياسمين

اخوانتا الكبار

سويت لايف و فارما

الاخوات الوسطانيين

زيدو مها و نانون و فارماسي و بلسم الالام و لموش

و الاخوات الصغار

نجم و رؤى و خلود ووسيم و هيما و عدنان و قيس و فارس و لارا و حلا

و طبعا اخر العنقود

انا    

لا حدا يزعل مني اذا نسيتو

فكرة حلوة كتير من نجم

أنا قصتي بسيطة ومعقدة بنفس الوقت

بس القدر كان ألو دور أساسي فيها

ولح نبلش بالابتدائي

انا اصغر واحد بالعيلة كلها ( يعني عيلتي وعيلة أبي )

ووقت كنت صغير ماكان حدا يساعدني بالدراسة  ( مو لأنو ماحدا بدو يساعدني بس أمي هيك كان برأيها أفضل

المهم كانت علاماتي جيدة بس مو ممتازة بس على الأقل كانت بجهدي تماما وبدون ماحدا يلاحقني عموضوع الدراسة


بالاعدادي
السابع والتامن مالي علاقة بالدراسة بنوب وعم انجح شحط

بالتاسع اجتني الهمة شوي عالدراسة وجبت مجموع جيد بس كمان مو عالي نسبة لغير طلاب

270

بالثانوي صحتلي فرصة نادرة ومااستمرت غير سنتين

وهية اني سجل بالسعادة عاشر وحادي عشر
بالعاشر كمان نجحت شحط

اما بالحادي عشر كنت ادرس بس رياضيات فيريا عربي

وعلاماتي فيون ممتازة

اما الباقي كنت ادرس على اد  النجاح

بس استفدت شغلة بهالسنتين اني احتكيت بطلاب البكلوريا وحسيت بمعاناتون ( خاصة المعيدين )

المهم اجت سنة البكلوريا

وبلشت من الصيف ( حتى في كم شغلة قريتون بالحادي عشر)

وصرت ادرس كليوم كليوم كليوم (( بس مو عدد ساعات كبير ))

وماتركت وسيلة ممكن اضمن فيها علامات ألا استخدمتها ( اساتذة خصوصي دورات نوطات
المهم يعني درست دراسة هستيرية

وبالأخير الحمدلله الله أكرمني ومارحلي غير علامة بالعربي وعلامة بالرياضيات وعشرة بالديانة





يتبع................

ييييييييي نجم آسف هلأ لحتى شفت ردك

لك والله انترنت فايت بالحيط و عم يقلللي لاااااااا يمكن العثور على الملقم

و الله بصراحة الله يجزيك ألف خير يعني يمكن هاد الشي الوحيد اللي بيريحني بالصيدلة

و بعدين كلما بتذكر الكلام اللي قلتلي يا بشعر بتفاؤل و أنو لح يطلع شي

و في مرة كتبت موضوع ما بعرف اذا بتتذكرو " إعلان سيوضع على واجهات الصيدليات عام 2020"

و ذكرت فيه أنو الابداع بالصيدلة ممتاز و خاصة باكتشاف الأدوية...

الله يجزيك الخير

و خلص بدي اكتشف دوا خصوصي لجهاز تصحيح الأتمتة اللي عنا

بحيث ما يحط علامات إلا فوق التسعين...

شو رأيكن؟؟؟

   

بس بدي قول شغلة صغيرة على فارس

     




فارس دائماً بس بدو يحكي موضوع ما بخلي فيه

و لو معلومة صغيرة إلا ما بذكرها من قبل عشر سنين

و لبعد عشر سنين


       

يعني أتحملوا لشوف إذا بتتحملوا


         

يمكن قصتو تصير 10 أجزاء

     

================

و الله يا وسبم

إذا بتكتشف هيك دوا بتصير  بدال العزيمة الوحدة

عزيمتين و على مشاوي

مو رز و بزاليا

         

لأحكيلكم قصتي مع البكالوريا ...

هلئ بصراحة ما كنت حاطة ببالي شي , لأني بحس إنو الشي اللي بدي ياه مو موجود

على كل الأحوال بلشت سنة البكالوريا و كان هدفي بس إني جمع مجموع عالي و بعدين بختار

و ما كنت من النوع اللي بياكلو الكتب أكل  ( و كنت اتفرج عالتلفزيون و حتى وقت الفحص ) ....و ادرس على قدر طاقتي .

و بالنسبة للمدرسة فأنا كمان ضليت بمدرستي يعني ما انتقلت عالأوائل و تابعت الدروس مع الآنسات و الأساتذة

المهم مضت السنة و خلص الفحص و طلعت النتيجة 237 (علامتين بالرياضيات و علامة بالانكليزي)

و بلشت الاقتراحات تتوافد من المحيطين و أنا ما لي عرفانة شو بدي اعمل .

