السلام عليكم ورحمة الله وبركاته

مرحبا شباب كيفكم وكيف برمجة الويب معكم


  يعني بصراحة انا حابب اعرف اذا في عندكم توجه لتعلم برمجة الويب او حتى التخصص في هذا المجال وشو الاخبار معكم

سواء البرمجة ناحية السيرفر (طبعا عندنا العديد من اللغات php - asp - jsp - ruby .... )
او حتى البرمجة من ناحية المستعرض او الزائر  او يمكن قسم منيح بيحب يسميها تصميم الويب
(html - javascript - css)

انا حاليا قررت اني خصص سنة كاملة  فقط  لدراسة الجافا سكريبت باسلوب متقدم والتعمق فيها
وطبعا من ضمنها ال Css وال html
لانو بالفعل انا شفت هاد الجانب من برمجة الويب كتير مظلوم في مجتمعنا  وخاصة بعد كثرة المستعرضات وكثرة الاصدارات المتتالية منها (والي بينت معنا مدى ضعف مواقعنا  في مواجهة الاختلاف في المعايير الي بيتبعها  المستعرضات)

و الي شجعني اكتر واكتر  لدراسة الجافا سكريبت (هي بالفعل ظهور المواقع العالمية متل الفيس بووك والتويتر بتطبيقاتها المعتمد على تقنية الاجاكس والي بدورها طبعا معتمدة على الجافا سكريبت باسلويب رهيب  )
تخيل معي لو قررنا نحذف الجافا سكريبت من الفيس بووك او التويتر  (!!!!!!) لتحط لايك لازم تساوي ريفريش للصفحة
كمان شغلة خطيرة (مثلا عملية اللايك  او  الكومينت بتم بسرعة مو طبيعية بالفيس بووك وحتى ولو كان سرعة النيت دايل اب همممم ؟)

(Google Erth  مبنية عا الاجاكس !)
ومن هاد الباب انا حطيت عدة كتب للجافا سكريبت (لاشهر مطوري الجافا سكريبت على مستوى العالم) متل  دوكلاس الاب الروحي للجافا سكريبت وجون ريزك مبرمج مكتبة الجي كويري و دوستن مطور جافا سكريبت في الكوكل وستويان مطور من الياهوو

وهدول هني بعض  اسماء الكتب الي حاليا قررت ادرسون بالتفصيل الممل
- JavaScript the Good Parts
- Learning JavaScript 2nd Edition
- Object-Oriented JavaScript By Stoyan Stefanov
- Pro JavaScript™ Design Patterns
- CSS Mastery - Andy Budd
- SitePoint.Everything.You.Know.About.CSS.Is.Wrong.Oct
..... الخ

ملاحظة  : الكتب غير مرتبة انا كتبتها هيك لاني مالي جديد بالجافا سكريبت او برمجة الويب
وراح ادرسون بدون ترتيب حسب ما انا بشوف مناسب
بس اذا انت جديد بمجال الويب  بنصحك بزيارة هاد الموقع الخيالي
بيعرضلك مخطط لدراسة الويب من الصفر وحتى القمة ومع اسماء كتب قوية جدا
http://www.sitepoint.com/books/library/
وبعد هل فترة الي هي مخصصة للبرمجة من ناحية المستعرض (Browser side او client side)
راح حاول اتعمق  بجهة السيرفر (server side)
وانا راح اختار php و mysql
وبعتقد 6 اشهر للبي ايتش بي + 6 اشهر mysql
بحيث نصل لمرحلة برمجة تطبيقات وأطر عمل كاملة مبينة على اساس متين وباسلوب متقدم من برمجة الكائنات مثال على بعض التطبيقات القوية (droupal - Joomla - wordpress )
ومنصات وأطر عمل (Codeigniter - phpcake - zendframework)

يا شباب انا بتمنى اذا اي حدا عندو ولو رغبة لتعلم برمجة الويب فهاد هوي الوقت المناسب
لانو نحنا تأخرنا كتيرر وصارت المواقع  الاجنبية  كتيير متفوقة 
فلازم نواكب التطور بمجال الويب

واذا عندكم اي شي نتناقش فيه انا جاهز ^_^
والله ولي التوفيق

ان شاء الله اخي CODER

انا وبعض الاعضاء ناقشنا بخصوص هادا الشي   ,, يعني هادا اقتراحي من الاول بس أخدت اراء الاعضاء يلي بنفسهم يتعلموا 



وان شالله في دورة صغيرة مشان تعليم لغات البرمجة المواقع 



بس انو ننط فرد نطة ع الجافا سيكربت   ,,, ما بيمشي الحال 



وان شالله الاخ ياسر رح يكون عندو علم ,, لاني لسه ما خبرتوا بالترتيبات 

لانو بهمنا رايو ,,, بما انو هو مبرمج خطير 

وان شالله بعد ما منخلص من الامتحانات هادا الاسبوع رح نبلش شوي شوي بأذن الله

لحتى نوصل لدرجة

الهكرزززززززززززز    



واذا صار في نصيب ... منصير تيم واحد ,, 



بس الشغلة بدها صبر شوي



وان شالله هالاسبوع أخر اسبوع للأمتحانات بكل الكليات



وفي أفكار خطير رح تنتطرح بالمنتدى      

_______________________________________



ما فينا نحكي غير ان شالله يارب



ادعولي THE LORD

اهلين اخي ليون

اي يلا ان شاء الله ونحنا بانتظار هل افكار الحلوة