مبارح رجعت من المشفى على الساعة 12 تقريبا

ومن لحظة وصولي على البيت فورا على النت ...مشتاقلكم كتييييييييير كتير   


فتحت النت ...ومباشرة على موقع الهندسة المدنية

وإذا بيطلعلي 6 رسائل مستعجلة غير مقروءة

ومشاركات بموضوع اليوميات ...وبموضوعي 

فتحت حوالي 6 صفحات وبلشت قراءة

بدياية بموضوع اليوميات ..ولسة ماقرأت 3 أسطر إلا وأنطفت الكهرباء    

لا حدا يتخيل مدى الإحباط وخيبة الأمل يلي حسيت فيها    

والجكارة والغيظ يلي حملتهم بقلبي            


*****

أااااااااااااااااخ منك يا just smile

فتحتي علي بواب مسكرة

مخي مشلوش بشغلات كتير ...وألف مشكلة براسي

بس شغلة الجامعة والمحاضرات والدكاترة والمهندسين والخرسانة ...

كلها موجاي على بالي  

لما قرأتها حسيت قلبي ضاع  

وحسيت بشوق كبير كتير للكلية

صحي كلها اسبوع وبالعادة ممكن نعطل اكتر من هيك

بس هالمرة لأنها قسرا ...حسيت بمرارة البعد  


ياترى كيف الدكاترة والمهندسين

لساتهم عما يعذبوكم  

ولساتكم منقوعين بالمدرج التالت  يلي يندر تلاقي فيه مقعد واحد موخربان  


يلى إن شالله الأحد بقدر أجي


أدعولي  

 

اقتباس

اليوم صارت شغلة رجعتني لايام المدرسة ..... ااااااااخ على ايام المدرسة

والله شهيتوني كون معكن .....هالقصة صرت سامعتها من 3 أشخاص ولسى

الخير لقدام. .....شكلها عن جد محاضرة مميزة ...

اقتباس

لما قرأتها حسيت قلبي ضاع

وحسيت بشوق كبير كتير للكلية

صحي كلها اسبوع وبالعادة ممكن نعطل اكتر من هيك

أول شي إن شاء الله كلو لخير

تاني شي مافي داعي لكل هالتحسر 

يعني جو الكلية روتيني بشكل ما بيستدعي الواحد يتحسر عليه

أو هو يلي منقدر نقول عنو جو الهدوء قبل العاصفة(( الامتحانات))


باعتبار الجزء الأول بكون الجو غريب وما متعودين عالدوام  والمحاضرات

والمهندسين و.......وبيستمر شي أسبوعين أو تلاتة ويلي مؤخراً خلصنا منو



والجزء الأخير هو عجقة الامتحانات ما بين عملي ونظري وتسليم مشاريع ووظايف

ويلي بيستمر حوالي الشهرين ونص 

فجو الكلية هلأ بمرحلة فاصلة بين هالجزئين ......وهالمرحلة بالعادة سرعان ما تنتهي 

اقتباس

والله شهيتوني كون معكن .....هالقصة صرت سامعتها من 3 أشخاص ولسى

الخير لقدام. .....شكلها عن جد محاضرة مميزة ...

يا ستي زمرتنا مفتوحة الك باي وقت بتحبي اهلا وسهلا 

نحنا محاضراتنا كلها غير شكل ..بكفي انا فيها 

بس مين هدول يلي تعدو على حقوق ملكيتي لرواية القصص

حسابن عندي بعدين



****************

اقتباس

لما قرأتها حسيت قلبي ضاع

وحسيت بشوق كبير كتير للكلية

سلامة قلبك من الضياع 

اخي الكلية موجودة ما رح تطير والله

اقتباس

ياترى كيف الدكاترة والمهندسين

لساتهم عما يعذبوكم

ولساتكم منقوعين بالمدرج التالت يلي يندر تلاقي فيه مقعد واحد موخربان

   
قلتلي اشتقتلها ما


على كل حال الف الحمد لله على السلامة.... ولا بقى تخوفنا عليك

ما في داعي للدلال ...... نحنا والكلية بانتظار عودتك   

الحمد لله عالسلامة يا محمد



ومشان الكلية....يعني هوا وبهدلة...والله وكيلك الوجوه بالكلية.....كلها كآبة وتشاؤم...ليش ما عم افهم



شو يعني الناس اول مرة بتحمل مواد....ما كلنا متعودين على هالشي



بس في شي غريب بالعالم كلو...دنيا اخر وقت



بس انا مبسوط....معي 10 مواد...وكل مادة قد 10.....ومبسوط


ورح ضل مبسوط



وانتوا لازم تنبسطوا



وخلينا مبسوطين.......بسط بسط بسط




ومشان المدرج التالت...........سحبوه من تحتنا وعطوكن اياه



لك نحنا بالسنة الرابعة الفصل الماضي كل محاضراتنا فيه



بس هلأ صرنا بالرابع.....احسن مدرج


نانانا.....يلا الفصل الجاي بركي بيعطوه للتانية





مجد

اقتباس

أول شي إن شاء الله كلو لخير

المرض للمؤمن رحمة وللكافر نقمة

وأنا الحمد لله مؤمن بقضاء الله ...


