بدي احكيلكن قصة عن برودة الأعصاب
كان في أمير عربي قديم اسمو معن بن زائدة و كان بارد الأعصاب كتير كتير 
بيوم من الأيام حب واحد من أعدائو أو مبغضي انو يجاكرو فبعتلو واحد أعرابي بيتقن الشعر   
راح هالأعرابي لعند معن و قالوا :
أتذكر إذ لحافك جلد شاة                و إذ نعلاك من جلد البعير
فقالو معن : أذكر ذلك و لا أنساه
فقال الأعرابي:
فسبحان الذي سواك ملكا            و علمك الجلوس على السرير
قال معن : سبحانه و تعالى
ردعليه:
سأرحل عن بلاد أنت فيها              و لو جار الزمان على الفقير
قالو معن :إن بقيت عندنا فأهلا وسهلا وإن رحلت عنا فبسلامة الله
رد:
فمر لي يابن ناقصة بمال              فإني قد عزمت على المسير
فأمر له بما يكفيه للسفر من مال ويزيد
شو رأيكن ؟
بردو أعصابكون انتو كمان و لا تضوجوا قوام ماشي
بس لا تبردوا أعصابكم عن كتابة المواضيع يا عيلة المدني بدنا مواضيع جديدة  كل يوم ليش هالنعس هاد و ازا في دوام يعني  شكرا لمروركن  

يعني شو ستفاد ما بعرف

فوق ما اكل بهدلة من الاعرابي .. كمان خسر عليه

بس و الله انا ما بحب برودة الاعصاب نهائيا ... مع انو هدول اكتر ناس مرتاحين

قولتك ببرد اعصابي و بخسر مصاري و لا بخسر صحتي


شكرا مرسيدس على هالقصة الرائعة

برودة الاعصاب


أولا شكرا إلك على القصة ,,,,,,,,,, 

بس انا بخالفك بالرأي على موضوع

اقتباس

بردو أعصابكون انتو كمان و لا تضوجوا قوام ماشي

برأيي الشخص مننا لازم يكون حكيم نفسه

ويشوف الموقف والشخص يلي أمامه اذا بيعنيلو ولا لاء
يعني على قصتك هي انا لو كنت مكان (( معن )) بعمل نفس الشي
لانو معن باسلوبو هاد غاظ الاعرابي كتير ,,,,,, وهاد الحكي يلي بيجي بالفحص   

أما في مواقف الواحد ما بيقدر يبرد اعصابو فيها وخاصة اذا بدرت من المواقف من شخص عزيز على القلب

(( أنا بحب أحكي الامور بعد تمثيلها على حالي ,,,,,    فلا تقولو بيحكي عن حالو كتير ))

يعني بتزكر حالي بأيام المدرسة كنت من النوع يلي      طول الوقت

بس بالسنة الاولى من الجامعة صرت     

لحتى اجى الوقت يلي صرت فيه       
لانو صار معي ضغط شبابي                 

بس بالنهاية     

اتخذت قرار انو لا لحرق الاعصاب بعد اليوم      ,,,,,,,,,,

والحمد لله هلق صرلي 5 شهور ما اخدت دوا الضغط ((( ولله الحمد )))


يعني برأيي الواحد يكون معتدل

مو بارد اعصاب متل الخنزير
ولا    متل ديك الحبش

,,,,,,,,,,,,,, 



شكرا على قصتك أنا فهمت الفائدة منها ,,,,,,,,,,,,,,,, 

أبو النور

شكرا مرسيدس كتير على الموضوع ......
بالنسبة إلي ...أبرد من أعصابي ما بظن تلاقي .. ....
يعني آخدة شهادة الآيزو العالمية ببرودة الاعصاب ......     .
وإذا واحد حمق كتير     و دمو  حامي        و حبيت أني أتبارد  عليه  فالنتيجة الطبيعية هو أنو يصاب بارتصاص الكريات الدموية ...يعني الجلطة...    
وياما أيام المدرسة صاير بيني وبين أقرب رفيقة إلي بوقتها من ورا هالشي مشاكل كانت تحل بأني قلها أنا هيك ...
طبعا أنا ما عم بحكي أنو ما عندي مشاعر . أو إني ما بتفاعل مع الناس لما بيشتكولي عن شي.....لأ أنا مو هيك ....
.بس القصة لو بتجيبي كل مفاجآت الدنيا وتحاولي تعصبيني بكل الوسائل ما بعصب....أختي انا هيك شو بدي ساوي..    
وبالنسبة للقصة في إلها كفاية وهية أنو هالشخص يلي حاول يعصب معن استسلم بالاخير وقلو أنو هالكلام كلو كان بغرض أنو يعصبو وعلى ما أظن كان متراهن مع حدا على تعصيبو.....
وشكرا كتير ......وآسفة عالإطالة........و تقبلوا برودي......  

ولله برودة الأعصاب نعمة .... و الله يهني صاحبا ....


مشكور تقبل مروري!!!


im kind of a big deal

شكرا الكون كتير على تشريفكون وردودكون  
بس أبو النور ما فهمت ازا عم تمزح ولا لأ , عنجد بتاخد دوا للضغط  
ازا عنجد سلامتك و ماعقلبك شر  

   

          انا برايي في مو اقف لازم يكون الواحد فيها اعصابو باردة واحيانا
  لازم يكون معصب      والامام الشافعي قال((من استغضب فلم يغضب فهو حمار))
  وانا برايي يلي ساوى معن بن زائدة صحيح لانو برودة الاعصاب      بتكون احسن حل
  لا غاظة بعض البشر يلي     روح قلبون يغيظوا الناس

اقتباس

بس أبو النور ما فهمت ازا عم تمزح ولا لأ , عنجد بتاخد دوا للضغط  
ازا عنجد سلامتك و ماعقلبك شر  

   
 


شو عمبمزح لاء ما عم بمزح ,,,,,,,,,, (((كنت ))) اخد دوا بس الحمد لله تركتو


شكرا على اهتمامك