السلام عليكم ورحمة الله وبركاته
أنا أنظر إلى أن تكون المحاضرات كما بينت _ بدون تعليقات ساخرة _ فإنك إن كتبتها سيأتوك طلاب آخرون يقولون أنها طويلة بسبب بعض السخافات فقد كنت أقولها في مادة من المواد _ أنا وبعض الصديقات _ فإرضاء الناس غاية لا تدرك هذا أولا أما ثانيا فإن المادة لو كانت تدرس من الكتاب فالكتاب خال من هذه الابتسامات فليعد الطلاب أنفسهم أنهم يقرؤون من الكتاب ......
هذا ما أظنه ولكل شخص عقل ولكل أسلوب

والسلام عليكم ورحمة الله وبركاته

والله ياشريك أنا كنت أكتب متلك محاضرات لطلاب الهندسة المدنية
والله ما أجاني من وراءها غير وجعت راس
خصوصا ً إذا كنت عم تكتب محاضرات على الكمبيوتر لمادة فيها رموز رياضية وفيها رسومات فايتة بالحيط (يمكنك الأطلاع على إحداها في المنتدى في قسم الهندسة المدنية السنة الثاني (مساحة 2))
يعني غلط بإشارة أو رمز
بتاكل مليون بهدلة من رفقاتك
ما بقدروا تعبك
مرة حبيت على أساس غير جو بالمحاضرة
حيث كتبت بكل صفحة نكتة
تاني يوم
شوف المصخرة
الله لايورجيك
وشكر اً على موضوعك
تقبل مروري

شكراً لمرورك زياد

مثل ما قلت لا أحد يقدر تعب كاتب المحاضرة

و أخاف من الإنتقاد حتى من وضع الصيغ الكيميائية للمركبات

السلام عليكم.....

أنا صرلي بكتب سنتين محاضرات والحمد لله دايما بيجيني مديح عالمحاضرات...............

رح قلك طريقتي بالكتابة....................

أول شي لازم ما تضيع كلام الدكتور أبدا..................ولا حرف................إذا في شي نكتة بايخة لا تحطها أبدا......................وخلي اللي يجلب النظر للمحاضرة هو اللمسة اللي بتبين للطالب انك مهتم........يعني :

الدكتور أكد على فكرة بالمحاضرة.....بعد ما تكتبها أو قبلها  بتكتب (هام)...........أو بتعمل لفتة.........أو مداخلة يعني بيصير في حركة بالمحاضرة...................
إذا شي فقرة بدها فهم لا تكتبها لحتى تتأكد من المعلومة ................وإذا بدك كنت أجل المحاضرة أحيانا لحتى شوف الدكتور واتأكد من المعلومة...............


وإذا حبيت تآخد رأي حدا بالمحاضرات لا تسأل غير الشاطرين والأوائل وشو بدهم اعمل..................
وإذا المادة شغل مناقشة ........................ممكن بآخر المحاضرة تعمل قسم للأسئلة سواء أسئلة الطلاب أو الدكتور مع النقاط المهمة أو حتى إذا في أسئلة امتحان مع النقاط المهمة واللي بتجي بالامتحان ................

وبآخر المحاضرة في حكمة دايما بس مو كتير تاخد راحتك.........................لانو في طلاب بيكتبوا نكت وأحيانا بتكون قليلة ذوق .........................ززخليها حكم وأدعية أو أبيات شعر ملتزم أحسن..................


إذا في شي معين بتحب تسأل عنو خبرني بساعدك إذا بدك...................

والسلام

نسيت قلك انو لا تضيف شي من عندك أبدا لأنو أكتر شي بتضايق..................
ولا تاخد محاضرات السنة السابقة وتنزلها متل ما هي أول تنقل منها إلا إذا الدكتور استخدمها.............

أما شرحك انت بتكتب بين قوسين هادا من عندي ولا تحاول تزيد هادا إذا كانت المادة شغل فهم...........
ولا تتقصد تزيد عدد الصفحات مشان ما تبين مادي بنظر الطلاب بالعكس حاول اضغط المحاضرة بالخط ولا تترك فراغات بلا طعمة..................


والسلام........................

شكراً إلك فارما

إن شاء الله سأحاول تطبيق نصائحك

أنا هذا الفصل أخذت مادة السموم و عذبتني كتير لأنها بصم و ما فيها فهم بالمرة

بعرف حالي أني لما أكتب مادة فهم ببدع فيها

بدي إسألك عن مادة الفيروسات و الجراثيم

كيف كتابة هي المادة و هل الدكتور بيعطي من السلايدات

و هل هي المادة بدها تركيز أو فهم

أرجو أن تجاوبني بسرعة لأنه أمر يهمني

مرحبا زيد
اول شي شكرا كتييير عمحاضرات السموم و الانكليزي
بالنسبة لي اهم شي بالمحاضرة انو تكون كاملة و بتشمل حكي الدكتور بغض النظر عن اسلوب الكتابة
و انا برايي انو الواحد ممكن يحط اخر المحاضرة شي تعليق صغير او متل ما حط ايرون بالعقاقير لعبة السودكو يعني الواحد بس يخلص محاضرة بيرفه عن حاله
طبعا دون المبالغة بالتعليقات يعني تعليق صغير او حكمة صغيرة
زيد اذا بدك مساعدة بطباعة المحاضرات  ما عندي مشكلة انا سريعة بالطباعة 

مرحبا لين

شكراً على الرد

حالياً أصبحت أسرع بالطباعة

بالنسبة للمعلومات فهي كاملة بس في بعض الجمل و العبارات بدها تفسير ما بكون الدكتور تكلم عنها

بس الفصل الجاي إن شاء الله حصير إتأكد أكثر من المحاضرة و إسأل الدكتور عن الشغلات غير الواضحة حتى لو تأخرت المحاضرة شوي لأن بالأصل الطلاب بيشترو المحاضرات آخر كل أسبوع أو حتى آخر الفصل

انا اول مرة بعررف انو اللي بيكتب المحاضرة هو اللي بيطبعها
العمى ..لكن شو شغلة اللي بيقعدو ورا الكمبيوتر بالكشك؟؟؟؟؟؟؟؟؟
المهم..
اهم شي بالمحاضرة انها تكون كاملة و مفهومة...و اذا حكى الدكتور ملاحظات مهمة لازم تكون مكتوبة مو متل الكيميا العضوية2 بالانوار في احدى المحاضرات فقرتين مو كاتبتن البنت و اجو بالفحص بس ربكن حميد اللي كنت عم قلب بمحاضرات رفيقتي اللي من الكشك و شفت هالمعادلات......