ماشاء الله جزاكم الله خير على ذه المشروع انشاء الله موفقين واتمنى اكون واحد منكم وفيكم  واشارككم بكل ماهو جديد من اليمن السعيد 

مشكورين  على مجهودكم الغالي

ويعطيكم الف عافية ويجزيكم الف خير
                                                                                                           

السلام عليكم
الله يعطيكم العافية
خطوة كتير حلوة يكون عنا مجلتنا الخاصة
شكرا لك من ساهم بنشاء المجلة الرائعة
ومنتظرين الانتاجات الاروع        

مرحبا  أريد معلومات عن تاريخ الكتابة العربية ونشأتها أرجو المساعدة بسرعة

بوركت جهودكم

فكرة جميلة

جاري التحميل

مع تحياتي الجغرافية

مع تحياتي الجغرافية

هلأ المجلة بفكرتها كثييير حلوة
وغيرنا مو أحسن منا
حسيت إنو القسم يلي عم يكتب فيه طالب من القسم نفسه عم بيكون شغلو مميز
بس كأن يلي كاتب للعربي مو أدب عربي
بقصد أهل مكة أدرى بشعابها
بالبداية بالتعريف بالقسم قسم اللغة العربية مثلو مثل الأنكليزي يعني مثل مو النقد عندكن مهم وبالعربي بالنسبة إلنا النقد هو أساس الأدب فلما تم التعريف بالقسم أهملت فكرة النقد
ومن ضمن الأسماء يلي بينرفع فيها الراس دكاترة غير يلي انذكرو مثل عبده عبود وأسامة اختيار وأيمن الشوا وعبد الكريم حسين هدول لا يمكن تلاقي بالقسم حدا معترض على علمن وشخصيتن عنجد دكتور
كنت أفضل لو خصصت زاوية في كل قسم مثلاً بما أنها مجلة جامعية تتحدث في كل مرة عن مقرر من المقررات الدراسية مفردات المنهج وطريقة دراسة المادة وهيك مساعدة للطلاب أحنا عنا بالعربي 50 مقرر يعني لبعد 50 عدد لنخلص إذا استمرت المجلة بإذن الله هاد إزا ما اخترعوا مواد جديدة
الفكرة الثانية حبذا بالأعداد الأولى من كل مجلة عادة لو تم اختيار موضوعات تجذب القارئ ليتابع بشغف ويترقب صدور الأعداد الجديدة  فما فائدة حتى ؟؟؟!! حتى لو افترضنا البداية بحتى فعلى أي أساس تم الاختيار؟؟؟ لماذا لم تكن لم أو لن أو  أي شيء آخر
أقترح في الأعداد القادمة لو وضع حديث في كل عدد عن كتاب أو رواية أو مسرحية أو أي نوع من الفنون واقتبس من الكتاب فقرة صغيرة تشجع القارئ لاقتناء الكتاب ونسميها أوراق الأدب
وضع مثل يعني ملحوظات بتكون فوائد نحوية أو أو كلمة ولها أكثر من معنى أو خبر عن العرب يحمل مغزى ومتعة في ذات الوقت حتى لا يمل القارئ .
وحبذا لو وضعت ساحة نقدية
مثلاً يبعث أحد القراء قصيدة له أو أو مقالة أو خاطرة ويقوم البقية بنقد أسلوبه يعني تقريبا أشبه بعملية تقييم
بالإضافة إلى موضوعات أخرى كالحديث عن إحدى مكتبات العالم مرفقة بالصور أو حديث عن مدرسة أدبية أو نقدية مناهجها وغير ذلك من الموضوعات
بعرف إنو هاد هو العدد الأول بس هي بعض الافكار يلي خطرت ببالي
أشكر كل يلي تعبوا فيها وعنجد مبين مشغول عليها
الله يعطيكن العافية
وتقبلوا نقدي بصدر رحب ... متأكدة إنو سمعتو كلام مدح كثييييير فأنا رح غير شوي من الجو ... فسامحوني إذا كنت قاسية بطرحي أو نقدي


وان شا الله العدد الجاي ما بيكون العربي مظلوم

مرحبا نهى ..


بالعدد الأول من المجلة .. اشتغلنا على مبدأ  "الجود بالموجود" .. ..

ما انطرحت للأسف أفكار عن قسم العربي متل الأفكار اللي طرحتيها هلأ .. فقدمنا اللي عنا ..

