السلام عليكم

وكل عام وانتم بخير

يا شباب؟؟؟؟ بالله عليكم  نحن بحاجة إلى موقع الكتروني فعال يفيد طلاب كليتنا العزيزة

وهذا المشروع بحاجة إلى متطوعين من جميع السنوات ومن كل الاختصاصات ومن طلاب الماجستير أيضا

المطلوب شباب ملتزمين بمساهماتهم يعني اذا شب دق على صدرو لازم يستمر وما يقطعنا واذا بدو ينسحب لازم يأمن البديل

المطلوب متابعة أخبار الكلية بشكل جدي ومتابعة الاعلانات التي تنزل بالكلية ومتابعة صدور النتائج الامتحانية و و و و و ومحاضرات الكلية خاصة يلي بينزلوها الدكاترة على فلاشات و و و و ومشاريع التخرج
فنحن بحاجة إلى مشرف للموقع يدير شؤونه وطبعا في كتير طرق لتصميم المواقع بشكل مجاني ولن نزيد كاهل الطلاب أكثر مما يعانون

رابط موقع طلاب الكلية هو........

http://sites.google.com/site/studentsofagri/

لمساهماتكم ايميل الموقع هو

[email protected]


من أجل هذا من يجد في نفسه المقدرة رجاء يسجل اختصاصه وبأي سنة ويفضل من سكان مدينة دمشق أو من يستطيع النزول إلى الكلية بشكل دوري

ولله يا agri.mam حطيت ايدك عالوجع
نحنا باشد الحاجة لموقع خاص بكليتنا بحيث يوضع فيه
النتائج الامتحانية بشكل مغاير لشكللها البدائي الحالي 
ووضع البرامج الامتحانية و المحاضرات
وارجو ان تشارك ادارة الكلية و الهيئة الادارية في انشاء الموقع

بقى معقول كلية الزراعة في جامعة البعث الها موقع خاص وحتى موقع رائع
ونحنا بجامعة دمشق لسه عم نطالب بتنزيل النتائج 
و بجامعة البعث بيحصلو عالنتيجة بالرقم الامتحاني   (مو ملف pdf بستنا ساعة لينزل)


مشكور agri.mam وانشالله منلاقي مين يسمعنا
واي مساعدة انا جاهز


       

شكرا لمرورك أخي الكريم AnGeL911
بس ممكن أعرف شو نوع المساعدة يلي تقدر تقدمها بقصد انت جاهز ولا لأ؟

محمد ...

أخي وزميلي وحبيبي ... تحيتي الك بالبداية وكل عام وانت بخير ...

هلأ انا معك قلباً وقالباً بس في عندي كم سؤال وهنن

نحنا أساسا عنا موقع خاص فينا واللي هو هل الموقع ... هلأ صحيح الموقع فرعي عن منتدى الجامعة

بس منقدر نخليه ساحة خاصة فينا ... وهذا طبعا من خلال نشاطنا جميعاً ...

يعني شو استفدنا عنا موقع ... بس ما عنا ناس تشارك وتستفيد ..

النجاح بحاجة لسواعد لحتى تبنيه ... وهو ما بينولد نتيجة الصدفة ...

وانا كتير كتير حكيت ... يعني مثلا ...

الموضوع الخاص بتقسيم المنتدى ... ما حدا قرب عليه إلا من رحم ربي ..

وكتير مواضيع ... وبالنسبة للنتائج الامتحانية يعني ماحدا كمان عم بيساعدني

لانه لا يكلف الله نفساً إلا وسعها ... لولا مساعدة بعض الشباب كان الحال بالويل ...

لذا .. برأيي خلينا ننظر للموضوع بجدية أكبر .. ولحتى نتفادى الفشل ..

لازم نفكر بمنطقية وواقعية أكبر ونتصرف على هل الأساس

برحع بقلك أنا معك ... مثل ما بتعرفني طبعاً

والله الموفق ...

والله عطر الشام ما عم بقصر وهو أكتر واحد مهتم بالموضوع
بس المشكلة مافي تجاوب من الطرف التاني

أوك شباب

المهم أنو نبدأ

رابط موقع طلاب الكلية هو........

http://sites.google.com/site/studentsofagri/

وترقيوا التحديثات المستمرة

ما بعرف شو بدي قول ..

بس أول شي مشكورين على اهتمامكم بكليتنا و كيفية اتصالنا مع بعض طلاب زراعة وزيادة ثقافتنا الزراعية والمعرفية بشكل عام ..


وفعلا أنا شفت منتدى جامعة البعث .. بل أنا مشاركة فيه .. عنجد المنتدى كثير غني بالمعلومات .. والحلو فيو .. أنو كل شي جديد بكون على النت قبل ما يتعلق في الاعلانات .. في بعض الاحيان ..

ومن الجميل تواصل طلاب الزراعة في البعث مليئ بالاهتمام و والتواصل ..

أنا مو بصدد أمدحهم بقدر مو أنو نستفيد من تجربتهم في تشكيل منتداهم ... لتطوير منتدانا .


وماشاء الله على عطر الشام .. تعبو واهتمامو كثير واضح على هذا المنتدى ..

وطبعا وجميع الأيدي الأخرى المساهمة لها مني كل الشكر والاحترام


وبرأيي أنا كطالبة زراعة أنا يلي مقصر في هذا المنتدى .. وبصراحة العلة مو بالمنتدى لحتى نعمل واحد مستقل ..

بأسف على الاطالة .. وبتمنى أنو أفهم صح ...

         

اخي agri.mam انا بيتي قريب نسبيا عالكلية
واي خدمة انا جاهز

عطر طبعا بذل جهود جبارة لخدمة الطلاب من خلال المنتدى 
وبتمنى اذا انشأنا موقع خاص بكليتنا ان يكون بادارة حسام
ونحنا مو الهدف اقامة منتدى مستقل فقط بل نريد ما هو اهم
وهو المعرفة المستمرة باخبار الكلية من نتائج و قرارات و برامج
وبشكل موثوق و من دون تاخير  ولحتى نحصل على هالشي لازم 
وبرجع بكرر و بشدد على انو يكون الموقع مدعوم من  ادارة الكلية
وان نشرك المكتبة لتقوم باعلام الطلاب بالمحاضرات النازلة


ووفقنا الله لنقوم بما فيه خير لهذه الكلية(المنسية) و طلاب الكلية
وجزاكم الله عنا كل خير  

AnGeL911 

شكرا لاهتمامك الكبير عن جد أنا سعيد باهتمامك

ارجو ان ترس لي معلومات عن الخدمات يلي ممكن تقدمها برسلة مستعجلة