السلام عليكم:
أنا طالبة جديدة خلصت بكالوريا السنة وانشالله ناوية سجل رياضيات
بس حابة حدا يحكيلي عن الكلية و يشجعني شوي لاني خايفة شوي ( المواد , الدراسة , هي بشعة؟ حلوة؟ ,صعبة ؟ سهلة؟)
كيف جو هالكلية ..بس بدي تشجيع ما بدي حدا يحبطلي معنوياتي..لانو انا متفائلة فيها كتير كوني بحب الرياضيات وبحس حالي ناجحة بالتدريس.
وشكرا

بالاول اهلا وسهلا فيك


نورتي المنتدى


للاسف ما بعرف شي عن الريا ضيات

بس حبيت نال شرف الترحيب فيك

وبحب قلك ما دام انت مقتناعة


كلشي رح يكون تمام  لا تخلي شي ياثر فيك


والله يقدم اللي في الخير



منعطف النسيان

شكراً منعطف النسيان عالترحيب
بس معقوووووووول يعني مافي حدا من الرياضيات يرد عليي وخبرني عن الكلية  

أهلا و سهلا فيكي
أنا طالب رياضيات سنة أولى و خلصت السنة الأولى من كم يوم وإنشاء الله بترفع
شوفي شغلة إذا أنت بتحبي الرياضيات و عندك رغبة دخلي عليها و ما بتندمي فيها كتير شغلات حلوة و خاصة بالفصل التاني و لا تخافي من المواد , بيجوز تصادفي دكاترا ما تفهمي عليهم بس أكيد الكتاب و المحاضرات بيكوا حتى تنجحي و تفهميها , و لو حملت مواد بالفصل الأول (عادي) ممكن ترفعيهم بالفصل التاني
بس المهم يكون عندك شغف تجاه الرياضيات و إلا من هلأ لا تدخلي و تعذبي حالك ( يلي مو قدها لا يفوتها)
تقبلي مروري
موفقة إنشاء الله
أبو العز

صديقتي اذا عنجد عندك رغبة بالفرع لا تترددي ابدا

صحيح الفرع صعب شوي وغليظ بس بيستاهل

وصحيح رح تتعقدي اول شي بس عادي وبعدين رح تنبسطي كتير


فنصيحة فوتي هالفرع وعلى مسؤليتي
سلام من صديقتك نيبو سنة اولى حاليا" بعد اسبوع بيبين اذا بصير تانية ولا لا فادعيلي
مابدي غير مادة وحدة

شكرا نيبو ومعاذ
انبسطت كتير بالردود تبعكون ..وانا من جهتي بحب الرياضيات وان شاء الله بنجح فيها
وموفقة  نيبو  بامتحاناتك..

قبل كل شي بدي رحب فيكي بكليتك كلية العلوم
وبعدين بدي قلك أنو إذا دخلتي هالفرع بدك أول شي تتحملي سآلة الدكاترة
طبعاً مو الكل في منهم إذا بينحطو عالجرح بيطيب
                                       

هلأ انا مابدي أحكي كتير عن هالفرع حتى ماخوفك
بس كل يلي بدي قولو  أنو اختيارك للرياضيات كان بمحلو
طبعاُ في فرع تاني أخف بشوي صغيييييييييييييرة من الرياضيات
هو الإحصاء الرياضي وأنا طالب سنة تانية فيه
                                     
وبأكدلك إخر شي إنك إذا دخلتي رياضيات حتعشقيها أكتر من الأول

                  وإنشالله بالتوفيق 
 

شكرا عمار..
كتير اتفاءلت بالرد تبعك

بس عندس استفسار صغير ..(هو بكير شوي بس حابة اعرف)
يلي عم يتخرجوا رياضيات عم يلاقوا شغل ولا عم يعلقوا الشهادة عالحيط ويستنوا الفرج..