السلام عليكم ورحمة الله

حبيت اطرح هذا الموضوع لطلاب السنة الثانية على شان تدخلوا وتخبرونا عنكم وكيف قدمتوا بالمواد

أول مادة كانت محاسبة الشركات

كيف قدمتو وكيف كان مستوى الأسئلة

وإذا واجهتكن شي مشكلة بالامتحان كمان

وعلى كل الأحوال بتمنى أنو يكون الكل قدم منيح وراضي عن الشي اللي قدمو

بشكل عام ما حدى ٌقدم منيح التقليدي سهلة كانت يكتر خيره الدكتور بس الصعوبة يلي كانت بالأشخاص بدها شغل كتير و في إجابات عم تطلع غير ذلك.

السلام عليكم

شو مبين ماحدا فاضي يحك راسو

معذورين الدراسة لفوق راسنا وما عم نلحق

المحاسبة كان فيها شيء من الصعوبة أخي بس الحمد لله
وإن شاء الله بتكون مرفعها للمادة

خبرونا كيف كانت التحليل الجزئي معكن
أنا والله حسيتها صعبة وفيها اختلاف عن أسئلة الدورات

انتوا كيف لاقيتو الامتحان

بالتوفيق إن شاء الله ........   

مممممم

متل ماقلتو ..التقليدي كان سهل كتير ... والاشخاص كانت بدها حل وفيها نوع من الصعوبة ... وعموما ماستغربت لان الدكتورة قالت مرة انو والله لورجيكن بالفحص :D :D

وبالنسبة للتحليل ... ندمت لاني مالحقتها .. كان عندي احصاء قبلها بيوم .. ومالحقت ادرسها كاملة ...

التقليدي كان كتير سخيف كتر خير الدكتور يللي حطهن ...والاتمتة كانو بالنسبة للي عرفتهن سهلين وبالنسبة يللي مادرستهن مابعرف ازا سهلين ولا لا :D شلف تربح

اقتباس

شو مبين ماحدا فاضي يحك راسو معذورين الدراسة لفوق راسنا وما عم نلحق

والله معك حق المنهاج كتير ضخم وما عم نلحق
شلون قدمنا؟؟؟؟؟؟ ما نعرف وأحسن شي الحمد لله
المحاسبة ما رح احكي شي عالدكتورة بكيفها اللي انحكى عليها
والتحليل الأسئلة المؤتمتة تعجيزية وفي قاعات بالحقوق ما صلحوا الخطأ إلا بعد ما طلعت الطلاب
هلأ عنا الانكليزي والقانون وما منعرف شو بدنا ندرس
سلامتوا للحيط اللي فايتين فيه

أحسن موفقين يا جماعة

عفوا شو الخطأ تبع التحليل لأنو طلغت من الفحص و ما كان في تصليح لأي خطأ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كان في خطأ بالسؤال رقم 15 بذكر ...

كانو خالطين بين الخيار التالت والرابع ... واجا الدكتور وفصللنا ياهن عن بعض

سبحان الله الحكي تقريباً كلو متشابه .
الصراحة أنا كمان شعرت أنو أسئلة الأتمتة تبع المحاسبة كانت صعبة بالأضافة انو الدكتورة جابت أسئلة من البحث يلي ما عطت منو شي .
بس الواحد بستغرب لأنو الدكتورة كانت مشكلتها مع كم طالب طيب ليش  عمميت على كل طلاب الأقتصاد سنة التانية
أنا برأيي هذا الأسلوب يعبر عن ضعف شخصية الدكتور مع التعامل مع الطلاب .
وناهيك عن التأخر يلي صار بالكلية بنسبة للأرقام الأمتحانية ( أقل طالب يمكن روح تلت أو ربع ساعة من وقت الأمتحان).
ما بنقدر نئول غير حسبنا الله ونعم الوكيل.

السلام عليكم ورحمة الله وبركاته.....
بالبداية وبما أنو هي أول مشاركة إلي بدي أشكر جميع القائمين عالمنتدى والله يعطيهن ألف عافية....

وبالنسبة للإمتحانات فالحمد لله أولاً وأخيراً التحليل حسيتو سهل باستثناء بعض الأسئلة يلي بدها تركيز كبير لتنحل وخصوصي بالأتمتة....

أما المحاسبة فما قدمتا أصلاً..... راحت للتكميلي إن شاء الله.....

بس في عندي سؤال صغير بالنسبة لمواد السنة الأولى يلي حاملتا بقدما عادي بدون تقديم طلب أو ما شابه ولا في إجراءات لازم أعملها؟؟؟؟
وشغلة تانية بالنسبة لتظليل الأسئلة السنة الماضية كنا نظلل بالأزرق بس هي السنة كل شخص بيحكي شكل بقى التظليل بالأزرق ولا بالرصاص؟؟؟؟؟



شكراً لكم جميعاً ولا تسبوني لأنو من أول مشاركة نزلت بالأسئلة

السلام عليكم ورحمة الله

بالنسبة لأسئلة المحاسبة الأموال مثل ما تفضلتو كانت كتير سهلة
أما الشركات صحيح أنو الأسئلة كانت صعبة نسبيا بس الدكتورة ما جابت شي من خارج الكتاب أو من المريخ مثلا
وحتى بحث شركات التوصية : الدكتورة ما أعطت هذا البحث بس كمان ما ذكرت أنو محذوف وأنا نوهت أنو لازم تطلعو على هذا البحث واللي هو أصغر بحث بالكتاب
على كل حال الدكتورة وعدت ووفت
بس الحمد لله أنا ما بكيت من الأسئلة صرت أضحك بس للجكر