مرحبا......يعني انتو فايتين لتنفخوا شفايفكن؟؟؟؟
للاسف لاعندي ابر سيلكون ولا بوتكس....

موضوعي اليوم عن عمليات التجميل او الرتوش (يعني عمليات صغرى) او شكة ابرة
طبعا بالسنين الاخيره....صار من الصعب تشوف مغنيه او ممثله او مذيعه طبيعيه
لدرجه انو كلهن صارو بيشبهو بعض.....
يعني بيرفعو الحواجب وبيشدو الجفون...بينفخو الشفايف والخدود...والانف بيصير قد الفستقه
وبيشدو ال...وبيحطو سيلكون....يعني ما في مكان بأجسامهن مو معبا سيلكووون
يعني تقريبا بيصروا متل البقره الحلوب....

هاد اكيد مابدو نقاش....

بس النقاش يلي بدي افتحو هو شو رأيك بهالعمليات وممكن تعمليهاتعملهاخاصة ان هالموضه صارت للرجال كمان موبس للنساء
واذا ممكن تعملو تجميل....هل بس لانو ممكن تكونو بحاجه يعنيمثلا حادث او كسر بالانف .....

ولالحتى تصيرو احلىمن هيفا ونانسي....الخ

واذا لنفترض انك اتزوجت وحده متل القمر وطار عقلك فيهاوبعدين اكتشفت انها رايحه لعند (كومجي ) ومغيره خلقتها نظامي.......
شو رح يكون موقفك؟؟؟(للشباب)

واذا انتي اتزوجت شخص وطلب منك تعملي شي عمليه شو بيكون موقفك؟؟(للبنات)



بتمنى كل شخص يقول رأيو بصراحه تامه

انا مافي داعي اعمل عمليات و انفخ و اشفط

يعني انا احلى من كلوديا شيفر بمليون مرة   

............

بحب اشكرك يا صديقتي على موضوعك وعنجد معك حق

يعني العمليات التجميلية صايرة ادمان بالنسبة للشباب و البنات

بصراحة انا اذا ارتبطت بحدا وقلي اني بحاجة عملية تجميلية

طبعا رح ارفض هالشي مية بالمية

بس انا مو ضد العمليات التجميلية عند الضرورة ....


ميرسي الك
وتقبلي مروري       

جورجينا شكرا الك  عالرد.....
لك انتي اكيد احلى من كلوديا شيفر.....


شكرا عالمرور

انا بصراحه لما شفت العنوان ترددت إني إقرأ  الموضوع

بعدين الفضول دفعني لقراءه الموضوع

أنا ضد فكره أي عمليه تجميل

رب العالمين خلق كل انسان بشكل خاص فيه

وإذا غير أي شيء فيه رح تتغير ملامحه وهاد الشي مرفوض بالنسبه الي شخصيا

وطبعا اذا لاسمح الله نزوجت وطلب مني هالشي مستحيل وافق على هيك طلب

شكرا كتير عالموضوع

   

هلأ بصراحة بالنسبة الي ما بعمل عملية لأني أحلى من نانسي وهيفا لانو من أصلو أنا ما بشوفهن حلوين وخاصة هيفا  هاد غير انو صرنا نشوفهن كلهن متل بعض نسخ متطابقة .........

بس أنا مع عمليات التجميل مثلا اذا كانت الوحدة تعرضت لحادث واتضررت فمن الافضل أنو ترجع متل ماكانت .......

وما بتوقع يطلب مني بالمستقبل زوجي أنو أعمل عمليات تجميل ما هو بيعرفني من البداية وانا متل ما أنا ببئا ...........

شكرا ع طرح هيك موضوع ........

سلااام

اهلا فرح...اكيد رب العالمين خلقنا بأحسن تقويم...
بس انا مابشوف في مانع اذا كان في ضرورة.....

شكرا عالمرور صديقتي

مرحبا

بما انك  سمحتي للشباب بالنشاركة لنا رح عطيكي رايي الشخصي

انا واحد ما بنكر انو في بعض النجوم بيعملو تجميل وبيطلعو لوحة فنية

طبعا ما بقصد لا نانسي ولا هيفاء ولا وحدة من هدول

وانما بقصد بعض نجوم هوليود  من الشباب والبنات

اما بالنسبة ل  نانسي و هيفاء فانا بشوفهم مو حلوين صراحة ومتل بعض

وبالنسبة الي كشب انا بحب كتير العيون الخضر بس عيوني بني
وبامكاني حط عدسات بس انا مابرضى لاني ما بحب اضحك على حالي
وعلى غيري
يعني اذا انا وهيك كيف لو متل ما قلتي نغشيت بالبنت

بس عكل حال انا ما بتمرق عليي  وحدة هيك بدون ما اعرفها من نظرة
فنشاء الله ما بتعرض لهلموقف

شكرا على الموضوع

اهلين قمر انا رأيي من رأيك.....

ومازال اسمك قمر اكيد حلوه.....بلا هيفا بلا نانسي...


شكرا عالمرور

E LAW بيسعدني انك تكون اول المشاركين الشباب بالموضوع....

حكيك كلو تماام   والعيون البني حلوييين...(بما انو لون عيوني بني)
ودائما الطبيعي بيضل احلى

شكرا عالمرور اخي

أنا ابديت رأيي للتجميل فقط

أما إذا في ضروره قصوى لإجراء عمليه تجميل

فأكيد مافي مانع بالعكس هالشي حيكون ضروري

تقبلي مروري