و طبعا متل ما قلتو (كطلاب في سوريا ) لازم اختار يا طب يا صيدلة يا طب أسنان

و إلا إذا فتت شي كلية علاماتها قليلة أو شي معهد أو بطلت بحطوني بطرائف من العالم أو شي خبر عاجل بالجزيرة

و طب الأسنان لا يمكن إني فكر فيه ( ما بحبو أبداٌ ) و الطب كمان ما بحبو لأنو مسؤولية و هم و دراستو صعبة و طويلة

و بيطلع الواحد من الكلية عالعكازة .

و أنا ما بحب الكيميا ( و هي أكثر مادة عزبتني بالبكالوريا ) ..و ما كنت أعرف شو بدي ساوي

حتى إني فكرت عيدها أدبي ....هههههههه

بس عالأغلب كان لازم فوت صيدلة (لأسباب عائلية ) رغم محاولات إقناعي بالطب .

المهم مدري شلون  كتبت المفاضلة و حطيت صيدلة و بعدين معلوماتية  ... طبعا بعد ما عملت استخارة

و الحمد لله كانت أنسب الموجود و فعلا إني حبيتها  ( مع إنو لسا ما بحب الكيميا      )

و ما ممكن إني اتخيل حالي هلئ بغير فرع  ( و هاد كلو بفضل رب العالمين )

شو يا شباب ...؟؟؟؟

الطب كله تعتير بتعتير وحفظ وبصم

بالنسبة إلي كنت ناوي سجل بالبحوث العلمية لأن كان طاير عقلي بالنسبية والقفزات الكمومية

إضافة لهوسي بالبرمجة والأتمتة...

إلا أنه رأيت أنا أنا ما خرجي دراسة مركزة وتقيلة متل البحوث والكليات الجامعية ما قد المقام ولا قد الطموح في مجال البحث العلمي، ونظرياتها كلها من عهد جدي ...

وتحت ضغط الوالد الذي أصر على اختياري فرعاً طبياً، وبما أني أكره الطب ودراسته من كل قلبي

اخترت الصيدلة ...

وبعد ما دخلتها رأيتها بحمد الله من أكثر الفروع مناسبة لي...

اقتباس

بس يلي عنجد قصتها غريبة

هي هيما

ما بعرف بتحب انا احكيها و لا هي

رنا وقت كتبت ردي ما كنت شايفة ردك , و يمكن قصتي عجيبة لأني ما كان بدي شي

و كمان ما كان حدا متوقع ....لا الآنسات و لا العيلة و لا رفقاتي

و تقريبا كنت متل فارس خلال السنين الدراسية , بس بالتاسع جبت 272

و أنا بابا لهلئ مصدوم لأني جبت بالعربي 40

(لأنو عنا مرض وراثي بالعيلة اسمو : بحياتك ما رح تجيب علامة منيحة بالعربي ! )

بالتاسع رحلي 12 علامة بس بالعربي , ووقت فحص العربي بالبكالوريا رحت مو نايمة و لا دقيقة

مو لأني عم أدرس لأني قلقانة .

انا قلت انو قصتك غريبة لانك ما كنتي من الاشخاص يللي مقررين يفوتو شي فرع معين



خصوصا انك كنتي شاطرة و الشاطرين دائما عندهن طموح لفرع معين

و لهلا بتذكر لما قلتيلي انو ما كنتي عرفانة شو بدك تدخلي و ناس اقترحو عليكي تعيديها ادبي قال حتى تجربي التنتين

وناس اقترحو انو تعيدي السنة لمجرد الاعادة

بس عنجد انت اخر وحدة كنت بتوقعها تفوت صيدلة

و عنجد هون المجالات و الفروع  عنا محدودة شوي

يعني يللي بيطلع لبرا بيشوف ادامو خيارات اكتر

والله أنا درست البكلوريا بالمحسنيةو كنت بدي أعمل كل جهدي .. وبدي فوت معلوماتية أو صيدلة ...
وبعد الطح والنح .... جبت 233 والحمدلله ... وشكرت ربي صبح ومسا ..
واجتمعت كل الآراء ..... وفتت صيدلة
مع اني بحياتي ما حبيت الكيميا ... أد ما كنت بحب الرياضيات ..
وهلأ لا عم اقدر وازي بدراستي اللي بحبو الكيميا .... وراحت محبتي للرياضيات لأنو ماعد اشتغلت فيها .. وحل معادلة بمجهول من الدرجة التانية ما بتذكر شلون كان ...

ومع هيك الحمدلله .. هي طلعت عالرابعة ... والله عم يوفقني ويكرمني ..

ببشرك وسيم انو إذا وصلت للسنين الجاية .. كون متأكد انك مناسب لهالفرع وإلا ما كنت قدرت تبقى فيه سنة وحدة ... وهاد اللي عم حس فيه هلأ ..

وانشالله التوفيق للكل