مرحبا 

يا ريت تخبرونا شوي عن المواد اللي بالفصل التاني من السنة الرابعة

وكيف العملي وشو لازم نجيب كتب ومين احسن مهندسين بالعملي من حيث الاعطاء والعلامات

مراحب كيفكن ياشباب
كيف قضيتوا هالعطلة الطويلة ؟؟؟؟
شو بدكن اتداوموا هادا الاسبوع ولا شو؟؟ بصراحة ماني عرفانة انزل عالكلية ولا لاأ
ياريت يللي نزل وسأل يقلنا خرج اندوم ولا لاأ

مرحبا يا ريت تخبرونا شوي عن المواد اللي بالفصل التاني من السنة الرابعة وكيف العملي وشو لازم نجيب كتب ومين احسن مهندسين بالعملي من حيث الاعطاء والعلامات


عالسريع وبشكل مختصر:

شبكات صرف صحي : من حيث الإعطاء ولاحدا بيعرف شي بالمادة ,,, إلا اللهم كلمة بال Safe side وبكلمة ضمن الـ Range ,,,, بكرا بتعرفوا شو قصدي ....
المادة في الها مشروع بيستلموا أربع طلاب أو تلات طلاب على الأقل بحيث المهندسات يلغوا شي 3 محاضرات عملي بالأسبوع ""يعني شغل من تحت الطاولة""
المشروع بدو شغل بس موصعب وانا من عندي أن شاء الله رح نزللكم مشروع كامل لتصميم شبكة صرف صحي بنهاية الاسبوع مع الشرح والملفات PDF < Dwg
بالنظري بيعطيها دكتور فهمان كتير وبنصحكم تحضروا محاضراتوا وهو الدكتور غسان حداد ,,, وهي نصيحة قوية أنو تحضروا محاضراتوا لتفهموا الشي الصحيح ,,, ماتحفظوا متل ما بدرسوا بالعملي ,,,,

هندسة الجسور : المادة فيها شغل أكتر من الشبكات وكل طالب بسلم مشروع لحالوا وبأرقام ومعطيات تختلف عن باقي الطلاب واليوم كتبت نص المشروع وبهالأسبوع بينزل على المنتديات والركن ,,, وكل أستاذ شكل بس علامات العملي مابتخوف ,,, وعلى الأغلب ما في أمتحان عملي ويكتفون بمقابلة,,,
النظري بتجي مسألة بقريب الأربعين علامة للدكتور يعقوب وشي سؤالين نظري بتلاتين علامة ,,,, وأنا رح حاول جمع أسئلة النظري الأكتر تكرارا ونزلها بعد شي أسبوعين ""يعني بعد شبكات الصرف الصحي ""

الخرسانة 3 بيعطيها بالعملي المهندس حسام بلوط والمادة أكتر من رائعة عند المهندس حسام ""وحطي خطين تحت المهندس حسام "" طبعا في مذاكرتين أو تلاتة تحدد من قبل المهندس حسام لتحصيل علامة العملي ,,, وهي أسهل الخرسانات على الإطلاق كمادة للدراسة

منشآت مائية : المادة بتنعطى بشكل جيد ومفيد من قبل جميع المهندسات والعلامات متقاربة ,,, المادة فيها تصميم مشروعين ,, سد هدار وعبارة مائية ورح حاول بس هي مابوعد فيها انو نزل مشروعين مع الشرح,,,,

تكنولوجيا التشييد بيعطيها كندة ملكي وريم العبدة وعبد الناصر كنعان ويتميز الأخير أنو الصبايا بياخدوا علامات عالية والشباب علامات مكسرة ,,, والأكثر إعتدالا وعدلا هي المهندسة ريم العبدة ,,,, المادة الها مشروع عملي وبدو شغل خطوة خطوة من أول الفصل ,,,,
علما أني سنة الماضية نزلت ملف أكسل لإنجاز حسابات المشاريع كلها ""مع إختلاف أرقام الطلاب "" لعند حساب كميات الحفر والردم وفيكن تحملوا من مواضيعي القديمة إذا انعطى المشروع نفسه

هندسة الأساسات بيعطيها كذا مهندسة بالعملي والأكثر كفاءة هي زينب اسعد ,, والاكثر عدم معرفة بنوعية العمل وأسس التصميم هي أسماء الشافعي ""ديروا بالكن من الوقعة بين أيديها "" والمادة مافيها لامشروع ولاشي غير إمتحان عملي أخر الفصل بكل المادة

رح أكتفي بالهقدر ,,, وعذرا على الحكي يلي فايت ببعضوا بس مستعجل وبدي لحق خلص شغلي


بالتوفيق بالسنة الكبيسة

انا بعترض على الاستاذ كنعان هو ما بيعطي علامات الا للبنات المايعات انا كنت هديك السنة عندو و جربتو امت نقلت لعند غير مهندسة  فاذا لم تكوني من تلك البنات فاياك الاقتراب (اسال مجرب)        

شكرا كتييييييييرالكن عالنصايح ومالقيت حدا منيح من المهندسين العملي اللي بيعطوني .. والحل هووووووووو النقل لعند الاساتذة اللي ذكرتوون

شكرا كتيرمرة تانية

الله يعطيكم العافيه يا شباب  ...... وان شاء الله منشوفكم مهندسن قد الدنية
هلق مواد الفصل التاني للسنة الرابعه ... شو وضعها ؟؟
ومين احسن الدكاترة العملي .... وشو المحاضرات النظريه اللي لازم نحضرها ؟

وهل الدكتور (( تنبكجي )) منيحة بالجسور ؟؟

مشكورين