مرحبا ياجماعة انا كنت طالبة بكالوريا هي السنة وبصراحة عم فكر كتير بالمعهد الهندسي حابة قسم الرسم الهندسي بس بدي أعرف كيف بتم اختيار الطلاب بأقسام المعهد يعني كل طالب بيختار القسم اللي بدو ياه ولافي مفاضلة داخلية للمعهد واذا كان في مفاضلة فهي بالسنة الأولى او التانية ؟؟وحابة آخد رأيكن بالمعهد بتنصحوني فيه ولا لأ؟؟؟وشكرا كتير كتير لإلكن بتمنى تقبلوني صديقة بيناتكن

يا أهلا

أكيد منرحب فيك صديقة بيناتنا

لكن للأسف أعضاء قسم المعهد الهندسي قلال شوي ونادر ما بفوتو

يمكن ما حدا يجاوبك لذلك بنصحك تروحي بنفسك عالمعهد وتسألي شؤون الطلاب أو تسألي طلاب أو طالبات المعهد.. وإلا ما تلاقي حدا يجاوبك

بالتوفيق

شكرااا كتييييييييير كتيير وإلي الشرف كون بيناتكن بس المشكلة مابعرف وينو المعهد :-(

يا اهلا وسهلا بيناتنا
انا كنت معهد هندسي بس قسم مساحة وكتير كتير كتير انبسطت بالمعهد بصراحة كانت احلى ايام حياتي



بالنسبة للمفاضلة على دوري كان في بس بعدين لغوها ، وهلق ما بعرف اذا رجعوها ولا لأ بس عنجد بالنسبة للمعهد الهندسي اذا الله يسرلك وسجلتي فيه صدقيني رح تنبسطي كتير

المعهد الهندسي بكون بجانب كلية هندسة العمارة وكلية الهندسة المدنية

 إذا جاية مشي من سانا بتضلي ماشية بشارع الهندسة (اللي فيه كليات التربية والعلوم والاقتصاد ) وبتكون كليات الهندسة آخر الشارع عاليمين قبل ساحة الجمارك

شكراا كتير لإلكن عذبتكن معي انا اسمي علا تشرفت فيكن

يا هلا فيكي

اظن ما في مفاضلة

المعهد كتير حلوة

بس لازم تكوني شاطرة بالرسم

والك مراق فيه