تحية طيبة الى زملائي في السنة الرابعة حقوق ياريت تساعدوني ضروري جدا انا برا سوريا حاليا وانا طالب في كلية الحقوق سنة رابعة وراسب سنتين وباقيلي 3 مواد للتخرج هنن انكليزي سنة تالتة وانكليزي رابعة والأصلية وانا طالب موازي وماني مستنفذ وسؤالي انو ايمت ببلش التسجيل وايمت بينتهي وانا هيك اعتبر اني استنفذت ولا لسا بحألي ادم المواد وبدي ادمن متل العادة على فصلين ولا النا دورة متل وضعنا من أدم فصل واحد علما انو مادتين فصل اول ومادة فصل تاني واذا ماستنفذت ادش لسا بحألي كم دورة وشو الرسم يلي بدن ياخدو مني انا آسف كتير تألت عليكم بس انا مضطر وماعندي حدا بالشام يسألي انا بلأساس من برا الشام ورفقاتي مابيحسنو يطلعو يسألولي لأنن محاصرين بمدينتي وشكرا الك وياريت تردوا علي بسرعة وانا شاكر جهودكم سلفا

اولا بالنسبة للتسجيل النظامي بيبدا ب11/15 والموازي يمكن معن
وبالنسبه للاستنفاذ هي السنة لا تعتبر سنة رسوب يعني ما بتأثر ع عدد السنوات المسموحة وبالتالي ما بتكون استنفذت
وهالسنة كاستثناء حتكون فصولها مفتوحه يعني بالفصل الاول بتقدر تقدم مواد الفصلين وبالفصل التاني نفس الشي والدورة التكميلية كمان موجودة ما التغت
اما بالنسبه للرسوم ما عندي فكرة
بتمنى كون فدتك..وبالتوفيق نشالله

متل ماقالت الأخت هي السنة مابتنعد سنة رسوب إذا كانت آخر سنة إلك قبل ماتستنفذ يعني بتكسب سنة زيادة بينما بالنسبة للاستنفاذ للي بكون سنة أخيرة واستنفذ حسب القواعد العامّة بحقلّو 5 دورات متتاليّة والدورة اللي مابقدّمها منهن تعتبر راحت عليه.. والفصل الجاي فيك تقدّم ال3 مواد سوا طالما مفتوحة دورة مفتوحة..

بالنسبة للتسجيل لسّى بكّير عليه أوّل شي لحتّى يخلص تسجيل المستجدّين بعدين بحدّدوا موعد لتسجيل السنوات التالية.. يعني مو أقل من شهر  لحتّى يبدأ التسجيل.

موفّق

شكرا لجميع الزملاء يلي ردوا علي والله يعطيكم العافية