وكل واحد أدرى بقسمو متل ما قلتي ..

أنا اشتغلت على قسم الانكليزي .. وكنت راضية عنو الحمد لله ..

قسم الإعلام وعلم الاجتماع كانو ممتازين ..
لأنو الشغل كان من طلاب القسم ،، (( الملك المدريدي وزهرة النرجس )) ..

وانا بكل صراحة كنت ناطرة كل عضو يجي يمثل قسمو .. ..

فبالنهاية .. اللوم ،، إن وجد ،، بيكون على تقصير طلاب القسم أنفسهن ,,  مو على طلاب الأقسام التانية .. اللي تعبو واشتغلو على سد النقص بأقسام بعيــدة عنهن .. 


هلأ مشان العدد التاني ،، حابة وضح شغلة ..

كنت بتمنى نبدا فيه ببداية هالشهر .. بس الوضع بالآداب ما بيشجع منوب.. وبظن الأفضل يتأجل طرح الموضوع ..

خاصة أنو هلأ فترة تحضير للامتحانات ..

وكمان شخصياً ما رح اقدر استلم نفس حجم المسؤوليات اللي استلمتها قبل بالعدد الأول .. ..
لأن التزاماتي اتغيرت هالفترة ،، وزاد الضغط عليي بالدراسة والشغل ..

يعني الموضوع بدو انتظار شوي .. وتنسيق بين الأشخاص المستعدين للمشاركة على العدد التاني ,,


شكرا كتير على اهتمامك نهى .. سدقيني انا بهمني النقد أكتر من المدح ..
وهاد الموضوع نزل للهدف هاد بالدرجة الأولى .. شكرااا كتير ..    

أنا آسفة مو قصدي لومكن عشغلكن بالعكس الله يعطيكن العافية 
بس أنا لما اطلعت على الأقسام التانية حسيت إنو بالفعل مشغول عليها وعاطين من القلب وهاد هو المطلوب
بس العربي ( هو الحق على طلاب العربي ليش إنو عزماتن قليلة وخامليين حبتين يمكن لأن غالبيتن  لحشن كمبيوتر المفاضلة فهن كمان معذورين...وإجو عالقسم وبلشوا الدكاترة تكسير فين.)  بس إن شاء الله بالأعداد الجاية أتمنى إني مثل قسمي ...
ومشان تأجيل فكرة العدد التاني  معك حق يا حرام هالطلاب يا دوب يلحقوا تحضير للامتحان شو بدن يلحقوا بأسبوعين..؟! يا محلا أيامنا بس رغم إنو عندكن امتحانات بقول نيالكن عالأقل في شي عم يشغلكن عنجد رح طق أنا تخرجت تكميلي وكان بدي كمل دراسات بس أمر الله الحمد لله على كل حال راحت للسنة الجاية ولا عم درس لا بمدارس حكومية ولا خاصة ولا عم بشتغل شغلة لا بمكتب ولا شغلة  إلا شغلة يلي ما إلو شغلة كتابة المحاضرات للطلاب بالتعاقد مع المكتبة وكلا محاضرتين بالأسبوع واحدة لوالدي العزيز ويلي هو قدوتي بالحياة وبالدراسة الله يحميه ويطول بعمرو  والتانية لعميد الكلية بلكي بكرة يشرف على رسالتي بس بكرة الطلاب بيعطلوا يعني ما يضل عندي ولا محاضرة فرغها للمكتبة بس عندي محاضرة أبي للدراسات العليا بس ما عم فرغها للمكتبة بس مجبرة غني وهي يوم واحد فباقي أيام الأسبوع وين بروووووح فيها؟؟؟؟!!!
فإذا انقطعوا الطلاب وعزمتو عالمجلة وحبيتو إني مثل قسمي فخبروني دغري لأشتغل وعبي وقتي الفاضي... وبكون ممنوتك
الله يوفق الكل

أخواني الاعزاء مبروك العدد الاول من المجلة وانا متخصص في القياس النفسي والتربوي وأتمني مساعدتكم فاي سؤال مستعدين
أتمني لكم التوفيق

لكم الشكر وانشاله المجلة بتقدم دائم وتكون مع الطلاب وتشوف اقتراحاتهم وتعطي صورة حلوة عن حمبع الاقسام وتقديم المعرفة شكراااااااااااااااااا