السلام عليكم جميعا..

سؤال عالسريع ..

انا حملت خمس مواد:

ثنتين ما قدمتهن.. و الثلاثة البقيانين علاماتهن:

59

56

57

في شي قرار او مرسوم هي السنة أنو بيحقلي يحطولي +1 واترفع؟؟

ارجوكم ردوا لاني انا خارج البلد وما فيني قدم التكميلي..

ولمن يرد عليي خالص تحياتي..

سلام

اخي انا ماني متاكد اذا في بس بتوقع نزل قرار دائم السنة الماضية بيخص هيك حالة ولذلك هاد رقم الامتحانات 33924009 وفيك حكي معهم وتسالهم مشان تكون على بينة ومتاكد

سلامي للجميع مني انا ابيض القلب

متل ماخبرك زميلنا بالرد قبلي,,,,,

انا القرار قرأتو السنة الماضية وكان قرار مساعدة مابخص دورة امتحانية لسنة محددة

يعني حسب ما اذكر انو القرار كان بشكل دائم ويستفيد الطالب الذي تتغير حالته من راسب الى ترفع بعلامتين موزعة على مادة اومادتين

بالتوفيق ان شاء الله

طب الي تخرج وعندو مادة فصل اول 59 شو مشانو ؟

هلأ الي بعرفو انو العلامتين بينعطو للمواد الي تتقدم بالتكميلي

يعني فصل اول او تاني ما تنعطى

الا اذا الطالب قدم المادة بالتكميلي ورجع اخد 59 او 58

بس رفقاتي عم يحكو السنة بانو كمان فصل اول

الله يرفقكن الي بيعرف شي بهالخصوص بيخبرنا

احلى ما نرجع نقدم والله مالي خلق

اي صديقي بيعطوك هالعلامة طالما مابدك تقدّم التكميلي .. بس  العلامتين بتنعطى بشروط، الشرط الأوّل: إنّو تكون هالعلامتين بتأدّي لتبديل وضعك وترميمو متل لو إنهن رح يرفعوك يعني مو مثلاً يكون الواحد مترفّع بدون مساعدة ومعو من بين شي ماديتن أو أربع مواد حاملها مادّة بدّو فيها علامتين,, أو راسب ومعو مادّة بدّو فيها علامتين وبيضل راسب ولو ضافوا العلامتين، الشرط التاني: لاتعطى المساعدة عن فصل مضى مثلاً: لو طالب كان بدّو مادّة لحتّى يترفّع ومعو مادّة كانت علامتو بآخر دورة بيقدمها 48 أو 58 بس هالعلامة آخدها من السنة الماضية وبآخر دورة بيقدمها وبعدها ماقدّم المادّة بابيستفيد شي ولا بيعطوه هالعلامتين لأن متل ماذكرتلّك حسب ماورد بنص القرار: ( لاتعطى المساعدة عن فصل مضى) وهالعلامتين بتكون موزعة على مادّة أو مادتين حسب الحاجة.

وبالنسبة للأخ اللي عم يسأل عن التخرّج طبعاً إذا تخرجو متوقّف على بيعطوه ياهون سواءً كانوا بمادّة واحدة أو موزعين على مادتين حسب القرار.. ومساعدة 6 درجات بتكون حصراً  للإحالة دون الاستنفاذ

بتمنّى كون فدتّك

الله يجزيكم الخير عالردود..

بس سؤال صغير استاذ raed_esmaeil
يعني انا عندي 59 علامة المساحة2 بالفصل الاول ممكن يعطوني العلامة و اترفع؟؟ ولا هي تعتبر دورة قديمة؟؟

ولك الشكر..

اي اخي بس السؤال للمواد بعد التكميلي ولا اذا كانت فصل اول
يعني اذا ماقدمتها عالتكميلي بيعطونا ياها
بعدين ال6 علامات للمستنفذين التخرج هئ

boom

صديقي بما إنّك آخد هالعلامة بالفصل الأوّل فمابتستفاد من المساعدة وبدّك تعيد المادّة لأن متل ماذكرت بالمشاركة السابقة من شروط المساعدة إنّو ماتكون عن فصل مضى يعني المساعدة لازم تأدّي لترميم الوضع بالفصل نفسو اللي تقدّمت فيه المادّة وبما إنّو هالعلامة اللي أخدتها بالفصل الأوّل ماكانت وقتها بتأدّي لترميم وضعك فمابتستفاد منها حاليّاً وبدّك تعيدها بالتكميلي وتعتبر هالعلامة أخدتها بدورة قديمة.

وبرجع بذكرك الشرط الأوّل للمساعدة إنها بتأدّي لترميم الوضع حصراً يعني إذا بيرفعوه أو بيخرجوه أو بكون مطالع كل المواد من عدا مادّة ناقصو فيها درجتين كمان بيستفاد من المساعدة لأن بدلت وضعو من منقول لناجح وطبعاً بشرط تكون هالعلامة بنفس الفصل.

بتمنى كون فدتّك أكتر وضّحتلك الفكرة تماماً

*Monamoor*

المساعدة مابتقتصر على التكميلي بس وبتنعطى بكل الفصول سواءً الأوّل أم التاني أم التّكميلي بشرط يحتاجها الطالب وتأدي لترميم الوضع متل لو طالب مثلاً أخدها بالفصل الأوّل وهالعلامتين بيخرجوه أو بيرفعوه فصليّاً.. وإذا مثلاً طالب بدّو علامتين بمادّة فصل تاني ليترفّع ومابدّو يقدّم التكميلي كمان هون بيستفاد وبينعد مترفّع حتّى لو ماقدّم التكميلي طالما هالعلامتين قدّمها بالفصل نفسو وأدّت لترميم وضعو.

ملاحظة: صديقي بالنسبة لمساعدة ب6 درجات هي للمستنفذين فقط بينما المساعدة بدرجتين للترفّع والتخرّج حصراً.