مساء او صباح الخير

بتمنى النصيحة منكن يا طلاب الاقتصاد خاصة سنة تالتة ورابعة انا محتارة جدا

بموضوع الاختصاص محاسبة ولا مصارف وهاد الشي الو اسباب

وهي اني بعرف انو المحاسبة اصعب من المصارف مو هي المشكلة بالضبط

المشكلة انو

خايفة من الرسوب كونو عندي 16 مادة هلأ بالسنة التالتة لاني معي 3 مواد من

التانية ووحدة من الاولى

والمحاسبة صعبة خايفة من الفشل والرسوب فيها بسبب ضغط المواد وبيقولو انو

المصارف سهلة

وبيجيبو فيها معدلات

انا عندي استعداد اني ابدأ دراسة جدية من هلأ لاني حابة محاسبة بس يمكن

اساسي فيها ضعيف لاني لهلأ

ما قدمت الجرد ولا مرة والشركات كمان ما قدمتا ولا مرة والتنتين ما درستهن ابدا

بس دكتور الحكومية اليوم ريحني بكلمة قالها انو يللي لح ندرسو بالمحاسبة مختلف

تماما عن السنة

الاولى والتانية ومنفصل عنهن وهيك اطمنت شوي

غالبا لما فكر بخوفي من الرسوب لا قدر الله وخوفي من الفشل بالمحاسبة بيتوجه

تفكيري للمصارف

يللي بشكل عام ما عندي فيها مشكلة ابدا غير اني عندي قناعة انو المحاسبة افضل

وعندي طموح

ادخل افضل فرع وهو المحاسبة

بتمنى النصيحة منكن .. رأيكن بيهمني ومشكورين سلفا

السلام عليكم ورحمة الله

أختي الكريمة
أنت قلتها
بما أنه لديك طموح وهو اختصاص المحاسبة فلا سبب يمنعك من ذلك

أنا من وجهة نظري بأن المحاسبة هي أفضل من المصارف
مع احترامي الشديد لجميع الآراء

أنت فقط لديك حاجز وهمي يخيفك من اختصاص المحاسبة

أود أن أذكرك بأنه في أول محضرة من محاضرات محاسبة الجرد نوه الدكتور إلى أنه إذا لم يرفع الطالب المحاسبة واحد فهذا ليس معيار بأن يقول أنه لن يرفع المحاسبة اثنين

وكذلك في أول محاضرة من محاضرات محاسبة الشركات

أنا من وجهتي بأن كلية الاقتصاد هي المحاسبة ودخلت الاقتصاد على هذا الأساس

أتمنى أن تتخلصي من الحاجز الذي لديك والذي يدفعك إلى الخوف من المادة

صحيح أنني طالب سنة ثانية الآن ولكن للعلم أن شهادتي الثانوية هي مهنية تجارية
ولدي فكرة واضحة عن اختصاص المحاسبة

النصيحة الأخيرة :
يجب أن لا تفكري بالرسوب أبدا وأن يكون ممحيا من قاموسك
وأن تفكري دائما بالنجاح

أتمنى أن أكون قد أفدتك وأعطيتك جرعة من الأمل

هذا رأيي وأتمنى أن تتقبليه ...................... وتقبلي مروري

تحيتي ................   

توكلي على الله واختصي محاسبة ..بس بدك دراسة وجهد كبير كتير ..والسبب هو المواد يلي حملتيها

فيكي تخصصي يوم الجمعة للمواد يلي حاملتيها ..وباقي الايام لمواد المحاسبة ..بس اهم شي الدرساة اول باول والمتابعة ..ومن جهتي انا هيك رح اعمل باذن الله

بالتوفيق يارب ..والله يختار يلي فيه الخير

بالبداية عن جد شكرا الك اخ abood 1993

كلامك عطاني تفاؤل كبير وغالبا انتو طلاب التجارة من الثانوي اشطر من طلاب العلمي وبكتير

وأعلم بالمحاسبة وغيرها لكن متل ما بتعرف لاني مئصرة بالمحاسبة كتير ومن السنة الاولى

فخوفي منطقي وبمحلو ..

تاني شي اية معك حئ تماما انا بعرف اذا دخلت محاسبة لح انضغط بالمواد كتير كتير لانو معي 16

ولاني بستصعب المحاسبة بشكل عام .. بس المواد يللي حاملتها في تنتين منها يعني خالصين دراسة

وحاملتن بالخمسينات يعني محلولة ان شالله

انا بيتت استخارة ولنشوف رب العالمين شو بيختار

..

بس يا جماعة شو صايرلكن بخلانين علي بنصيحة يعني بدي اراء كتيرة لحتى اختار وانا مطمنة