اقتباس

الله يرحم أيامو وأيام منذر كريم الدين وباقي الأساتذة

ليكون قصدك قاعدة: H.....H.....H هي - log(H).......عمورة ركب دش!!! 


ولا قاعدة اليد اليمنى عند الأستاذ أسدي يللي كان ما يطلع عالتسميع غير الطلاب يللي قاعدين بزاوية الصف بمقولته الشهيرة "يا آنسة يللي قابعة بالزاوية شو رأيك تتحفينا بالحل!!" ...قام مرة اتفقنا نفضي كل زواية الصف ويومها ما بنسى منظروا  كيف تفاجأ وصار يضحك .......


ولا طريقة تحفيظ قوانين الفيزيا يللي ما بتنتسى عند أ.فقير .......كانت تبقى الحصة ما بتتفوت وما بعرف كيف يحفظنا القوانين بالصوت والصورة وبحياتنا ما ننساهن......


ولا أ.شعار و أ.فريد تبع العلوم ......كمان كانوا شغلة كبيرة....


الوقت عم يمشي بسرعة كبيرة......كأنو هالحكي كان مبارح (2005 - 2006)....بكرة ما منلاقي غير خلصنا وعم نتذكر دكاترة الصيدلة بالـ "خير طبعاً"........

   

السلام عليكم:

بدي أسألكن سؤال من الفحص الماضي وهو ببالي:


ليش لما يصير وقت الفحص بينقلب جو المنتدى قلب؟؟


ليش بهالوقت من كل فصل بدكن تعملوا جو كئيب وحزين؟!!!



مشان الفحص؟؟!!!



كل حدا فينا مقدم ما لا يقل عن 25 موسم امتحانات خلال حياته حتى الآن....وكل فحص منفكر أنو "هاد الفحص بالذات صعب وغير شكل"....وبالأخير بيطلع متل غيرو وما بيصير إلا يللي كاتبه رب العالمين..


ليش تواقيعكن والعبارات والصور الرمزية بتتغير لعبارات الهم والحزن والدعاء بتفريج الهم والغم!!!  يا جماعة الفحص هو أقل الهموم بالحياة ولسا ياما رح نشوف هموم أكبر وأعظم......ومصيرية أكتر......


كنت مقررة أقتبس بعض العبارات التي وردت بتواقيع الأعضاء كمثال حتى تصدقوا حجم المشكلة.....نعم هي مشكلة .....لأنو بعلم النفس بيقولوا أنو لما الواحد بيطمح لهدف معين لازم يكتبه أمامه حتى يضل متذكر وتتحول نفسيته وتصرفاته على هالأساس نحو الأفضل...فأنتو بهالوضع عم تحطوا حالكن بجو من الحزن والكآبة وعم تجبروا حالكن على الدخول بهالـ"موود" حتى وقت استراحتكن -الدخول عالمنتدى-


وكمان في ظاهرة بعتقد سببها هو موسم الامتحانات:

استعمال ميزة التصفح الخفي بهالوقت حصراً......أي شو الفوتة عالمنتدى قبل الفحص عيب ولا ما بتصير!! عادي ما الواحد قاعد بالبيت وما عندو شي غير الدراسة
فممكن يستريح من الدراسة ويدخل ...ما حدا رح يعيب عليه...


فالله يرضى عليكن روقوا شوي ومو مستاهلة القصة هالهم حاجة تكبروا الوهم على حالكن.....رح تقولوا الوقت صعب وبدنا نرفع موادنا وبدنا معدل عالي ليصحلنا دراسات......

أي يعني إذا الواحد هم حالو هالقد بيحصل علامات أعلى أو بيغير القدر؟؟!!

والله هالشي بيأثر سلباً وبالعكس الدراسة للفحص  بروح حلوة هي يللي بتجيب نتيجة أما الأفكار السلبية فرح تضر صاحبها.......وهالشي كلنا مجربينو لما يكون الإنجاز الدراسي لنهار تخلله ترفيه أو شيء ممتع أو لحظات تفاؤل أكتر من النهار يللي عقدنا درسنا فيه 18 ساعة ونحنا حاطين الحزن بالجرن....