والحمد لله كتير مبسوط


تسلمي يارب 

اقتباس

تاني شي مافي داعي لكل هالتحسر

يعني جو الكلية روتيني بشكل ما بيستدعي الواحد يتحسر عليه

صح كلامك إذا نظرتي نظرة مجردة من المشاعر ...

بس إذا نظرتي نظرة تانية ...


إذا أبتعدتي عن شيء وكان البعد مابيدك ...ساعتها ستشتاقي ...ولو كان روتيني بحت

بعد رجعتي على الجامعة ...أكيد سأشعر بروتينها ..وفورا سأمل منها

اقتباس

والله شهيتوني كون معكن ....

شايفة شلون في شغلات حلوة بالكلية   



*******

اقتباس

سلامة قلبك من الضياع

الله يسلمك يارب 

اقتباس

ما في داعي للدلال ......

أنتي قولي الله لا يبلينا وبس 


******

اقتباس

الحمد لله عالسلامة يا محمد

الله يسلمك يارب 

اقتباس

ورح ضل مبسوط

إن شالله على طول

ويارب بترفع موادك وبتستريح   

اليوم حبيت شارككم بكم معلومة تعلمتها بالفترة الماضية


هل تعلم أن عمل ربع كلية تكفي الجسم

وأن سبحانه وتعالى أمدنا بثمان أضعاف مايحتاج جسمنا


وأيضا

طريقة تفتيت الحصى في الكلية أو الحالب أو المثانة تعتمد على الأمواج فوق الصوتية


وطريقة إكتشاف هذه الطريقة كما شرح لي الدكتور كانت كالأتي


بدأت في أحواض تربية الدلافين

حيث ان بعض القائمين عليها كانوا يعانون من ألام في الخاصرة

نتيجة تحرك الرمال

وبعد تكرار الألم مرات عديدة ومع عمال مختلفين

بدأ العمال والأطباء يلاحظون الأمر

وبدأ السعي لكشف السبب

وعندما كانوا ينزلون موضى في هذه الأحواض لفترات عديدة

كانت تتفتت البحصات عندهم وتختفي 

وأكتشف بأن لكلام الدلافين مع بعضها أثر في ذلك

علما أن الدلافين تتكلم مع بعضها بامواج فوق صوتية

وبعدها أخترع أول جهاز

وكان المريض حينها ينزل في حوض من الماء وتجرى عليه عملية التفتيت

وبعدها وبسبب الجقجقة الحاصلة تطور الجهاز واصبح بالون من الماء يحاذي الجسم

عملية التفتيت مؤلمة جدا ... ولكن بعد التخدير ماعاد تحس بشي


إن شالله تكونوا استفدتوا

وهي المعلومات على ذمة الدكتور


تحياتي ...

هاااااي للجميع كيفكم ؟؟؟

والله اشتقتلكم يا ترى ششو عم تعملو بالعطلة السعيدة هي ؟؟؟؟

اهم شي الدراسة على اعتبار قررت اني قوم ابدا ؟؟

صحي ملاحظة على الهامش بالنسبة للطلاب يلي عند المهندس بلوط ( انشاءات 2 ) في مذاكرة يوم الاثنين القادم لذلك شدوا الهمة لانو المهندس بلوط ((على حسب قولتوا )) مابدوا يعمل امتحان عملي وبدو يعتمد على المذاكرات ضمن الفصل فقط

بالتوفيييق للجميع

يالله سلاااااااااااااااااااااااااااام

معلومات حلوة محمد 

ما بعرف شو قصة الدلافين ..... للصدفة مبارح رفيقتي كانت فاتحة سيرتن


هلا انا كنت اعرف انو الدولفين اذكى حيوان ..... بس مبارح عرفت انو ذكاؤو بعادل ذكاء طفل عمرو 6 سنين


والله شكلي بلشت حبو 

سبحان الذي خلقو ... ذكي وحلو ومهضوم وبسلي والو فضل بالابحاث العلمية كمان 

اقتباس

سبحان الذي خلقو ... ذكي وحلو ومهضوم وبسلي والو فضل بالابحاث العلمية كمان 

بقولوا انو لحموا طيب ؟؟؟

كيف نسيتيها Just Smile

انا شخصيا بحب الارنب اكتر شي (( كمان لحموا طيب    ))

سلاااااااااااااااااام

اقتباس

سبحان الذي خلقو ... ذكي وحلو ومهضوم وبسلي والو فضل بالابحاث العلمية كمان

جي أس

بجد حلو ... سبحان الخالق


وهو كمان بحب البشر ..... وبكفي إنو بيتنفس متلنا   

اقتباس

بقولوا انو لحموا طيب

يحرق حريشك ياعمر

ذكرتني بقصة يلي بعت ببغاء لخطيبته

ولما سألها عنه قالتله لحمه طيب !!!

اقتباس

انا شخصيا بحب الارنب اكتر شي

ههههههههه قلتلي كمان لحمه طيب

بس بتعرف أن الأرنب من ألطف الحيوانات

بهالزمانات كان عندي أرانب ( هلق عندي بط بس مابعرف لحمه طيب ولا لأ    )


لما بتحمل الأرنب ..بتحس بالعطف والحنان 


سلااااام .....