أنا برأيي أول ما تصير العطلة الانتصافية ما نستنى لحتى يصير 200 طالب ... يعني تتوزع الصفحات من أول الكتاب واللي بيبقو ... منشوف بعدين الله شو بيسر .. بس البداية هي أهم شي ...

زيد باليوم اللي منخلص فيه فحص بس اعمل جرد للطلاب المشاركين لحتى يعرف كل واحد شو بدو يترجم ... 

وبعدين لكل حادث حديث ....

خليكن متشجعين ......... لأنو بيوم من الأيام كانت المكتبات العربية معروفة بالعالم كلو والأضخم وكلنا منعرف شو عملو المغول وغيرهن كتار ... لازم يكون للغة العربية الأولوية لحتى يرجع مجدها القديم ... وما تندثر متل غيرها ...

مها

من الواضح  أنو فيه حماس كبير من معظم الشباب  . وهذا شي معروف عن طلابنا. والله نحنا طلاب ممتازين بس المشكلة بالسيستم وأسلوب التدريس اللي ما عم يرتقي للمستوى المطلوب. لذلك يعني بتمنى التوفيق للجميع  فيما إذا شاف هالمشروع النور. زيد، بالنسبة للكتاب اللي خبرتك عنو هو كتاب بالتكنولوجيا وبخوض بكل مواضيعها بس بشكل مختصر (الكتاب الإنكليزي بحدود 600 صفحة). أما بالنسبة للموسوعة اللي عم تقترحها فما في شك إنها أكبر وفيها معلومات أضخم وأوسع (بس بذات المجالات). أنا ما قصدي أنو هالشي يثبط العزيمة، ولكن أنا هون عم صحح معلومات من أنو "ليس هناك أي كتاب عربي مترجم في هذا المجال". هلأ بالنسبة لموضوع إشراف الأساتذة، هذا موضوع بدو تفكير. لأنو متل ما تفضلتو ممكن بدل ما يساعدونا يعقدولنا الموضوع،وبيجوز ما يهتموا أو ما يكونوا فاضيين، بس لا بأس من أخذ رأي العمادة. هلأ في عندي اقتراح ع الشكل التالي، متل ما بتعرفوا في لطلاب السنة الخامسة مادة إسمها حلقة بحث، ومعظم الأساتذة بيعطو للطلاب مراجع أجنبية وبيطلبوا من الطالب يترجمها. بقى هل من الممكن أنو نحاول نقنع الإدارة أو بعض الأساتذة بأن يعطوا طلابهون بحلقات البحث أجزاء من هالكتاب؟ شو رأيكم؟ 

بالنسبة لتوزيع الصفحات بترك هالموضوع لآيرون لأني مسافر أول ما خلص فحص

بس أكيد حترجم شوي بالإجازةلأنو كل إخواتي عندهم مدارس و جامعات بهالوقت و بقعد الصبح فاضي ما بعمل شي

بالنسبة للسنة الخامسة إذا بتظبط معكم شغلة حلقة البحث بتكونو حليتولنا تلت أرباع المشكلة

بس إذا ما ظبطت بإمكانكم ما تشاركو لأن عندكم تخرج هي السنة و مابدنا نضغط عليكم

بالتوفيق للكل بالإمتحانات

الله يوفقنا لهاد المشروع
في حماس كبير وان شاء الله بنتوفق
شو اخ زيد كأنه قل حماسك شوي
"بس أكيد حترجم شوي بالإجازة" شو انت صاحب الفكرة
وين الحماس
شدوا الهمة وتوكلوا على الله

لا والله ironheat

بس الإجازة رايح لعند أهلي و صرلي زمان ما شفتهم

يعني أنا بس بدي شدلكم همتكم و أنا إفركها 

و بالتوفيق للجميع

مشروع كتير مهم ومفيد وبيرفع من مستوى الجامعي عنا حتى لو بس بقسم الصيدله

لو فيني ساعد بأي شي انا جاهزه

انا خريجة اعلام وصحافه وبشتغل بمجال الاعلان

شكراً لاهتمامك lodeee

بس لنبلش ترجمة و نخلص يمكن نطلب مساعدتك

لأنو صراحة ما بنعرف شي أكتر من أنو نترجم الكتاب

و بعدين شغلة طباعة الكتاب و الموافقات عليه ما بنعرف شي

فكرة كتيييييييييييييييييييييييير حلوة وانا مستعدة للمشاركة ومع اني لسا سنة تانية وما بفهم شي بالتكنو بس رح ساعد على قد ما بقدر
والله يوفقنا لنعمل شي منيح

لا والله مو قصدي يا اخ زيد انت صاحب الفكرة اكيد بيكون عندك حماس اكتر مننا
بس كنت حابة اشعلل الجو شوي مو اكتر
الله يوصلك الهم بالسلامة وان شاء الله بتشوفهم على خير
 


والله يوفقنا بهالمشروع شو لسة ما في شي جديد