على فكرة كلامي مو يعني أني ما بتشاءم او بنهم...بالعكس بتمر عليّ فترات فظيعة وخاصة لما أحمل شي مادة.....بس ما بحب طول فترة الاكتئاب على حالي لأنو عنجد مضرة بالنتائج الدراسية وبالصحة كمان......ولو أنتو صيادلة!!!






بس ما حدا يتدايق من كلامي.....بس نحن هون أخوة ولازم نفرج "هموم" بعض...



 

السلام عليكم

معك حق

ما لازم نضل 24 ساعة حاملين هم الفحص

وهي مبارح نزلت مقالة عالمعرفة كنوع من التغيير

فلازم نتفاءل شوي
                                                                                                                   
                                                                                                                     
                                                                                                                 

السلام عليكم



هو والله معك حق نسرين  إنو بيصير بالمنتدى كتير شغلات غريبة

وأهم شغلة  ................( عذرا لكنه ضغط على السيرفر............) 


لأنو ما شاء الله حولنا بس يقرب الفحص ما بقى منتقلع من المنتدى ............... وبتضاعف مشاركاتنا شي 100 مرة 


بقى يعني أقل منها إنو نحط شي صورة تذكرنا إنو عنا فحص لما نفوت عالمنتدى
يعني هيك شكليات بس منشان ضبط الوضع شوي...........



لأنو أنا من جهتي والله ما بنعطى وش بالمرة

وصار لازم يشتغل الركض خصوصا لأمثالي ( يلي ما بيعرفو غير محاضرتين من كل النظري يلي أخدوه)     





بقى الله يوفق الجميع ويباركلنا بوقتنا منشان نلحق نفوت عالمنتدى .............. قصدي منشان نلحق نخلص شوية دراسة ............. ونطلع بشي كم علامة مناح إن شاء الله 

        ===================================

(( صح نسرين مابعرف ليش ماعم يشتغلو الرسائل المستعجلة هلأ ................ بركي بكرة إن شاء الله بخبرك عالموبايل ))

اقتباس

((((ما لازم نضل 24 ساعة حاملين هم الفحص

وهي مبارح نزلت مقالة عالمعرفة كنوع من التغيير

فلازم نتفاءل شوي))))))))))

هاد هو قصدي تمام يعني نتفاءل وندرس .....ما بيمشي حالن سوا!!!

اقتباس

((((أنا بظن أنو في سبب لهالشغلة وبعتقد أنو سببها هو تقصيرنا من البداية لأنو منراكم كل شي لوقت الامتحان ولحق يا أبو سعيد إذا بتلحق !!!!!!!!!! )))))

بس لازم يكون حل التقصير هو تنظيم الوقت والدراسة مو حط "الحزن بالجرن"...

اقتباس

((((ولو .. وإن شاء الله تعتبروني منكن )))))))

أهلاً وسهلاً فيكي أخدتي بطاقة عضوية على عيلة الصيدلة من أول مشاركة إلك

اقتباس

((((بقى يعني أقل منها إنو نحط شي صورة تذكرنا إنو عنا فحص لما نفوت عالمنتدى)))

لك صار مو بس عم يذكر صاحب العلاقة لك صار عم يرعب صاحب العلاقة وباقي العيلة كمان......بعدين مين نسيان الفحص لحتى بدو مين يذكرو فيه هون

اقتباس

بركي بكرة إن شاء الله بخبرك عالموبايل  ))

خلص تمت المهمة بنجاح... .....يسلم إيديكي




بس هي مو دعوة للتسيب بالعكس دعوة للتفاؤل والابتعاد عن كل ما يشائم لأنو الوقت ماشي وماشي فليه ما نمضي وقت ممتع لأنو بدراستنا عم نعمل شي بيرضينا والأهم انو بيرضي رب العالمين...





لسا النهفة مو هون قد مو الوضع مكركب بساحة "إحساسك" .....   لك إذا الواحد بيكون مبسوط وبدو يحط إحساسو بتلاقيه اكتأب وطلع وخاصة بموسم الامتحانات....


في احد هالاحتمالات لكثرة المشاركات التي تعبر عن الانزعاج:

- يا اما الهموم كترانة (الله يفرج عالجميع)
- يا أما المبسوط ما عندو وقت وما بيخطرلو يحط إحساسو بهالساحة.
- أو لما بيفوت المبسوط بيكتئب....

