ملاحظة:

إسمي زيد

مو زياد أو زايد أو بقية هذه المشتقات
                                                             
                                                           

السلام عليكم

نرحب بتبرع الدكتور محمد سعيد حبش

بمساعدة المجموعة لتدقيق المواضيع المتعلقة بالتحاليل المخبرية
وسأحيل له إن شاء الله ملف الاستشراب السائل رفيع الأداء HPLC الذي ترجمته نور الهداية وقام زيد بتدقيقه أول مرة وذلك للتدقيق النهائي.

المفات التي سأحيلها للتدقيق هي ملف الطريق الحقني بعد انتهاء مها من تدقيقه إلى الدكتور مصطفى العموري وسأحيل له ملف التقييم الحيوي للتعقيم بالبخار أيضاً

كما سأحيل ملفي الكبسولات الصلبة والكبسولات اللينة للدكتور محمد رشيد المنجد
-------
تم رفع ملف طوق الياسمين

وتم تعديل ملف مها - أنا عندي لم يعمل - الرجاء رفع ملف غير مضغوط

----
وجدت أن زيداً قد أضاف قسم فداء على جدول المشتركين

وأضاف القسم الجديد لطوق الياسمين

فله الشكر لهذا ولجهوده في ابتداء المشروع ومتابعته أجزل الله مثوبته


والشكر لكل الأعضاء الجدد الذين يعطون المشروع حيوية جديدة


والشكر للسابقين في العمل الذين أعطوا للمشروع معناًً ووجوداً

وفقكم الله

https://www.jamaa.net/up/_=3929=_Adverse_Drug_Reactions.doc

هذا رابط للتأثيرات العكسية للدواء غير مضغوط و2003 وبالانكليزي ...
(وإذا ما مشي الحال بعطي الملف لزيد بكرة بالكلية وهو بثبته على موقع المشروع ... )

*******************************************************

أما عن تدقيق الملف الحقني ....
أنهيت ما يقارب 60% أو أكثر بقليل من الملف بعنوان Drug Delivery Parentral Route
والحقيقة أنني أركز عليه جداً ... وألون كل ماأعدل عليه بالأصفر ... وأجري تعديلات عديدة على الصياغة وأحياناً أمور لها علاقة باللغة العربية حتى التشكيل ووضع الشدّات عند لزومها وأحياناً بالمعنى العلمي وهو الأهم طبعا ..

