السلام عليكم

أرجو أن تناقشو موضوع المخابر بجدية

يعني مسائل الأمان معدومة

المواد الكيميائية توضع بزجاجات عصير

لا يوجد أدوات إسعاف أولي بالمخابر (حتى الدوش تبع الحريق مصدي و ما بينفتح)

ضرورة جلب خبراء لمعايرة الأجهزة (مثل السبيكتروفوتومتر و مقاييس الكمون و الpH و بقية أدوات الفيزيائية)

جلب أجهزة حديثة و خاصة في مخابر الصيدلانيات و تكنولوجيا الصيدلة و علم تأثير الأدوية (لا ننكر أنهم جابو أجهزة سبيكترو حديثة لكنها بحاجة لمعايرة كما قلت)

ضرورة زيادة الرحلات العلمية و لجميع السنوات في كل الاختصاصات الرئيسة (مثل معامل الأدوية و مخابر التحاليل)

فكرة حديقة النباتات الطبية رائعة لكن لماذا لا نستغلها لزراعة العقاقير التي ندرسها في العملي فبذلك تكون طازجة دائماً و متوفرة)

إجراء إصلاحات للمدرجات و توفير الأدوات للدكاترة من مكبر صوت و أقلام و مساحة (مع أنها بسيطة لكن هي بالفعل غير موجودة)

وضع خطط تحفيزية للطلاب على الدراسة من جوائز و مكافآت و تكريم

هذا ما لدي حتى الآن

أرجو أن يكون الاجتماع مثمراً و يعود على الجميع بالفائدة

هلق يعني رح توصل شكاوينا!! يللا لكن سجلوا عندكن:

- وضع المكتبة المأساوي ............ يعني مو بس بتسكر بكير (الساعة 1) لك هي أيام ما بتفتح من عين أصلو ......

و لازم يتم جعل الموظف و الكومبيوتر يللي بالمكتبة لخدمة و مصلحة الطالب ....فالمفروض أن يتم البحث بالكومبيوتر عن الكتب يللي بتخدم الموضوع المطلوب...

- و مشان المكتبة الدراسية لهلق ما عم تتنظم و تصير هادية و خرج دراسة _ بدي أفهم مكتبة الطب بهالأعداد الهائلة شلون بتضل هادية!!!_

- و مشان المخابر حكي زيد كان كافي و وافي.........بس بحب ضيف أنو يتم العناية أكثر بالمواد المخرشة مثل حمض كلور الماء المركز لأنو بسببو صرت عاني من الحساسية....فما لازم ينحط وين ما كان....لازم كلو تحت ساحبات الهواء...

معك حق لكن معقول نسخن مواد مشتعلة (ايتر أو كحول) على النار مباشرة بدون حمامات مائية!!!

- و لازم يغيرولنا هالممصات لممصات ذات إجاصة ....... يعني مو معقول الكل عم يمص بنفس الممص...و بتنتقل هالأمراض .... يعني في كتير أمراض خطيرة بتنتقل بهالطريق..

- كمان مشان موضوع الفصل الأول للسنة الخامسة ..يا ريت تعترضوا شوي على هالتعديلات الفاشلة يللي صارت  بالتوزيع الدراسي لهالسنة....يعني معقول 8 مواد و فوقها حلقة بحث..............و بالفصل التاني ما عد في مواد شو بدكن تعملوا!!!!
فإذا بتعرضوا ممكن يتساهلوا معكن شوي هالسنة ....و مشان كمان ما يعيدوا هالمأساة فينا (نحن الطلبة الصاعدون)..


  لهلق هيك بكفي...الله يوفقكن .......و إن شاء الله يطلع بإيدكن شي يحسن الوضع...

      و خبرونا شو بيصير معكن..

لربما صوتنا سيصل..

لكن نسأل الله جل و علا أن نلقى صدى فعلياً لهذا الصوت..

------------------------------

هلأ مشان المكتبة في موظف مشان هالشغلة ( تسكيت طلاب الطب و التسكير )

بس المشكلة أنو هالزلمة عم يعاني من بيرقراطية..

يعني بيفوت بيسكت الطلاب و بيطلع..

بعد ربع ساعة نفس الشي..

و بعدين عم يمل و يديق خلقو و عم يضل قاعد جوا (يشرب شاي)

مشان هيك حتى لو حاكينا العميد بهالقضية..

لح يقول أنو في موظف لهالشي..

بس هاتو بقا هالموظف...!!!!!!!

السلام عليكم...................

رح بلش بالدور نتف دقن الكلية

أولا المدرجات لازم ينخفى ضو الشمس من فوق شاشة العرض لحتى نعرف نشوف( و مو يقولوا إنو

ما في سلم طويل ...... لأنو إذا بدون بيلاقوا......... )

المكيفات لشوا انوجدت مو مشان نتنعم بالهوا البارد بعز دين الشوب و لا حاطينا للفرجة!!!!!!!!

المخابر لح نبلش طابق طابق:

الصفر: عندك مخبر التكنو بدو مناخل متل العالم و الخلق مو كل الفئة عم تتخانق على 3 _4 مناخل

و الغاز كمان كل الفئة على 5 روس غاز و بس!!!!!!!!!!!!!!!!!

