إخوتي ,, وأخواتي ,,,


هذه شكوى وفشة خلق ,,, إلكم ,, وبتمنى تخففوا عنا شوي ,,  



بعرف سلف إنو ما رح يطلع منها شي ,, بس إذا ما حكيت بطق ,,
 


يعني ليش نحنا طلاب المعاهد محرومين من الدورة التكميلية اللي منحها السيد الرئيس للطلاب ,,  


يعني نحنا أولاد البطة السودا ,, ولا شو ,,  


لأ ,, ولما بننزل عالمعهد لنسأل عنها ,, بناكل بهدلة ,,,



يعني بالله مو حرام ,,
 


متوقف تخرجنا على مادة ,,, ليش ما بساعدونا ؟؟؟    


بس ,, شكيتهم لله ,,,  






من قلبي المجروح ,,,  




لوسي

اقتباس

لأ ,, ولما بننزل عالمعهد لنسأل عنها ,, بناكل بهدلة

عجبتني بتاكل بهدلة امنيح مو بتاكلو فلئة وبحلوئلكن ع الصفر

عنا بالاداب الوضع اضرب بتحكي مع الموظف وبتحسو كريستانو رونالدو ريتو يسلملي


......

بما انك طالبة معهد بعرف انو كل المعاهد عندن دورة صيفية هاد يلي بعرفو

يلا يلي ما بيتخرج اليوم بيتخرج السنة الجاية ليش العجلة

لو كنتي شب كنتي ئلت هيك لانو بيكون عندك جيش

..



الله ايفرج

آخخخخ يا عزوز  ,,,


المشكلة إنو في كتيييييير تمييز بالقوانين والقرارات ,, وغيرها ,,, بين طلاب المعاهد ,, وطلاب الجامعات ,,,


والله شي بيقهر  ,,,


وعقولتك ,, منيح اللي ماني شب ,,,



لولو

المعهد الهندسي من أحسن المعاهد وأحسن من كتييييييييييييييييييييييييير فروعة بالجامعات هيك كانو يقلولنا الأساتذة بالمعهد بس كانت الطلاب تستهزء بالموضوع وماكنا كتير نسدق لأن ماحدا بيقول عن زيتو عكر لكن ولله الحياة سوف تثبت لكم ذلك
عندي 4رفقات أقل واحد 18 ألف شهريا في شركة  حمشو بالنسبة للمسافرين رواتبهم أول سنة بتكون قليلة شوي بس لماالسوري ينزاح عنو العوائق لأحد يقف في وجهه خاصة بالخليج يعني الراتب يصل إلى 4700 -5000درهم إماراتي يعني 61000سوري عندماتثبت أهميتك بالعمل غير الحوافذ الأخرى لكن دعونا نعمل بجدية على مستقبلنا نصيحة خلي سؤال في ذهن كل واحد أنا شو بقدر ساوي وليس فقط أنا شو معي شهادة عندي صديق ستنفذ وترك المعهد قسم رسم بياخذ 500 ليرة على ساعة 3ds max لكن واصل إلى الإحتراف يعني تصميم وتنفيذ على الماكس فنادق ومنتجعات وو........
ولكن يتمنى لوأنه حاصل على شهادت المعهد

كلامك اللي حكيتوا صح أخ rihan  بس أنا حبيت علق على شغلة صحيح مالها علاقة بالموضوع

بس في كتير بفكروا بهالطريقة

اقتباس

لأحد يقف في وجهه خاصة بالخليج يعني الراتب يصل إلى 4700 -5000درهم إماراتي يعني 61000سوري عندماتثبت أهميتك بالعمل غير الحوافذ الأخرى

5000 درهم  إماراتي؟؟؟؟؟!!!!!!!!!!!!!!!!!!!1

هدول بدك تعيش فيهن بالإمارات؟؟؟؟؟؟؟؟؟

وين بدبي لما بالشارقة لما بأم القيوين أرخص إمارة

لو كنت عايش لحالك وشادد كيسك يادوب يادوب بتصرف... مابكفيك لآخر الشهر

صحيح الواحد بيحولها عالسوري بيلاقي الراتب كبير بس في فرق المعيشة

يعني الواحد بدو يدفع هديك الحسبة أجار البيت (( الإستديو بالصناعية بالشارقة )) وما أدراك

مالصناعية!!! وهادا غير الأكل والمصروف الشخصي وفاتورة المي والكهرباء والتبريد والتلفون

و مصاريف السيارة (( طبعا الواحد مابيقدر يعيش بالإمارات بلا سيارة )) هادا كلو بدو شي 8000

9000 درهم إذا كان الواحد عايش بدون مايصرف عالفاضي طبعا مابيبقى شي من الراتب

هاد طبعا إذا الواحد عايش لحالو أما إذا مع عيلة اختلفت الحسابات ............

آسف عالإطالة بس حبيت وضح كيف المعيشة بالإمارات لأنو في كتير بحولوا الراتب للسوري

وبلاقي كبير و بسافروا بعدين بيرجعوا فايتين بالحيط

rihan

5000 درهم بالإمارات     

تقريبا 60 ألف ليرة سوري

وكتير عاجبينك أخي الكريم

7000 درهم أنت تعيش تحت خط الفقر

8000 أنت فقير

1000 لا بئس



ليك صديقي 20  ألف سوري وأنت بسوريا أحسن من ال 60 بالإمارات

هي نصيحة مني بعد خبرة للأهل دامت 48 سنة

يعني اكيد القرار ما شمل المعاهد لانو المعاهد كل صيف عندها دورة.....بقى انو يصير عندكن اربع دورات بالسنة....بتوقع صعبة شوي



شو بدك تعملي الله بيعين




مجد

شكرا لكل من ساهم بالرد على الموضوع ,, بس حابة قول شغلة ,,,


أول شي ,, أنا بحبو للمعهد ,,, ومتل ما بيعرفو الناس المخضرمين بالمنتدى ,, كم موضوع كاتبة عن المعهد الهندسي ,,, ومزاياه ,,, والحملات المقترحة فيه ,,, طبعا باسم دلع القمر ,,,



تاني شي ,,,  وهو الأهم ,,, صحيح إنو نحنا في عنا دورة صيفية ,,, بس لا تنسو ,, إنو نحنا ما بيحقلنا نقدم مواد الفصل غير كل فصل بفصلو ,,, يعني كل مادة عم نقدمها مرتين ,,, أما الطلاب الجامعات بهالمرسوم ,,, صار بيحقلهم مرة تالتة ,,, نحنا انحرمنا من حقنا الطبيعي فيها ,,,



لولو

أنا قلت بيصل إلى5000 قصدي يبقى لما يصير في عندك خبرة4-5 سنين لأن أول  شرط في العقد  السكن و المواصلات مؤمن    المشكلة هي البداية و جحيم البداية اكيد الواحد ماله رايح يترفه