أحتاج 10 أيام على الأكثر لإنهاء المتبقي منه

*******************************************************


والله وليّ التوفيق
مها

السلام عليكم

الحمد لله إنو المشروع عم يتقدم بالإنجازات....
بس أنا عندي شغلتين بدي قولهم:
هلأ أنا مالي متابعة أخبار المشروع 100% بس كإنو اليوم فهمت من رفيئتي إنو بدكن تعملو المشروع على مستوى الجامعات العربية..
و إذا كان هاد الشي مزبوط فأنا ما بوافقكم عليه أبداً لسببين:
1_صعوبة التواصل ...يعني مو معقول إنو الواحد يتعامل مع شخص و يشتغل معو و هو ما بيعرفو غير عالمنتدى..أما نحنا هون بجامعة دمشق ففينا نلتقي إيمتى ما حبينا و نحنا معظمنا منعرف بعض أما إذا كان الواحد بغير بلد فكيف فينا نتواصل معو بشكل مباشر؟؟؟؟
أكيد هاد الشي رح يكون صعب إذا ما كان مستحيل..
2_ أنا بظن إنو كانت فكرة المشروع خاصة بطلاب جامعة دمشق و لما فاتت معنا جامعة حلب ما درينا إلا أنهم فاتوا معنا و ما حكيتوا مسبقاً إنو بدكن تحكوا بالمشروع خارج الشام!!!!
و ما حدا يفهم من حكيي إنو أنا متحيزة لجامعة دمشق..
أبداً مو هيك الفكرة بس أنا حابة إنو نعمل جو تنافس بين الجامعات يعني شي حلو إنو جامعة البعث مثلاً أو القلمون تشوف هالإنجاز عنا و هنن يتحرك التنافس فيهن و يعملو شغلة تانية حلوة..
أما إذا بدنا نشارك كل الجامعات بمشروعنا هيك رح يموت التنافس و ما رح تطلع أفكار جديدة..
هلأ بجوز أنتو متحمسين زيادة و حابين إنو نخلص المشروع و يمكن يكون البعض شايف إنو الخطوات بطيئة بالمشروع يعني إنو بشهرين تقريباً انتهى من المشروع بس 10% و إنو على هالحالة بدنا أكتر من سنتين لنخلص المسودات بس...
و بالعكس أنا شايفة إنو هي ال 10% كتير منيحة لإنو لهلأ الموضوع مجرد حكي عالمنتدى و ما تم الإعلان عنو بشكل رسمي بس لما ينحط عنو إعلان أكيد رح يزداد عدد المشاركين كتير و مالنا مضطرين لمساعدة طلاب من جامعات تانية...و هي الشغلة التانية اللي بدي قولها:
إنو كأنو طولنا بقصة الإعلان عن المشروع بالكلية!!!
و الله مالي مصدقة إيمتى شوف هالإعلان ملصق عالحيطان عنا بالكلية...
و ياريت اللي عندو أسلوب حلو بالكتابة ينزل صياغة للإعلان و ممكن آخر شي ننزل صياغة تكون محصلة جميع الصياغات يعني منختار أحلى شي بكل صياغة...

بعتذر إذا أزعجتكم و أنا بس حبيت قول رأيي و إذا ما عجبكم خلص اعتبروا إنو ما قلت شي و ما قرأتوا شي...

موفقين...    

السلام عليكم..

طلب مني أخي زيد أن أقوم بكتابة بوستر ( أو ملصق ) لمشروعنا..

لتقوم بتلصيقه على لوحة إعلانات الكلية..

و قد قمت بكتابة الإعلان على ملف الوورد المرفق..

بانتظار آرائكم و اقتراحاكم حوله..

فإن وافقتم عليه ستتم طباعته و نشره في الكلية..

ننتظر منكم ملاحظاتكم مهما كانت صغيرة ...(تغيير نوع الخط ، تكبيره ، إضافة أشياء أو مسح أشياء.........الخ)

بانتظار الآراء...

دمتم بخير..

اقتباس

و الله مالي مصدقة إيمتى شوف هالإعلان ملصق عالحيطان عنا بالكلية...
و ياريت اللي عندو أسلوب حلو بالكتابة ينزل صياغة للإعلان و ممكن آخر شي ننزل صياغة تكون محصلة جميع الصياغات يعني منختار أحلى شي بكل صياغة...

سبحان الله...!!!!

حطيت مشاركتي و مشاركتك بنفس الوقت..!!

ههههه...سبحان الله..

--------------------------------------

ملاحظة:

لقد وضعت الرابط الرئيسي للمنتدى فقط..

ولم أضع رابط المشروع على غوغل لأنه طويل...

و عندما يحمل الطالب ورقة و قلم ليكتب عنوان الموقع فسيكون أسهل عليه كتابة هذا الرابط...

( يعني اذا شاف رابط موقع طويل يمكن ما يكتبو....)

أخ وسيم

كتير حلو الإعلان بس أنا برأيي إنو نكتب بالبداية ( يعني قبل لأول مرة في كلية الصيدلة ) أبيات شعر أو أي شي من كتابات أدبية منمقة تشجع و تحث على العمل و طلب العلم...
يعني مثلاً خلينا نبلش بعبارة ( هل تريد أن يكون لك بصمة في الحياة؟)
أو أي شي من هاد الكلام اللي بشجع عالمشاركة و بعدين منحط أبيات شعر (منقولة أو مبتكرة) تبين مكانة العلم و أهميته و إنو هو أغلى شي ممكن إنو يملكه الإنسان...
هلأ أنا مو حاضر شي بذهني من أشعار بس أكيد فينا نلاقي إذا عجبتكن الفكرة...

