.شكرا كتير أم محرقصة ..قصة حلوة كتير.......

بالنسبة إلي الصدق أهم شي بالشخص يلي عم عاملو  مهما كان نوع العلاقة.....وإذا كانت هي القصة مرقت وراحت بدون ما تنكشف بس مو كل مرة بتسلم الجرة.....يعني لو كنت بدالها لهالبنت هي وحصل أني اكتشفت أنو كان عم يكذب.....بتعرفي شو كنت عملت؟؟؟؟
يا ستي كنت ........





كنت.........





كنت........




انزعجت كتير  .ما رح قول نزل من عيني ..لأني  بنفس الوقت رح كون مقدّرتلو هالموقف كتير....لأنو لو ما بالغ فيه الحب أعلى الدرجات ما كان وقع بهالموقف....لا واتحمل طعم القهوة المالحة كل هالعمر من غير ما يتذمر......بس هالقصة وضع خاص ونادر....
يعني الكذب ما بقبلو بأي شكل.......


وأحلى فنجان قهوة ........حلوة..........
بهديه لعيونك.....          
بس ما تكوني ما بتحبي القهوة......أنا بموت بالقهوة......

قصة كتييير حلوة ومؤثرة أم محرقصة    ;
أكيد الكذب ما بيجر وراه غير الكذب

والكذب مالو ألوان على الإطلاق

لا كذب أبيض ولا كذب ملون
الكذب كذب
تقبلي مروري

حبيبتي ميمي .أم محرقصة.

بتذكر هي القصة انتي حكيتيلي ياها وصراحة ما همني بكل القصة الكذبة بقد ما

همني انو هاد الرجال تحمل القهوة المالحة كل الوقت كرمالها بدليل حبو الها

وأنا برأيي انو عمو بيحكي من موقعو هو ولو أنا بمكانو بقول متلو

ما بني على باطل فهو باطل

يعني هي الجملة كتير حسيت انها كبيرة ع هي القصة

ورأيي من رأي paradise angel لأنو حرام بجد تحمل

مع حبي لك

شكرا لكل يلي ردو وشاركوني  


مجد
انا كمان متلك بحسبها كتير ( هي اتفقنا بشي ) وبفكر بالشغلة من كل جوابنها قبل ما اعملها حتى انو في رفيقة بتقلي اني معقدة من كتر ما بفكر بنتائج الامور ( نيمو اكيد عرفتيها صح؟؟؟)

بس بالقصة هوا ما كزب ليكسب استعطافها هوا كزب لانو نحط بموقف محرج كتير وما قدر يطلع منو بغير هالطريقة



عايف
( اختصار لانو اسمك طويل لكن بس انا يغيرولي اسمي )
معك حق الكزب بشع وعواقبو ابشع بس مو دايما يعني ما بتسمع غنية ( كزبك حلو )



زين
بجوز الوفاء رح ينقرض بس تاكد انو لسه موجود ونحنا لازم ندور عليه بقلوب الناس


كابتن
يسلملي الحساس
وموضوع انو تفشل العلاقات بسبب الكزب هوا بجد يلي بخوفني وخصوصا ازا كانت كزبة غير مقصودة متل القصة


وشو مشانك ابو النور
قلتلي بدك تحرقصني لكن
ايه انت حر انا بحرقص بلد وما بتحرقص ( لاتصدق )
ومشان ( ليكون ) يا سيدي ايه كان ومازال يكون كمان

عم بستنى رايك بصراحة اوك بلا غلاظة


Sunset
شكرا كتير الك معك حق بكل كلمة


EngKey
طبعا فيك تناديلي ميمي يعني مجد طلع الاسم عليي ومشي الحال
بس بابا ما بيشتغل محامي
وانا معك تماما من كزبة لكزبة بتفرق


حبيبتي ملاك
اول شي يسلمو عالقهوة يعني بصراحة ما بحبها كتير بس في حال غياب النسكافية بشربها
وصحيح الكزب بيزعج بس صدقيني احيانا بجد بكون غير مقصود ونحنا لازم نسمح الاشخاص الغالين علينا طبعا بس ما يزيد الامر عند حدو



خالد
في كزب الله حللو يعني مثلا لو بدك تصلح بين تنين عادي لو كزبت شوي
اما من ناحية انو الكزب ما بجر وراه غير الكزب فمعك حق تماما


نيمو حبيبتي
بجوز قلتلك هالقصة قبل لاني كتير بحبها
ويلي قلتيه هوا يلي بدي اوصلو
يعني ما بصير نتزكر كزب الشخص وننسى كل شي حلو عمللنا اياه


وشكرا للكل

لك شو هالقصة يا ميمي والله وجعني قلبي على هالشب لانو القهوة بسكر موطيبة كيف بملح ولي
ليكي أنا الكذب عندي ممنوع تماما بس والله بينضربلو تحية لهالشب
ويسلمو أناملك  الحلوين 

أنا هالقصة اول مرة بسمعا
وشو هذا الشب يلي عم يستعطف بنت بدموعو انا بعرف انو البنات بيستخدموا هذا السلاح وبغض النظر عن الرجولة انا بحاول ما كذب وانا ما بسامح يلي بكذب علي لانوا صارت معي هيك قصة من خلال وحدة قالتلي عن حالها انو يتيمة الاب وانوا امها (حبت) واحد وهربت معوا وبعدين اكتشفت انوا كانت عم تكذب والقصة فلم هندي بس ما عرفت شو هدفها من الكذبة اكيد مو الحب؟
وبالرجوع لقصتك انا متاكد انو هيك شب لو انو ذكي كان لفت نظر البنت بسهولة بس بشي بميزو وما حدا منا ما عندوا شي بيميزو عن غيروا
وانا بتوقع على سبيل الطرفة انو هذا الشب نال جزائه لانوا اكيد وفاته كانت بسبب ارتفاع نسبة الأملاح بدموا وهيك ظلت الكذبة بدمو طول عمروا ومات بسببها 0
تحيةالك:
ام محرقصة


تحية ل (The Dark Dragon)و(واحد عايف حالو)و(zen)

                    تقبلي مروري


                                    مع تحيات الفاتح

لا مجد يسلمو ما بدي هالعلامة المسجلة اساسا هالاسم كلو مو الي حضرتك لزقتو فيي لزق

جوسلين والله معك حق اساسا ما عاد يوجعنا قلبنا الا عالقصص الخرافية لانو بالحقيقة ما عاد حدا مستعد يضحي كرمال حدا

اما شو يا فاتح بجد فلم هندي
انا بقلك هي فكرت وقالت يا اما بتستعطفك وبتكسب حبك وان ما مشي الحال بتكون تسلت شوي وعاشت بالافلام
سالني انا عاملة هيك افلام كتير( عم امزح طبعا مو تصدقو)

و تحليلك لموت الشب مهضوم كتير هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه