بصراحة انا عم عاني من مشكلة وبتمنى انو تساعدوني فيها ازا بتقدروا
المشكلة بلشت من السنة الماضية ومن اول جلسة صيدلانيات عملي وقتها الدكتورة شرحت عن دساتير الادوية وكيف نطلع معلومات عن المواد
بس انا ما فهمت شي ولهلأ انا ما بعرف كيف استخدم الدساتير وازا حدا طلب مني انو طلع معلومات عن مادة دوائية او مساعدة ما بعرف اي دستور بدي استخدم
وكل ما اسأل حدا من رفقاتي عن هالموضوع بيكون الجواب ما بعرف
لهيك انا حبيت اطرح هالموضوع بالمنتدى لحتى نقدر نستفاد ازا في حدا حابب يفيدنا بهالموضوع
ونحنا اكيد بنكون من الشاكرين الو وبنتمنالو كل الخير والتوفيق

يا ريت فيني خبرك بس صير دكتور تكرم عينك ما الك غير تسألك شي صيدلاني شاطر بكون احسن شي هيك انا شايف

بسيطة كتير
بس حدا سألك كيف بتطلع معلومة من الدساتير
قلو طلعها بنفسك
وهيك تكون حليت الموضوع
وسلامي لإلك

مافي مشكلة

تطليع المواد من الدساتير سهل

إذا بدك معلومات مفصلة بتقدر تشوف الدساتير بالمخبر

المهم طلع معلومات بسيطة  عن الصفات الفيزيائية مثل شكل البلورات و اللون و الطعم و الرائحة و الانحلالية سواء بالماء أو بالمحلات العضوية دون تفصيل

بعدين معلومات عن الاستخدامات الرئيسية خاصة بالوصفة التي تحضرها مثلا: البيلوكاربين موسع حدقة و علاج الغليكوما (المياه الزرقاء)

للسهولة سآل أي حدا من سنتك لأنهم عندهم دساتير على الكمبيوتر

موفقين إن شاء الله

مالك غير صيدلي المستقبل شب سنة رابعة وفهمان وفق كل هالشي حباب وخدومي وأنا خص نص دايماً باسأله عن أي مشكلة  بتعترضني ودايماً بيجاوبني   على التمام -الله يجزي الخير - وإذا بدك بجمعك معو .

شكرا كتير عالاهتمام وانا حابة انو وضح لزيد الهبري انو المشكلة عندي هي اختيار الدستور المناسب وليس المعلومات او الترجمة
وبشكر hilall989 وبتمنى من صيدلي المستقبل انو يساعدني ازا كان عندو وقت وازا ما كان عندو مانع طبعا

بسيطة كتيير
اول شي دساتير الادوية موجود عندي بالعبربي ولكل المواد (دستور الادوية العالمي) مترجم من قبل مجموعة كبيرة من الدكاترة
شغلة ثانية الاسئلة التي بتطلب دساتير الادوية ما بيجي عليها علامة اوعلامتين ، وهدول بعملوا هيك وبكبروا قصة الدساتير من شان نتدرب عليها على اساس .
مع انو ما بلزموا عنا خلال مدة الدراسة إلا نادراً
بسييطة
انا فتحت الدستور خلال اربع سنيين كم مرة بس بالسنة الاولى .
واليوم لحتى فتخته مرة ثانية من شان الكيميا صيدلية 2 (اجتهاد شخصي ) مه انو مو مطالبين فيه

أول الشي banadol
الشغلة كتير سهلة وإذا قصدك عالدساتير الموجودة بالمخبر غالباً المعلومات منجيبها من دستور الأدوية البريطاني
Britich pharmacopia
بالفهرس بيكونو مرتبين المواد بالترتيب الأبجدي بتدوري عالمادة يلي بدك ياها وبيكون مكتوب جنبها رقم الصفحة وبترجعي وبتلاقي المادة
بس بمخبر الصيدلانيات الكتب يلي بتدورو فيها ريمنغتون أو مارتن دال (مع العلم أنو هدون مو دساتير أدوية) بس بنفس الطريقة
انشالله كون ساعدتك      

شكرا كتيرsweetlife  ولنصنع الحياة على مساعدتكن
وبتمنالكن كل التوفيق والله يجزيكن الخير

والله ياأختي الكريمة .....
سؤالك هذا .....
وضع في بالي مجموعة من الأفكار حولك ...
أنا من ناحيتي لم أفكر في حياتي الجامعية أن أفتح مرجع أو دستور أدوية ..

وأنت بدك تعرفي كيف تستخرجي المواد ...
هذا بيدل أنك خلصتي كل المحاضرات و عند وقت زائد (( free time ))

والله أمركم عجيب يا بنات
كيف بتدرسوا هذه الدراسة مابعرف ؟؟؟؟

على كل حال الله يسرلك هذا السنة ونشالله معدل عالي يارب ..

سلامي لك و بالتوفيق