أول شي أخوانا الحماصنة لا تؤاخذوني انتو أهلنا وحبايبنا بس هيك لاقيت النكت مكتوبين فتقبلو اعتذاري مسبقا
_إثنين حماصنة فاتوا على كلية الطب :واحد طلع محاسب والثاني محامي
ــــــــــــــــــ
_في واحد حمصي باع اللي فوقه واللي تحته واشترى اللي جنبه
ــــــــــــــــــ
_في واحد حمصي سأل البائع: عندك تلفيزيونات ملونة قلو البائع في قال له الحمصي بدي واحد أزرق
ــــــــــــــــــ
_في مرة واحد حمصي اشترى لابنه الة حاسبة و شال الصفر منشان ما يتصل دولي ؟؟؟؟؟
ـــــــــــــــــــ
_في واحد حمصي اتصل بالاطفاء و قال شو اذا ما في حريق ما منشوفكن
ــــــــــــــــــ
_في مرة حماصنة سمعو انو جاي عاصفة عاحمص فكتبو بأول حمص" درعا ترحب بكم"
ـــــــــــــــــــ
_اثنين حماصنة كانوا عم يلعبوا شطرنج ، وعلى قد ما طولت المباراة معهم مات الملك بجلطة
ــــــــــــــــــــ
_في واحد حمصي اشترى سيارة بي ام دبليو الحديثة وفتح عل راديو سمع هنا لندن قال يا لطيف شو سريعة !!!!!!!
ــــــــــــــــــــ
_كان في واحد حمصي حط يده في برميل من حمض الكبريت ووقت سحبها ما لقاها فدخل رأسه حتى يدور عليها!!!!!!!!!!!!!!!!
ـــــــــــــــــــ
_مره كان في واحد حمصي مسافر بالقطار وقعد جنبو واحد,فقال اللي جنب الحمصي : انا بردان من الشباك, فقاللو الحمصي : تشرفنا وانا حمدان من حمص
ــــــــــــــــــــ
_واحد حمصي معه قنبلة عم يلعب فيها اجى واحد وقاله له شو عم تعمل هلق بتنفجر فقاله له لا تخاف معي قنبلة غيرها..................
ــــــــــــــــــــ
_سألوا واحد حمصي : شو رأيك بالزواج المبكر ؟؟فقال : أي ساعة يعني ؟؟
ـــــــــــــــــ
_ليش الحماصنه خسروا بتجارة الموز؟لأنو كل مايشوفوا موزة مايلة يرموها.
ــــــــــــــــ
_مرة واحد حمصي شاف خمسمائة جديدة على الأرض فتلفت حوله ولما لم يجد أحد قام شال الخمسمائة الجديدة وحط محلها خمسمائة قديمة
_______
_حمصي بيقول لمرتو في عنا لبن قالتلو اية قال لها في عنا عسل قالتلو اية قال لها في عنا تمر قالتلو اية قالها قومي عمليلنا بيتزا
ـــــــــــــــــــ
_ في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها
ـــــــــــــــــــ
_ وحدة حمصية قالها أبوها إجاكي أخ صغير قالتو: بذمتك ؟ لا تقول لأمي خليها مفاجئة
ـــــــــــــــــ
_ حمصي ضرب اخوه كف قام سائلو اخوه هادا جد ولا مزح ؟ قالوا جد قام قلو اخوه منيح لأني مابتحمل مزح
ــــــــــــــــــ
_ في حمصيين بمقابلة عالتلفزيون سألت المذيعة الأول : سوريا بالنسبة ألك شو؟ جاوبها سوريا أمي. سألت التاني سوريا بالنسبة ألك شو؟ قال ما بقدر أحكي على أم رفيقي ههههههههههههههه
ــــــــــــــــــ
_ حمصي قالوله في الصين كل دقيقة بينولد واحد قال يلعن أبو التطور هو أحنا كل 9 أشهر بينولد واحد
ــــــــــــــــــ
_ سأل المعلم طالب حمصي السؤال التالي: "ماذا تريد أن تصبح في المستقبل؟" أجاب الطالب: "كم أتمنى أن أصبح خبيرا" روسيا"!!!"
ـــــــــــــــــــ
_ واحد حمصي عمل عمليه شافها نجحت عملها مرة ثانية
ـــــــــــــــــــــــ

كان في واحد حمصي بالقهوة قال للكرسون جبلي واحد قهوة وسط واتنين هجوم

ــــــــــــــــــــــــــــــ
مرة في واحد حمصي راح لعند الدكتور قلوا دخيلك يا دكتور بدي حلل ,قلوا الدكتور آكل شي .. الحمصي قللوا له يا دكتور شوا جاي جربك
ــــــــــــــــــــــــــــ


اذا بايخة سامحوني 

هههههههههههههه
  يسلمو ايديك يا علا ...
فعلا دموعي نزلت من كتر ما ضحكت وصوتي صار للشارع أنا وكل اللي كانو عم يقرو معي
تسلمي لقلبي ..لأنو خليت الضحكة تنور قلبي

عنجد كتير حلوين
واحلى حماصنه والله
انا عجبتي هيي اكتر شي
كان في واحد حمصي حط يده في برميل من حمض الكبريت ووقت سحبها ما لقاها فدخل رأسه حتى يدور عليها!!!!!!!!!!!!!!!!

شكرا لمروركم يا شباب ويا صبايا وانشالله دائما اقدر نزل شي يقدر يرسم البسمة على وجوهكم

الأخت علا

شو هاد كلو

كنت نزلي وحدة وحدة

عضل حنكي من الضحك

شكرا على الموضوع اللطيف

تقبلي مروري

لك شو هاد أم اللول
لك النكت بيفرطو من الضحك قال بايخة قال

عنجد يسلمو إيديكي لك الي شي اسبوع ماضحكت

ليكي ليكي
اذا عندك شي موضوع متل هاد نزلي الله يوفقك

سلام

هههههههههههههه بالعكس كتير حلوين
و كل الحماصنة قريبين عالقلب و الله عم بحكي جد .............

أيه ههههههههه
شو ها النكت عن جد خيالية


فعلا من كتر ما ضحكت كنت لح أنفلج




مشكورة كتير  والله يعطيكي ألف عافية


تقبلي مروري لكي أجمل تحياتي