بصراحة هل مشكلة ممكن جاوب عنا ولكن بسطحية
أكيد طلاب طب الأسنان رح يقدرو يفيدو أكتر

اذا كان النخر والتسوس متكرر...مع ان النظافة موجودة
والغذاء الصحي متوفر
فثق أن بنية الأسنان ومناعة الانسان هي السبب في تكرار التسوس
وبالتالي التسوس ممكن يكون وراثي
لكنو مو سبب وحيد

مسا الخير
ممكن أسأل رفيقتي بدها تعمل عملية
متضخم معها الطحال وقالولها في معك اختلاط بالدم وزمرة دمها نادرة
بصراحة ما حبيت أسئلة شو يعني وإذا خطرة وليش صاير معها هيك
بتنمى تقوم بالسلامة
ياريت تحكي شوي عن هالقصص

السلام عليكم

شكر جزيل لكل من يساهم في هذا الموضوع

لدي سؤال

أشعر بتنميل سريع خلال دقائق من الجلوس على الأرض ( الجلوس بوضعية التربع)
                                                           
وحتى احياناً بوضعيات جلوس أخرى عادية
                                                 
هل هي مشكلة وعائية أم عصبية
                                                     
ولكم الشكر سلفاً

بالنسبة للطحال تضخمو بيعقد الأطباء....
في إلو العشرات من الأمراض المحتملة....
لكن بالتحاليل الدموية, والاختبارات والاجراءات الموجهة بيتحدد المرض (متل لطاخة محيطية, أو بزل النقي)
عادة الطحال هو مقبرة الدم, فإذا تضخم معناتا زايد نشاطو
وبالتالي في كتير كريات دم عم يتلفها الطحال
وشي طبيعي يخطرلنا انو السبب هو انو هل كريات الدم شاذة وغير وظيفية

بالنسبة لزمر الدم هي ثابتة
AB-A-B-O
مع الانتباه لكون الصفة الوراثية المحتملة في A هي AA  أو AO وكذلك في B  هي BB  أو BO

ومامننسى عامل الريزوس RH اللي ممكن يكون ايجابي أو سلبي
غير هل زمر مافي عند الانسان

لكن ممكن تختلف أنواع الخضاب من حيث سلاسل ألفا وبيتا أو غيرا المكونة للخضاب
متل مرض السمة المنجلية أو التلاسيميا وهي كلها وراثية.

هلأ استئصال الطحال مانو خططر عادي, لكن مانو هو المشكلة الأساسية
المشكلة هي بتبديل الدم وعلاج النقي والأكسجة, هون الخطورة....

تقوم بالسلامة....

بالنسبة للتنميل...أنا كمان هيك كان يصير معي
اذا بس بالجلوس بتظهر هل حالة فالسبب وعائي
وهو غالباً بسبب انضغاط  الأ,ردة اللي بتكون لينة
عكس الشرايين اللي بتكون مرنة
فالشريان انضغاطو أو انسدادو صعب بعكس الوريد
فاللي بيصير انو بيحبس الدم بالرجل
وببتأثر ترويةا لأعصاب فبتعطيك هل احساس الغريب
والمشكلة بس تقوم بيجري الدم من جديد
فبتحس بإحساس أشبه بقطع الرجل

الله يسمع منك وتكون مو خطرة ويمشي حالها وما بيشتغل نحسها
ما بعرف ليه هالبنت منحوسة
لك لما شجعت المنتخب السوري بكأس آسيا نحستن فخسروا
إن شا الله يا رب تقوم بالسلامة وتفاقيد رب العباد رحمة الله يرحمها ويرحمنا برحمتو
شكرا كثير إلك

السلام عليكم

بدي اسأل عن مرض العضال ما هو وما أسبابه وما علاجه ؟؟؟

وجزاكم الله خيرا

السلام عليكم

بدي اسأل عن مرض العضال ما هو وما أسبابه وهل له علاج ؟؟؟

وجزاكم الله خيرا

السلام عليكم ورحمة المولى وبركاته

ممكن سؤال صغير

على طول بتكون أطرافي باردة  كتير بس الجو معتدل وأنا مالي بردانة أبداً

سمعت مرة أنو عدم وصول التروية للأصابع هو السبب
والله أعلم

السٌلام عَليكم يا أخواني

بدي أفضَل طريقة على شان  تبطيل الدٌخان

والله كل جسمي بيوجعني من وراه

أرجو منكم أن تعطوني حل سريع وفعال

وبدي طريقة مو ثوق منها أو مجربة وناجحة وسريعة التأثير

ولكم جزيل الشكر سلفا