أهلاً ولاء ..

طلعت القلوب عند بعضا ^^

كل الشكر إلك .. مع إنو مجهودك بمنتدى العمارة لا يقدّر بكلمة شكر ..

وكمان موضوع العمارة الدمشقية حلو وواسع .. بس أكيد قصدك القديمة مو ..؟!
_______________________________


ولازم نتفق ع موضوع عالسريـــــع لاستثمار الوقت  بالبحث ..

مشان التصويت ما عم يزبط معي إضافة تصويت عالموضوع هلا ..

بس المواضيع المقترحة لهلا ..

العمارة المستديمة .. المدارس المعمارية .. العمارة الدمشقية ..


كلون حلوين ومهمين .. ومعكون لبكرا "14 الشهر :P " .. ومع كم رأي كمان ونجزم بالموضوع اللي لح نبحث فيه ..

بتمنى شوف بقية نجوم منتدى العمارة .. ونتعاون سوا لإنو لمّتنا حلوة كتير 


تحية للجميع ..

هااااي للكل
أنا حبب ضيف اقتراح (إذا مافي مانع طبعا)
وهوي عن الأبنية العالية
وبظن انو هاد الموضوع ممكن نستفيد منو بالجامعة خصوصا بالسنة التالتة
انشالله يعجبكن
شكررررررررررررا

كأنوا برد الموضوع

و ما في الا 4 مشتركين

شو مشاااااااان

؟؟؟؟؟؟؟

!!!!!

!!!

مشان الابنية العالية .... ما بدها بحث                                   

بكرة باول مشروع بيعملوا التالتة بحث عنها و بينعرض قدام كل الطلاب((ونشالله بتستفادوا اكتر))

بدنا شي أهم  و أشمل هون

السلام عليكم
وين المعماريين ؟؟؟؟؟ يمكن نايمين أو عم يستعدوا للجامعة الله أعلم
بصراحة أنا وعم اتصفح النت بحثا عن موضوع نتناقش فيه
فلفت نظري موضوع كتير مهم ويلي شدني للموضوع هو اسمه يلي كان بعنوان
اين دور المعماريين في الحفاظ على هويتنا الاسلامية في العمارة ؟؟؟؟؟
فعلا نحنا بأمس الحاجة للنقاش بهيك موضوع غاب عن أذهان الكثير منا
بما أنو كليتنا غذت فينا روح تقليد تصاميم الغرب مع العلم انو طرقت لموضوع العمارة التقليدية بالسنة التانية
طبعا موضوع النقاش هو بأمتنا العربية عمارات تعد منارة لكل عمارات وشعوب العالم
وبالوقت يلي المعماريين العرب عم يتهافتو على عمارة الغرب البعيدة كل البعد عن عمارتنا وبيئتنا وحياتنا وعاداتنا الاجتماعية فالغرب بيشوف العمارة الاسلامية وبيقدرها
طبعا انا ماعم قول انو نحنا ما منقدر عمارتنا بس الصراحة
صار عنا مبدا بالتصميم هو تقليد المعماريين الأجانب بطريقة ماعم تخدمنا
ونحنا بالكلية كل ماكان التصميم عضوي ومعقد وفايت بالحيط بيكون اجمل
وكلما بيكون الفتح(البشرة الزجاجية)ولي هي ما بتناسب بيئتنا العربية أكبر كل ماكانت الواجهات أرقى
طبعا في معتقدات كتير بس ممكن نطرحها بشكل فعلي بعدين ونتناقش بايجابيتها وسلبيتها
بعتذر على الاطالة بس حبيت وضح وجهة نظري باهمية الموضوع وبعلاقته المباشرة بطريقة التدريس عنا بالكلية
بانتظار اقتراحاتكم
دمتم بود

4 مشتركين و4 مواضيع للنقاش .. للآن ما وصلنا لأي نتيجة ..

إذا هيك وضعنا بانتقاء موضوع البحث لكان كيف بكرا بالبحث ..!!


يعني رأيين تلاتة آخرين .. يحسم الموضوع .. مشان نقول عنا ديموقراطية


تحيااااااتي .. وأنا بشوف حسابي معكون ..

السلام عليكم
طولي بالك صديقتي booshar
خلص منتناقش أنا وياك اذا بدك
بس ماقلتيلي شو رأيك بالموضوع يلي طرحته؟؟؟؟؟؟؟
ياريت تخبريني رأيك اذا ممكن
شكرا على مجهودك في طرح مواضيع مهمة
وياريت شوف ارائك بوضوعي يلي نزلتو اسمو مافي نشاط بالمنتدى؟؟؟؟
الموضوع بعنوان:
حديقة تتجاوز الميل تشق طريقها بين أبنية نيويورك
بانتظار مشاركتك
تقبلي مروري
وان شاء الله بيلتم شمل اعضاء منتدى العمارة
سلااااااااااااااااااااامي

بالي طويـــــــــــــــــــــــــل ما تخافي حبيبتي ^^


موضوعك حلو ليلى وشكراً كتير عالمتابعة والتشجيع .. 

أنا ضفتو للمواضيع المقترحة .. ولكن رأيي الشخصي فيه ..

كون أن الغرب قد سبقنا بأشواط كبيرة في المجال المعماري "حالياً " .. فـمن الطبيعي أن نستقي من عمارته أفكاراً ونتطبع بطابعه ..
بالرغم من سلبيات الفكرة إلى أنها تحمل الكثير من الإيجابيات ومنها الاستفادة من تجارب من يسبقونا في هذا العلم ومن أبحاثهم المستمرة إضافة إلى عولمة العمران والبناء .. 



_تمت مراسلة أعضاء منتدى العمارة للانتباه على الموضوع والتصويت والتعاون يداً بيد جميعنا .._


تحيــــــــــــة للجميع ..

 

شبك قرنفلة خانوم .. تعي نعمل سبحة ألفية وندعي بلكي الأعضاء بيشاركونا بهالاجتماع


ووصيلي على زهورات من المقهى اللي عندك .. مشان أعصابي


بربّي أحلى عمارة ..

بكرا عالدوام .. بيلتموا من جديد ..


سلاماااااات :)