يوميات مهندس مدني !!!!!!! - منتدى جامعة دمشق

مشاركة : 709

just smile

عضــو فضـي

سيطلع من عتمتي ... قمر

مسجل منذ: 07-08-2008
عدد المشاركات: 1995
تقييمات العضو: 44
المتابعون: 11

غير موجود
اشــترك بالتحديثات
رسالة مستعجلة

رد مشاركة : يوميات مهندس مدني !!!!!!!

03-03-2010 08:24 PM

اليوم صارت شغلة رجعتني لايام المدرسة ..... ااااااااخ على ايام المدرسة

يلي صار كالتالي

كان عنا محاضرة خرسانة عملي ... بتعطينا اياها المهندسة منصور (((هي معيدة تخرجت السنة الماضية )))

المهم انو اليوم اثناء المحاضرة وبينما الانسة منهمكة بحل مساله فات الدكتور عالمرسم
(( صراحة ما بعرفو ))

قبل ما يفوت الدكتور كانت محاضرة طبيعية .... الانسة عم تشرح وتكتب عاللوح.... والطلاب شي عم يحاول يضل منتبه شي عم يكتب شي عم يتصفن وقله من الشاطرين ماسكين الالات الحاسبة وعم يتابعو ويشاركو مع الانسه بكل خطوة ويجاوبو عن الاسئلة

الدكتور دخل وبقي واقف عند الباب عم يراقب سير المحاضرة

شوي شوي ومع تزايد عدد الطلاب الذين لاحظو دخول الدكتور بلش الوضع يتغير وبلش عدد الطلاب يلي عم يشاركو وينتبهو يزداد ويزداد ويستمر في الازدياد

بعد 5 دقايق من دخولو ...... يلي بفوت عالمحاضرة ولا يمكن يصدق انو هي محاضرة بجامعة دمشق كلية الهندسة المدنية

الله وكيلكن كلو عم يجاوب وكلو عم يشارك وكلو عم يحسب ويتفاعل ... طبعا الا انا وكم واحد شرواي بالخير

يعني لو مرق حدى من برا كان سمع صوت ضجة الطلاب ... تخيل يرعاك الله ... ضجة نتيجة المشاركة

والله حسيتن شوي تانية رح يبلشو يرفعو ايديهن ويصرخو ... انسة .... انسة ... انسة

لك حتى الدكتور انصدم

يعني مع احسن الدكاترة بالكلية ما صار انو هالعدد من الطلاب يكون عم يشارك

وبعدما تجاوز الدكتور الصدمة اجا دورو يحكي ... بس شو حكي

(((( ماشاء الله ما شاء الله ... االله يعطيكي العافية يا رب .... يعني بجد نيالكن على الانسة ... تخرجت السنة الماضية والاولى على دفعتها وتعينت معيدة بقرار جمهوري وبدها تكمل دراسات ب....... الخ ))))
شوي تانية رح يحكيلنا قصة حياتها المطعمة بكل كلمات المدح .... ثم وجه المديح النا

((( وبحيي كمان تفاعلكن ... تفاعل رائع ... هلا اتطمنا انكن بجد بين ايدي امينة .... )))))

المهم انو الدكتور غادر وهو بقمة الفخر والاعجاب ..... وما هي الا دقائق معدودة حتى عاد الهدوء يسيطر على المحاضرة

طبعا هي الدقائق المعدودة ما كانت مشاركة ... كانت تعليقات الطلاب

اثناء انشغال الطلاب بالمشاركة انا كنت مشغولة بمراقبه مشاركتن .... بجد شكلن حسو حالن بالمدرسة

بتتذكرو ايام المدرسة لما كان يجي موجه يحضر شي درس ... وكل الصف فجاه يصير شاطر والانسة تصير بتشرح منيح والكل عم يشارك

فجاه ننسى قديش بنكره الانسة ونتحد معها ضد العدو الشرير يلي جاي يعكر صفو مدرستنا

اليوم يا اما الطلاب لا شعوريا فكرو حالن بالمدرسة ... يا اما هني بجد بحبو الانسة وقررو يوقفو معها ويدعموها ... وانشالله الانسة تحس بهالشي وتدعمن كمان متل ما دعموها اليوم

« عرض آخر مواضيع العضو »

يا رب ...
احتاج الى بركتك , عفوك , رحمتك ورضاك . .
كي . . اشرق من جديد !
ربي : امطرني بتوفيق منك يروي زوايا روحي رضا بحجم السماء واكبر

أنت غير مسجل لدينا.. يمكنك التسجيل الآن.