مرحبا للكل بتمنى من الكل يرد علي
هلا انا اختي بداا اتسجل هندسة معمارية ومشالله عليا هية شاطرة بالرسم
فانا حابة اسئلكون عن كلشي بتعرفو عن الكلية
كيف العملي؟
الدوام؟
الوظيفة؟
في برامج شغل مثلا ع الكمبيوتر
واهم شغلة
بالنسبة لاختبار القبول شو وضعو سهل صعب
وين بدنا نسجل منشان الدورات
بتمناما حدا يبخل علي بالرد
وشكرا الكون

هلأ بصراحة انا اقتصاد ولكنني رسبت بامتحان العمارة


ولكني لا أجيد الرسم بل سجلت من أجل اللقب "ميم نقطة"


بما أنها

اقتباس

شاطرة بالرسم

تتوكل على الله وتسجل

اقتباس

العملي؟

أغلبها عملي و فيها كم مادة نظري

اقتباس

الدوام؟

تحتاج لدوام حيث يوجد مواد عملي عليها علامات

اقتباس

الوظيفة؟

الله أعلم بس لأي كلية "رزقكم في السماء وما توعدون"
في برامج شغل مثلا ع الكمبيوتر ......."بالسنة الثانية وطالع ......"

اقتباس

بالنسبة لاختبار القبول شو وضعو سهل صعب

سهل أو صعب حسب مهارتها بالرسم

اقتباس

وين بدنا نسجل منشان الدورات

من شان الدورات أنا سجلت بالكلية نفسها بدك تراجعيها قبل ما يخلصوا
وفي معاهد خاصة بس ما بعرف شي عنها
"على فكرة ممكن تسفيد من دورات كلية الفنون هيك وحدة من رفقاتي قالت لي "

السلام عليكم
اهلا وسهلا فيكي اختي جامعية وافتخر
بالنسبة للعمارة فرع حلو كتير بس متعب لابعد الحدود
بالنسبة للمواد :
أهم مادة هي التصميم المعماري وهي موجودة بكل سنوات الدراسة يعني من السنة الاولى وحتى الخامسة منتعلم من خلالها تصميم كل ما يخطر ببالك
مادة لها60%من المعدل بالسنة الاولى و40%من المعدل في باقي السنوات
يعني لها جزء كبير من المعدل السنوي وهي مادة مرسبة لحالها يعني يلي بيرسب فيها بيرسب بكل السنة
وهي عبارة عن اربع مشاريع تقدم خلال السنة وتمارين سريعة(اساكيز) و فحص في نهاية العام
اما بالنسبة لبقية المواد منها نظري بحت لكن يحتاج الى الفهم ومنها العملي(رسم -ظل ومنظور هندسي-تنفيذية-تخطيط.................................
والمواد هي قسمين عملي بيكون على شكل حلقة بحث -مذاكرات-حضور)
وعليه 20 أو30 علامة والباقي بيكون للفحص النظري
بالنسبة للكمبيوتر هناك مجموعة من البرامج الهندسية متل الاوتوكاد -الارشيكاد-الماكس-الفوتوشوب.......
وبالسنة التالتة بيبلش الشغل على هي البرامج
اما السنتين الاولى والتانية العمل بيكون بالادوات الهندسية
وكمان عندك الاخراج بالالوان -الرصاص.....
بالنسبة للدوام اول سنتين بيكون في اهتمام كبير بالدوام من الساعة9صباحا وحتى5-7 مساء يعني بدها تنسى كل العلاقات الاجتماعية
وكل المواد بدها حضور ودراسة بس اهم مادة هي التصميم وبتاخد وقت كبير وجهد اكبر
بالنسبة لفحص القبول : هو مانو صعب وخاصة اذا عم تقولي انها شطورة كتير
الفحص قسمين عملي بيطلبوا منها ترسم بناء -جرة_وتظللها......
وقسم مؤتمت اسئلة ثقافة معمارية عامة سهل كتير بدو شي
الدورات بالكلية طبعا وفي دورات خصوصية بس انا ما بنصح فيها كتير
الدوام بالدورة بلش خليها تروح تسجل وبتبلش تاخد الدروس لانو الفحص ب9-9
موفقة ان شاء الله بتمنالها كل النجاح
واذا بدك اي استفسار او معلومة او اي شي بيخطر ببالك فانا جاهزة ان شاء الله
ياريت طمنيني عنها واذا لزمها اي مساعدة بعدين فانا جاهزة
في كتير تفاصيل تانية انا ماحكيتها انشاء الله كون فدتك باجابتي اختي العزيزة
تقبلي مروري    

شكرا الك كتير على المعلومات الي ما قبل التسجيل فعلا فادتني

انشالله الله بيفتحا بوشك متل ما فتحتا بوشي

 

 

اختي ليلى

عن جد كلك زوووء عطيتيني شرح  وافي عن الكلية وانا شايفتا حلوة

واذا على الدوام كل الجامعات هيك والفروع وبدا دراسة وجهد

وهية فعلا شاطرة بالرسم لو ما انا شفتا هيك ما كنت نصحتا بالعمارة

ويمكن انا هلا متشجعة اكترلندخلا الفرع بعد حكيك لانو شرح امور بتخص الكلية

شكرا كتير الك من قلبي

وبتمنالك التوفيق بحياتك وبدراستك انشالله

بساخر سؤال ..هلأ مبنى كلية العمارة وين صاير.....يا ترى بالبرامكة  اذا ماني غلطانة؟؟

 

صديقتي ردا على سؤالك :

كلية هندسة العمارة بالبرامكة وهية بتجي اول جامعة عاليسار يعني مقابل كليات التربية والفنون والاقتصاد بس لأول الشارع عالزاوية

انشالله كون دليتك مزبوط وما ضيعتك....

اهلين فيكي يا دانا

مبلى عرفتا وين

مع انو كليتي كلية التربية ومع هيك ما انتبهت لكلية العمارة

يالله بمعية اختي

شكرا كتير الك ولاهتمامك

السلام عليكم
لا شكر على واجب يا اختي جامعية وافتخر ولو تكرم عيونك
انا ما عملت شي
الله يوفقها يا رب وييسرلها الخير اين ماكان
انا بانتظار اخبارها الحلوة ان شاء الله
مرة تانية اي شي حابة تسال عنو ان جاهزة
والله يقدرنا على فعل الخير
تقبلي مروري
 

تسلمي يا حبيبتي

والله هاد من زوءك وانشالله بنصير رفقات واعز

ويوفقك انتي كمان

تحيــــــــــــاتي الك