هل من الممكن أن نعرف ايجابيات و سلبيات المواد المؤتمتة فنعرف ان الاتمتة سهلة التصحيح و سريعة و لكن هل يحدث أخطاء في التصحيح أم لا ؟؟؟! أفيدونا بذلك زملائنا الطلبة الاعزاء ثم لا يوجد كتابة في الاتمتة فما عليك الاحمل قلم رصاص و ممحاة و تغمض عينيك و تجاوب على ستون او سبون سؤالا و تسود المربعات الجاهزة للتسويد و الاجوبة جاهزة متشابهة الا ما رحم ربك و عرفت انها الجواب الصحيح اذا كان هذا باستطاعتك ان تفكر و تختار الجواب الصح ثم هل الاتمتة دليل على ثقافة الطالب الفكرية و الدراسية ..؟؟؟! و هل المدة الزمنية (ساعة واحدة ) كافية للاجابة على سبعون سؤالا ...؟؟؟! و الله انا برايي الاسلوب الفرنسي (النظري ) أي الكتابي افضل بكثير من الاتمتة باعتبارها يجعل الطالب ان يشارك في الكتابة و اعطاء رايه على الاجوبة و لو انه هناك صعوبة بمكان لتصحيحها بسبب العدد الهائل للطلاب في الكلية و لكن لها ايجابيات كثيرة بالرغم من وجود بعض السلبيات و لكن اخوتنا الطلاب و زملائنا ... هل هناك طريقة أخرى و أسلوب أنجع و افضل وسيلة لاظهار ثقافة الطالب و مشاركته في حل الاجوبة ..؟؟؟ كوجود أسئلة عملية مثلا او شفهية .....هذا الموضوع هام جدا بانسبة للدكاترة و الطلاب  فشاركونا فيها

هلق بصراحة شباب أنا ضدد الأتمتة بالقطعية المطلقة مابأيدها وانشالله بضل عميدنا رافضها عنا بالحقوق على طول


ولكم مني جزيل الشكر


تقبلوا تحياتي وشكري


رامي

انا مع الاتمتة لانها  اسهل بكتير بصراحة من الكتابي بصراحة  لانو بيسهل كتير النجاح و تقبلو حيات جومانا
ميرسي ل صاحب الموضوع

أخي محمد
بالنسبة إلي حسيت سلبيات الأتمتة أكتر من إيجابياتها
يعني من فترة قدمت امتحان 100 سؤال بساعتين
وتمنيت يكون عندي حرية اكتب حسب وجهة نظري
يعني برأيي لو يكون نظام الاسئلة عادي كان صار إبداع اكتر
بطريقة الإجابة

تقبل مروري  

السلام عليكم
بالنسبة لطالب أدب انكليزي متلي فأنا ضد الأتمتة بكل المواد لازم يكون في كم مادة كتابي و ذلك بسبب ما تسببه من ضعف المستوى عند الطالب و خاصة القدرة على الكتابة سواء من ناحية الإملاء أو القواعد و حتى كتابة موضوع مع العلم أنه يوجد مادة ثابتة على مدار السنوات الأربعة تعلم كيفية الكتابة ثم يدخل الطالب و بشخبر على ورقة الاجابة بدون أي تكلف

الحقيقة لكل من الأسلوبين إيجابياته و سلبياته

في الأتمتة نكون قد تخلصنا من تحكم الدكاترة لكن ذلك يؤثر مستقبلاً

كوننا لا نكتب كتابة علمية أو أدبية

فكثير من طلبة الماجستير يجدون صعوبة بالغة في كتابة رسائلهم

أما الأسلوب الكتابي من مشاكله أن من الممكن أن يأتي الدكتور

بسؤال واحد فقط من كل الكتاب و تكون لم تدرس هذا الجزء فهل في

هذه الحالة تستحق الرسوب!!

كما أننا جئنا بأسلوب الأتمتة بشكل غير كامل

ففي الجامعات الغربية تكون علامة الفحص النهائي لا تتجاوز أحياناً

ال30%!!

أما بقية العلامات موزعة على طول الفصل على الواجبات و الفحوص الأسبوعية

أعتقد أن الفحص يجب أن يكون موزعاً بين الكتابي و المؤتمت

يعني الأسلوب هاد له ايجابيات وسلبيات

ايجابيات سهولة الاجابة لمن يحفظ بصم


أما بالنسبة للتصحيح فأكيد ما في غلط بالنص

الحمد لله نحن عنا في كم مادة مأتمتة  بس شو

نظامها
الغلط يلغي الصواب

اذا بتعرف حل ما بتعرف لا تحل



فهي الطريقة يمكن أحلى
شو رأيكم


لكم تحياتي

العكيد أبو يامن   

المواد المؤتمتة شغلة كتير مهمة وما بصير فيا ظلم ومدة ساعة هي وقت كافي
بس فيك تجيب معدل احلى بالمواد التقليدي

أنا مع نظام الاتمتة ولكن هناك بعض السلبيات وهي ضيق الوقت وطول الاسئلة

اخي محمد شكرا لك على الموضوع المهم فعلا 

بصراحة انا مو مع الاتمتة وخاصة لطلاب اللغات

مثلا طلاب الادب الانجليزي كل موادهن مؤتمة لحتى انو هلالشي عم يدفع كتتير من الطلاب يدخلو على قاعدة الفحص دون دراسة او حتى تحضير على مبدا يا بتصيب يا بنتخيب 

هذا غير انو بحس فيها تعطيل للعقول 

لانوبالاصل طالب اللغة لازم ياتقنها كتابة وقراءة ووخاصة انو فكرة التهجئة باللغة الانجليزية مهمة كتتير


وبصراحة في شغله ما عم تفوت بمخي انو بالادب الانكليزي في مادة اسمها انشاء   

يعني كتابة مواضيع شلون عم يكتبو موضوع ماتمت ما فهمت  


وطبعا بينطبق الكلام على الفرنسي عنا الترجمة مؤتمة بالفصل التاني بس بالاول كتابة

بس فعلا طريقة فاشلة لانك ترجم نص وخاصة لما بيحطلك الدكتور خمسة صح وبدو الاصح وطبعا اذا بلشت غلط رح تكمل غلط     

بس نحنا مو كل المواد عنا كم مادة وبس  

شكرا لك مرة تانية