بسم الله الرحمن الرحيم

اخواتي الاعزاء ... عضوات و اعضاء منتدى جامعة دمشق .. اسعد الله اوقاتكم

اليوم حابة احكي عن شغلة شعبية بحياتنا .. سواء فلسطينية او سوريين او غير

ثقافات ...

الشغلة هي كلمة او مصطلح او حتى تعبير معين .. بيكون شائع و شعبي بين اهل البلد و ما حد بيفهمه غيرهم 

يعني مثلا :

عنا بيقول الواحد .. انا رحت عالشغل اليوم من صراصير الصبح

هو بيكون يقصد انو ما شا الله عليه نشيط و صاحي بكير 

هلا اذا حد فيكم سمع هالكلمة من واحد فلسطيني اكيد راح يضل متنح ساعة ... و

يقول ماله هاد مجنون و لا شو قصته 

و اكيد كل بلد فيها كلمات من هالنوعية ... و لا انا غلطانة 

طيب شو رأيكم اللي عنده هيك جمل و عبارات يحكيلنا ياها ... مش لسبب معين

بس من باب العلم بالشيء ... و حتى اذا بيوم من الايام... القيامة قامت و جينا لعندكم

او انتو جيتو لعنا .. نعرف شو الترجمة لهاد الكلمات ..

اللي حابب يشارك يتفضل .. و اللي مش يقعد ساكت ..


شكـــــــــــــــــــــ     ــــــــــــــــــــرا

اقتباس

انا رحت عالشغل اليوم من صراصير الصبح

الجملة غريبة شوي ...رغم اني فلسطينية بس للأسف كتير شغلات خافية عني ياريت دائما تطرحي مواضيع تخص فلسطين الحبيبة...

الفكرة حلوة مشكورة كتير

تقبلي مروري

MoonLight


فكرة كتير حلوة .......

وعجبني أخر سطر يلي ما عندو شي يقعد ساكت  ههــــــــههـــــهه

يا ستي نحن اذا الواحد فاق بكير كتير بيقولوا شبك فايق قبل الشحادة وبنتها

وفي مصطلحات كتير  كمان  ولا يهمك دليلك السياحي أنا

بس غريبة كتير صراصير الصبح ليه في صراصير للصبح وصراصير للمسا

snow girl

ولا يهمك اختي ... انا راح اعمل جهدي و اجمعلك كم مصطلح من التحف يلي عنا

اهلا و سهلا فيكي

..........................

قمر الليل حبيبتي

ليش انتي ما بتعرفي انو في صراصير بالصبح و صراصير بالمسا

هههههههههههه ... انا كمان ما بعرف .. بس معنى الكلمة انو الصراصير ما بيطلعو

الصبح و الاخ صاحي الصبح غير كل العالم

اما بالنسبة للشحادة و بنتها ... احنا بسمع هالمصطلح كتير على الشاشات العربية

من خلال المسلسلات السورية .. يعني مش غريب علينا كتير

يلا شوفي اشي تاني  و انا كمان حدور 

موضوع حلو بس غريب انا اول مرة بسمع بهل صراصير الصبح


طيب اذا راح متاخر شو بيقولو راح من دبان المسى ههههههههههههههههههههه


يسلمو ايدكي

مون لايت شو هالموضوع الحلو
بس تعرفي انا من فلسطين متلك بس والله ما عمري اسمعت بصراصير الصبح
ههههههههههههههههههههههههههههههههههههههههههه
عنا بقولو قبل الشحادة وبنتها

وراح ضيف كمان مصطلح محل الرجل ما يتحب بدب  هههههههههههههههههههههههههههههههههههههههههههههههه
هاي بقولوها للنسوان كتير يوم ما تروح الوحدة على بيت اهلها ما بتصدق بتلاقيها بسرعة بتروح وما بترجع ويوم ما بدها تروح على بيت حماها متل الي ماخدينها على المشنقة

والله وانا فلسطينية
بس اول مرة بسمعها يعني متل ماحكت ساذئدة بسمع عبارة
قبل الشحادة وبتنها اما صراصير الصبح اول مرة بسمع فيها

شكرا مون لايت


بس انا فلسطيني وكمان اول مرة بسمع فيها (صراصير الصبح.....؟؟؟؟؟؟)

انت من وين من فلسطين 
يمكن يكون لكل منطقة مصطلحاته الخاصة

قاروط  :  يعني هو الولد الذي ليس لديه اب و ام  (يتيم) 

انا هيك اسمت معن المصطلح
كان يستخدم هذا المصطلح سابقا في فلسطين اما الان غير متداول الا عند الكبارية (الختايرة)

هنجد حلو دائما بدنا هيك تعابير جديدة
يسلموا ايديكي

هههههههههههههههههههههه أحلى شي صراصير الصبح

يحرئ حريشك   من وين جايبتيا هي؟؟؟؟؟؟؟؟؟؟؟؟؟؟

كيف بدي جبلك هلأ شي تعبير حلو متلا؟؟؟ آآ؟

هلأ مع اني شامية بس هلأ ما في ببالي شي معين

بس في شي سعودي بيمشي الحال?

بس لبين ما يجي عبالي شي شامي

ok?


بالسعودية بيقولوا

كراعين = اجرين


ورعان = ولاد سعادين