السلام عليكم و رحمة الله و بركاته

أصبح بالتأكيد معروفاً أن الفصل الثاني في السنة الثالثة هو من أصعب الفصول الدراسية

و انتظرت فترة حتى ينزل موضوع لمناقشة مواد هذا الفصل

فأتمنى ممن لديه أي إشكال بأي محاضرة ألا يتردد بطرح سؤاله و عندها نستطيع مناقشته

أرجو أن يثبت الموضوع لكي ينتبه له الأعضاء الجدد

أرجو من الله تعالى أن يوفقنا جميعاً و ينجينا من هم هذا الفصل

مرحبا .......

طبعا هالفصل بدو كتير شغل وأكيد محتاج لتعاوننا لأنو رح يكون في استفسارات كتيرة ...

أما أنا .. لسا والله ما بلشت بشي .. صار معي ظروف قاسية وما عم افضا لا للدراسة ولا لشي ... ادعولي تفرج عن قريب .. لأنو هالفصل مو مزحة بالمرة ولازم بلش دراسة مركزة ...

خلونا على تواصل

أول شي شكرا على الموضوع وبتمنى نتبادل الفائدة والمعرفة......
حابةنوه أنو محاضرة التكنو التانية ناقصة بعض الأمور :
في الصفحة14 اسم العالم الذي فسر آلية اختراق الأدويةعبر الجلد(هيغوتشي)والعلاقة الرياضية هي:
(dQ/dt=Pc*(CDA/L
حيث:dQ/dtسرعة اختراق لمواد الفعالة عبر الجلد
Pc:معامل توزع الدواء بين السواغ والطبقة الحاجزية(هام)
C:تركيز الدواء
D:معامل انتشار الدواء في المنطقة الحاجزية(وهو عدد المولات التي تخترق واحدة السطوح في واحدة الزمن وكل مادة دوائية لهاDخاص بها)(هام)
A:مساحة السطح الفعلي للامتصاص
L:سماكة الطبقة الحاجزية
في الصفحة16 ناقص عدد ذرات الكربون للمركبات الهيدروكربونية(8-10)ذرة كربون وفي حال الأغوال الأولية(7-28)
ذرة كربون
في الصفحة 17 المادة التي تستخدم في بعض أنواع الصرطانات الجلدية هي(فلورولوراسيل)
هذا فيما يخص مادةالتكنو أما فيما يخص ماد الأدوية قسم الدكتور عبد الناصر فيلي ما عم يفهم أو ملاقي المحاضرة مخربطة فيمكن أنو يرجع لكتاب علم الأدوية (اللبنكوت) لأنو محاضراتو موجودة متل ماهية في بداية الكتاب قسم الحرائك الدوائية
بتمنى كون فدتكم وياريت الليبلاقي أي نقص أو خطأ في المحاضرات ينبهنا عليه
سلامي للجميع

بالنسبة لمحاضرة التكنو الثانية ففي كتير شغلات رايحة بالطباعة

و أكيد كاتب المحاضرة حيرجع ينزلها بالمحاضرة الثالثة

و بدي قول أنو حتى الدكتورة سوسن ماضي محاضرتها مثل ماهي موجودة بالليبنكوت

أنا ما عندي أسئلة ... بس حبيت اشكر نينو على تصحيحات التكنو .... لأنو مهمين فعلا ...

ومنتمنى تبقي معنا على تواصل حتى تكبر جماعة السنة التالتة عالمنتدى 

صديقتي phmabلا شكر على واجب ..........
وإنشاالله متواصل دايما. .........

مرحبا
شو مشان الاصطناع كانو الواحد عبيقرا شي تاني غير الاصطناع
يعني صف حكي و الواحد ما بيفهم شي
بس منيح يللي منزلين المحاضرة كاتبين شوي
بس مع هيك الواحد ما بيفهم شي
يعني اذا كنا فهمانينن بالعضوية هلا و لا شي
في للمادة كتاب نظري مشان الواحد يفهم شوي شو عببياخد أحسن من شرح الدكتورة    

و الله يا لين بدك تحفظي هي المادة هيك

و الشرح يلي محطوط متل قلتو و الدكتورة ما بتشرح شي

و سمعت أنو الطلاب بدهم يشتكو عليها و يطالبو الدكتور الأولاني أنو يرجع يعطي المادة

أنا عندي مرجع عن الإصطناع و فيه كل الشغلات يلي بالمحاضرة بس كمان متل قلتو لأنو بيشرح نفس شرح سلايدات الدكتورة

بعتقد أنو التفاعلات الأولانية ما كتير مهمة بالمقارنة مع طرق اصطناع مضادات الالتهاب لا الستروئيدية يلي مشروحة بعدين

سألت شوية طلاب سنة رابعة و قالو أن المادة سهلة و في واحد درسها بس بيومين و جاب علامة عالية

مرحبا
مكتوب بمحاضرة الأدوية 3 في فقرة إطراح الدواء انو
"نظام طرح الشوارد الموجبة و السالبة غير نوعي"
بس بالليبنكوت حاطين انو هذا النظام نوعي

مرحبا لين

الدكتور قال بالمحاضرة أنو نظم الإطراح بالأنبوب القريب غير نوعية

فيوجد أنظمة لطرح الشرجبات و أخرى للشرسبات

لكن قرأت الليبنكوت و مكتوب أن هذه النظم غير نوعية و كثير من المواد تتنافس عبرها بالإطراح