الأول : العضوية بدو نفض من أول و جديد خاصة البلاط................

التاني:كيميا  العقاقير لا في أدوات متل العالم و الخلق (في نقص كبير بالأدوات) و المخبر بدو كتيرتصليحات................. 

الطفيليات هنن يشوفو السقف قديشوا حضاري بعدين يقولوا إنو هادا مخبر.......... .

الحيوية بس كان مخبر السموم عم ينقط علينا و نحنا عم نشتغل مو أكتر ........

و بكل المخابر أدوات القياس اللونية بدها تركيز و تعديل لأنو مو معقول نقرا اللون مرتين ورا بعض و

كل مرة شكل...........!!!!!!!!!!!!؟؟؟؟؟؟؟؟؟؟؟؟؟ 

و بأكد على أهمية الهدوء بالمكتبة و أمورها التنظيمية التانية يلي انذكرت 

و شكرا............    

ملاحظة : مو ينكب نص الحكي بالبحر ها.......................

صح حكيك مشكلة هالمدرجات مشكلة لاشوفة متل الخلق والناس ولا مايكات شغالة لنسمع صوت هالدكاترة يلي بينبح صوتون وهني عم يحاولوا يعلوه ومع ذلك يلي قاعد من ورا مابيسمع شي
واما عن المخابر فهي لحالها مصيبة  ومابتذكرني المدافشة يلي بتصير عالادوات او الغاز غير بالمدافشة على المواصلات وهي عدا انو دائما بحطوا من كل مادة قنينة وحدة وخدوا انطروا ليجي دور ناخود منها ولا ننسى المكتبة يلي صايرة بعد تسكيرة الكافيتريا فرع تاني الها من كتر الضجة ومابلوم هالطلاب لانو يلي طالع من محاضرة ومعو فراغ نص ساعة وين يروح بحالو  لافي مطارح عالدراج ولا على هالكم مقعد يلي بالصفر فبيطروا انو يطلعوا عهالمكتبة
وغيرو كتير      

السلام عليكم................

اسمعوا هالقرار يلي في بصيص أمل شوي بس للشاطرييييييييييييييييييييييين

(( كما ناقش المجلس بعض المقترحات الخاصة بتوسيع دائرة القبول للمعيدين

بمقتضى المرسوم الخاص بتعيين الخريجين الاوائل معيدين في كلياتهم. وأقرّ مقترحاً

يقضي بجواز تعيين الخريجيَن الإثنين الأولين في الكليات التي لا يوجد فيها تخصصات

فرعية كالطب والصيدلة ))

فالتاني عالكلية لا يحس بعقدة النقص و يفرح شوي ...............

السلام عليكم

salam-M
الله يجزيك الخير عهالخبرية يلي بتجنن

والله طاير من الفرح

صرلي من السنة الثانية و أنا دبقان بالمرتبة الثانية

و هي السنة بلشت طنش شوي الدراسة بحجة أنو شو الفائدة لأن مستحيل يطلعلي معيدية

وبالتوفيق للجميع

برافو....زيد

يعني هلق فينا نقول ألف مبروك المعيدية......

     


.......الله يوفق الجميع.......

اي مرحبا اجتماع  

ما بدي خليكم تتشاءموا بس أنا متأكدة99.9%  ما رح يطلع منها شي  

السنة الماضية ضل العميد ساعة قال عم يسمع شو مطالبنا ووعدنا أنو كلها رح تتحقق
وما كانت هالمطالب العظيمة يعني المخابر .....المدرجات...المكيفات...الأجهزة العايفة حالها بالمخبر....مدة المحاضرة الطويلة ....

وهلأ بعد سنة ما في شي منها تحقق

الحكي ببلاش   

والله أنا ما كنت ناوية شارك لأني كتير متفائلة هالأيام .......بهالفصل العجبة  

بكفي هيك..................

بعتذر على قلة مشاركتي

بس رح انسحب شوي لبين ما يرجعلي التفاؤل مشان ما شائم حدا................



شو بدو  يحكي الواحد...............

لا تشكو للناس جرحاً أنت صاحبه.......................لا يؤلم الجرح إلا من به ألم

ع كل حال احكوا وعملوا يلي عليكم
لسا عندكم أمل0.1 %

لا حياة مع اليأس.....................ولا يأس مع الحياة

واعذرونا حتى إشعار آخر.....

والسلام
     
   
 

له له.........أنتي  آخر حدا توقعتو يحكي عن التشاؤم _ أسمك كلو تفاؤل _


طولي بالك ..... كلو إن شاء الله بيمرق على خير بس أنتي نظمي وقتك و رتبي أمورك ع رواق..........و بهيك حالات بيكون الوضع أهون لأنو كل الدفعة نفس المعاناة..و الحمد لله ما لك حاملة مواد...


نصيحتي إلك هلق ابعدي شوي عن كل شي بيوترك لتحطي برنامج تنظمي فيه أمورك .......و خلي عندك ثقة كبيرة برب العالمين...............
و شو ما بدك مساعدة.......إذا بيطلع بإيدي ما بقصر...بس أنتي روقي