بشتهي شي مرة أعمل دراسة نفسية للشباب والطلاب السوريين من خلال تحليل الأبعاد النفسية بالمشاركات بساحة "إحساسك بكلمة وحدة بس"...خرج ينعمل عليها رسالة دكتوراه....ومقارنته مع غير أماكن بالبلد أو بالعالم....ودراسة أسبابها الحقيقية..

السلام عليكم

وصباح الخير عليكم جميعا...


   

اقتباس

بشتهي شي مرة أعمل دراسة نفسية للشباب والطلاب السوريين من خلال تحليل الأبعاد النفسية بالمشاركات بساحة "إحساسك بكلمة وحدة بس"...خرج ينعمل عليها رسالة دكتوراه....ومقارنته مع غير أماكن بالبلد أو بالعالم....ودراسة أسبابها الحقيقية.. 

كنت شارك بهالموضوع من زمان.بس هلأ بطلت....حسيته ماله طعمة....!!!!

اقتباس

وأهم شغلة  ................( عذرا لكنه ضغط على السيرفر............)

لا تذكريني.....!!!! .................

   

اقتباس

لأنو ما شاء الله حولنا بس يقرب الفحص ما بقى منتقلع من المنتدى  ............... وبتضاعف مشاركاتنا شي 100 مرة 

أنا أول ما اشتركت بالمنتدى وقت الفحص......ويمكن ما اتكنس من المنتدى.......وبتوقع يصير دوامي 24 : 7  بالفحص..

اقتباس

وكمان في ظاهرة بعتقد سببها هو موسم الامتحانات:

استعمال ميزة التصفح الخفي بهالوقت حصراً......أي شو الفوتة عالمنتدى قبل الفحص عيب ولا ما بتصير!! عادي ما الواحد قاعد بالبيت وما عندو شي غير الدراسة
فممكن يستريح من الدراسة ويدخل ...ما حدا رح يعيب عليه...

فعلا....ليش هيك...

حتى بالمواضيع الخاصة.......صار عنا..

يتصفح الموضوع.......10 زوار بينهم 2 عضو....

========


شكرا لك نسرين على هذا الكلام.............

موفقين جميعا.....والسلام عليكم

M.E.H

           

انت عضو قديم ولا عضو مغير اللقب

           

نسرين معك حق

فعلاً العبارات يلي منكتبها بتنعكس علينا

موفقين الجميع

وفعلاً الامتحان الماضي  ماتكنست عن المنتدى       

================================

الشغلة مابدا ذكا      
M.E.H
عرفتك بعد ماعملت جرد لطلاب السنة الأولى     

golden pill

والله معك حق بكل كلمة

و انا مافي شي بجاكرني متل التصفح الخفي

اقتباس

في احد هالاحتمالات لكثرة المشاركات التي تعبر عن الانزعاج:

- يا اما الهموم كترانة (الله يفرج عالجميع)
- يا أما المبسوط ما عندو وقت وما بيخطرلو يحط إحساسو بهالساحة.
- أو لما بيفوت المبسوط بيكتئب....

أنا برجح الاحتمال الأول كتير لإنو الناس اللي صايرة عم تجيب الاكتئاب لغيرها و تجرحها كترانة

والله لما كنت اسمع حديث الرسول عليه الصلاة و السلام إنو ممكن الرجل يتكلم كلمة لا يلقي لها بالاً فتهوي به في نار جهنم سبعين خريفاً ....كنت أستغرب و قول أي شو هالكلمة اللي رح تكون عقوبتها هيك!!!!
بس بعدين شفت إنو أحياناً فعلاً كلمة وحدة أو تصرف صغير بكونوا السبب بتحطيم نفسية شخص و ما بنجو من هالحطام غير اللي بستعين بالله....
و تحطيم نفس يعني قتلها و القتل بستاهل هيك عقوبة.....

بعتذر إذا حكيت بموضوع تاني بس سيرة و انفتحت لحتى ذكر حالي و ذكركم إنو ندير بالنا على تصرفاتنا و أقوالنا و نعد لل 100 قبل ما نقول كلمة  أو نتصرف شي  تصرف....


موفقين بالامتحانات و يلا بدنا نشوف عبارات التفاؤل و الأمل