لو سمحتو ممكن تعطونا لمحة عن مواد  الفصل الثاني للسنة الثالثة محاسبة  للنظام الأحدث وشلون  الأسئلة بتجي تقليدي او أتمتة مشكورين جميعا
       

يمكن لو بتغير العنوان لـ ( رجاء من المحاسبة سنة رابعة ) أو ( مطلوب لمحة عن مواد السنة تالتة محاسبة ) بكون أحسن

شكراً على طرحك الموضوع حاكم لازمنا والله

شرحتها بموضوع بمنتدى الرابعة محاسبة ومننقلكن ياها واي تفسير جاهزين

1- تحليل القوائم المالية
مادة سهلة كتير وحلوة كتير بيدرسها بالعادة الدكتور اسماعيل اسماعيل
واسئلتو سهلة وحلوة وواضحة والدراسة من الكتاب مافي داعي ابدا" للمحاضرات
بس اذا درستها الدكتورة احلام الشيخ الله يكون بعونكن لانو معظم اسئلتها بالامتحان بتكون فيها اخطاء بس عموما كدارسة وكمادة سهلة
2-المحاسبة الضريبية
مادة ممتعة والمادة تقليدي
بتحكي عن الضرائب الشركات بمختلف انواعها وضريبة رواتب واجور
بالامتحان مسألة الرواتب عليه 30 علامة لازم تضمنوها
هي المادة كتاب ومحاضرات
فيها سؤال نظري وغالبية الاسئلة يلي بتجي نظري بتكون مو موجود بالمحاضرات
فعليكون باول 70 صفحة نظري من الكتاب
تصليح المادة من قبل الدكاترة دقيق جدا وغالبية الطلاب بتتفاجئ بعلامات الامتحان لان الغلطة فيها بكفرة فلازم تتمرسو على حل المسائل كتير وتحلو دورات كتير
ادرسو المادة منيح خلال السنة
دراستها مو معتة  حلوة وسهلة بس لا تخدعكن سهولة المادة انا خطأصغير برقم وطريقة حلي كانت صحيحة مية بالمية
طيرلي مسألة عليها 28 علامة والدكتور اكدلي طريقة التصليح
3- متقدمة 1
مادة بدها متابعة وشغل
هي قسمين بيدرسها دكتورين والقسمين بدهن شغل
القسم الاول :
مبيعات تقسيط وعقود ايجار
مبيعات تقسيط سهلة جدا وما عليها أي اشكالية
عقود ايجار فيها تعقيد بسيط بس لازم تفهموها منيح كتير وتحضروها للمادة  دراستها كتاب ومحاضرات
بالامتحان في مسالة وحدة عليها خمسين علامة
يا تقسيط يا عقود انتو وحظكن
القسم التاني
بضاعة امانة وحسابات فروع واقسام
حلولون طويلة لانو بدكن تفتحو حساب للطرفين كدائن ومدين وتشتغلو عليهن
لازم تتمرسوعلى سرعة الحل
متنوعة الاسئلة فيها غالبا" واحيانا بجيب بس مسالة بضاعة امانة لحالها عليها خمسين علامة
غالبية الاسئلة او كلها عملي
والمادة مؤتمة
4-محاسبة نفط
كمان كمادة حلوة فيها نظري وعملي بتحكي عن اسلوب جديد للتعامل مع محاسبة النفط
عموما سهلة المادة  بس احيانا دكتور ريشاني بيلعب شوي بالائلة فبتتخربط الطلاب
5-منهجية البحث العلمي
مادة نظرية بحتة الها نوتة بتنزل بالكشك والمادة تقليدي والها حلقة بحث يفضل انكن تعملوها لانو السؤال البديل بالامتحان اذا كان بيدرسها الدكتور عطالله ما بتاخدو عليه اكتر من 8 وبيشدد كتير على الورقة فالافضل تعملو حلقة بحث
يعني شغلتها حفظ بصم
6- محاسبة متوسطة2
ما كانت على دوري لانو انا نظام حديث درسوها يلي بعدنا
واي مساعدة يا شباب نحن بالخدمة
ثالثة او رابعة  لان متخرج انا ومخلص
بالتوفيق جميعا

http://eco.jamaa.net/post695322.html#post695322

شباب شكرا كتير عالمعلومات المفيدة

عنجد كتير ساعدتوني بانو اتحضر للفصل الجاي و ان شاء الله خير...

متوسطة 2 بتعطياه الدكتورة هدى ريحاوي

هيك شفت بالبرنامج

شكراً كتير استاذ محمد

بس ما فهمت هي شباب حدا عندو فكرة

 والها حلقة بحث يفضل انكن تعملوها لانو السؤال البديل بالامتحان اذا كان بيدرسها الدكتور عطالله ما بتاخدو عليه اكتر من 8 وبيشدد كتير على الورقة فالافضل تعملو حلقة بحث

شو يعني ؟؟

والها حلقة بحث يفضل انكن تعملوها لانو السؤال البديل بالامتحان اذا كان بيدرسها الدكتور عطالله ما بتاخدو عليه اكتر من 8 وبيشدد كتير على الورقة فالافضل تعملو حلقة بحث

شو يعني ؟؟

والله ياصديقتي يلي فهمتو إنو يإما بتساوي حلقة بحث وإذاكان عليها فرضا 20 فبصير امتحانك من 80

(يعني 80نظري +20حلقة بحث) 

يأما بل الامتحان بتحلي سؤال كبديل عن حلقة البحث

وبيكون امتحانك من 100

بس مالي متأكدة ......................

وياريت يلي عندو فكرة بهل الموضوع يفيدنا

http://eco.jamaa.net/post697746.html#post697746 

لأنو نحنا أل يعني طلاب سنة 3 ولازم نعرف هل الاختراعات

اي اخواتي
المادة عبارة عن 80 نظري وعشرين حلقة بحث
ويلي ما بيعمل حلقة بحث في سؤال بديل عليها 20 علامة متل خطوات حلقة البحث
بس اذا كان رئيس المادة الدكتور عطالله فهو بحب الطلاب يقدمو حلقة بحث بيناقش الحلقة قدام الطلاب كل طالب اخر محاضرة بيعطيكن ارقام خلال اول محاضرة بيشرحلكن الدكتور الية كلشي
بس يلي بيقدم المادة من 80 بدون حلقة وبيحل السؤال البديل شو ما كتب بالسؤال البديل ما بياخد اكتر من 8 من عشرين  والدكتور بيشدد اكتر على الورقة فالافضل تعملو حلقة هيك بيكون اضمن لالكن
اي استفسار يا شباب نحنا جاهزين
السنة التالتة احلى سنة
موفقين