الناجح يرفع يده - منتدى جامعة دمشق

مشاركة : 12

دينا العلي

عضــو فضـي

في الصغرتحلم بالكبر وبالكبرتحن للصغرفعجيب أمرالبشر

مسجل منذ: 03-07-2011
عدد المشاركات: 1736
تقييمات العضو: 142
المتابعون: 151

غير موجود
اشــترك بالتحديثات
رسالة مستعجلة

رد مشاركة : الناجح يرفع يده

17-07-2011 10:05 AM

اقتباس

وين العدل .. !
السلام عليكم .. لما كنت سنة اولى كنت بعرف انو مافي نجاح وضمنت الرسوب .. ولما رسبت بالاولى مع 5 مواد ورغم انو كنت عم ادرس بمنية الدراسة .. والمضحك انو المراسيم الاستثنائية لصالحي سواء بظروف السنة الاولى .. او السنة التانية حاليا .. بصراحة الشغلة مو دراسة ومن الجلدة للجلدة .. وحضور .. ومتل بعض الطلاب ما عم يئولو .. الشغلة صارت بحياة الجامعة هو(( حظ )) .. سواء من ناحية الاسئلة او نوعيتها (( مؤتمتة )) وكيفية طرحها ع الطلاب وممكن الكمبيوترات ما تقرأ بعض اجوبتكم (( الرسوب او النجاح عالـ 60 لهيك انا ابدا مو مع الاسئلة المؤتمتة مع انو قنعوني العالم بسهولة الجامعات الان ههههههههه .. وهلاء صعبوها بعد تطبيق التكميلي مدة الامتحانات قصير و مضغوط بئا يا اصدقائي لازم تضمن انك عم تدرس لتكون محصل على معدلات عالية بعدين بس تطلع النتائج بتكون مرفع المادة عالـ 60-70 وين العدل بما يزرعه الطالب وما يحصده نهاية العام ؟؟ وانا ايدي لتحت وانشالله بعد الدورة التالتة ارفعها موفـــقين الكل

أنا بحب أكد لك إنو الشغلة مو حظ بس بدها دراسة وبما أنك عم تدرس فمعناتها في مشكلة بدراستك و صدقني أنا لحد اللحظة ما في علامة أخدتها إلا لأني مستحقتها

يعني بالمحاسبة1ما كنت فهمانة الطيح من البطيخ وعرفت حالي إني حاملتها من أول خمس دقائق من بدأ الامتحان لاني بلشت بالقسم الغير مؤتمت
بينما بعد الإعادة وكان وقتها بالفصل التاني عرفت حالي لح يجيب إن قللت 80و جبت 90
وفي عندك التحليل الجزئي عرفت حالي إني لح جيب 50بالقسم الغير مؤتمت وفعلا جبتها وكذلك التمويل يلي جاب فيها الدكتور سؤال أقرب للإحصاء منه للتمويل وجبت 85
كما أني كنت أعلم إنو إن رفعت الإدارة فما لح رفعا إلا عل 60وجبت 64وكذلك الإحصاء يلي جبت فها 60

يعني مبدأ شلف تنحج محقق لسؤال أو 2أو 3 بس مو معقول لكل الأسئلة

طبعاً أنا عم بحكي إذا كان الوضع عادي وهو :
1- طالب دارس ومتكل على الله كل يللي بيجي من عندو لصالحي أكيد
2- دكتور بيصحح بضمير و بيجيب أسئلة ليختبر فيها معلومات الطالب فيما يتعلق بالمادة وليس فيما يتعلق "بذكاء الطالب وخياله"
3- مبدأ ادفع لتنجح غير موجود "طبعاً أنا بحب أكد للكل إنو هادالشرط محقق بالسنوات يلي درستها وهي الأولى و الثانية أما عن بقية السنوات فِأنا لم أرى شيئاً بعيني أو أسمع شيئاً بأذني لا اوكد وجوده ولا يحق لي أن أنفيه" .

ومثل ما قلت المرسوم لصالحك بيجوز تجيب معدل

و صدقني الله مابيضيع تعب إنسان حتى و لو ضيعوا مليون إنسان فأجرك عند الله محفوظ فلا داعي لوضع أفكار سوداء تضعها أمامك وتمشي ورائها

لأني عملت هيك بالكالوريا وخسرت

« عرض آخر مواضيع العضو »

ملتقى طلاب جامعة دمشق

أنت غير مسجل لدينا.. يمكنك التسجيل الآن.