موفقين...

                          السلام عليكم


أنا آسفة كتير عالتأخير أنا كنت عم نزل البرنامج حتى يفتح الملف

وأخيراً وبعد جهد طويل فتح عندي الملف و بدأت بإذن الله بالترجمة قسم

clinical_data _management_systems

بس إذا ممكن تأكدوا لي الحجز           
                                                                                  و شكراً

ملف مها غير المضغوط فتح وأضفته لصفحة الملفات ولمجموع النصوص الأولية

أما ملف
clinical_data _management_systems
فوجدت أحد المنسقين قد سبقني لتثبيته

الأخت نور الهداية
المطلوب ان نقوم بالعمل على الوجه الأحسن وليس الحسن !!!
وهذا يعني أن لا نقلل من قدر أية مساعدة أو أية كفاءة قد تنهض بالمشروع

ولو كان المشروع أصغر لوافقتك 100%
ولكنه كتاب يدرس منه في كل كليات الصيدلة ومشهور عالمياً فلا يجوز أن نعمل به على نطاق ضيق قد لا يفيه حقه

وبعد الانتهاء من هذا الكتاب عل خير ربما يكون مشاريع تناسب ما ذكرتِ من روح التنافس إن شاء الله

اعتذر من الأخت نسرين لأني وعدت بمتابعة ملفها أول شيء.

وذلك بسبب كثافة الملفات مع ضيق الوقت ،
ولكنها ستعذرني لأنها أولى برعاية المشروع مني ،

وقيمة كل امرء ما كان يحسنه

السلام عليكم

الأخ الدكتور بشار

اقتباس

الأخت نور الهداية
المطلوب ان نقوم بالعمل على الوجه الأحسن وليس الحسن !!!
وهذا يعني أن لا نقلل من قدر أية مساعدة أو أية كفاءة قد تنهض بالمشروع

ما بعرف ليش دائماً بصير سوء تفاهم بيني و بينك!!!
أنا ما قصدت أبداً إنو قلل من أهمية و قدر باقي الجامعات...
و بعتقد كان كلامي واضح إنو أنا حابة يبقى المشروع بجامعة دمشق بس مشان صعوبة التواصل مع المشاركين من خارج الشام و مشان يكون في روح تنافس بين الجامعات...

اقتباس

ولو كان المشروع أصغر لوافقتك 100%
ولكنه كتاب يدرس منه في كل كليات الصيدلة ومشهور عالمياً فلا يجوز أن نعمل به على نطاق ضيق قد لا يفيه حقه

ما هو لإنو الكتاب مشهور عالمياً أنا حابة إنو ينحصر بجامعة معينة ....
لإنو لو كان مشروع صغير رح يمر مرور الكرام على أذهان الناس و يمكن ما كتير يعطوه أهمية و بالنتيجة ما رح يطلع أفكار منافسة ضخمة من باقي الجامعات...
تاني شغلة أنت حضرتك بكلامك ( إنو ما بجوز نعمل به على نطاق ضيق) هيك عم تكون عم تقلل من كفاءة جامعة دمشق...و أنا برأيي إنو جامعة دمشق أهل لأنها تقوم بهاد العمل لحالها و لا تنسى إنو جامعة دمشق هي الأولى في سوريا من حيث الكفاءة...

على العموم أنا حكيت مجرد رأي و لكم حرية التصرف بس بتمنى إنو كل مشارك بالمشروع يقول رأيه بهي النقطة لإنو بالنهاية هاد المشروع هو مشروع جماعي و ليس مشروع فردي يقوم على آراء شخصية...

موفقين