مرحبا أناعضوجديد بالمنتدى أريدالمساعده لأني مقيمه خارج القطروسوف أقدم امتحان الفصل الثاني بدي حدا يجاوبني بالنسبه لمادة المدنيه س3 ف2 هلق أناعندي محاضرات السنه الماضيه بدي أعرف إذا تغير شي بالنسبه للماده هي السنه يعني نفس الدكاتره ولا لا ونفس المقرر لما في تغيير...مع جزبل الشكر للي عنده جواب

اول شي انا عندي هل المادة كمان وانا سنة رابعة وباقيلي 7 مواد للتخرج  وانا ولا مرة قدمتها لاني كنت عم اجلها  هاي من جهة ومن جهة تانية كانت السنة الماضية كتير كبيرة يعني كان ملخصها شي 340 صفحة من عند عرفة  طبعا لانو كان دكتورها الكلب ابو العيال(نظري)  ومعو موسى متري على العملي  - اما بالنسبة للسنة فتغيرو الدكاترة فصار جمال مكناس (نظري ) ومحمد واصل (عملي) وانا براي انو هيك احسن لانو من سنتين كان جمل مكناس وكان ملخصها حوالي 150 صفحة فقط  وكان يعطي علامات يعني يلي دارس المادة بيطالعها مو متل ابو العيال (الله لايوجهلو الخير) المهم لحد الان صار نازل محاضرتين من عند عرفة وعدد الصفحات 37 صفحة  ولاحظت انو مختصر على هوى السنة الماضية  يعني خلص الشهادة وانتي اذا عندك محاضرات السنة الماضية فيك تقارني -يعني السنة الماضية كان شي 65صفحة لعند الشهادة  واذا بدك شي كمان انا جاهز
تقبلي تحياتي (طارق)

انا برحب فيكي كعضوة جديدة بس للأسف مابئدر ساعدك لأني مو من الحقوق


موفئة واهلا وسهلا فيكي معنا

شكرا إلك عالرد والاهتمام وأناقرأت موضوعك ياللي بتذكر فيه موادك..أنا كمان سنه رابعه وبدي اسألك عن الإداره العامه وتنازع القوانين والتبعيه إذا تغير فيهم شي الدكاتره أو المقرر...وبالنسبه للتشريع الضريبي عندي ملخص الأنوار 75صفحه برأيك بيمشي حاله ولا.لا....عذرا ع كل هالأسئله بس لأني بعيده عن كل الجو ...وشكرا مره تانيه

سلامات بالنسبة للتنازع فدكتورها هوي فواد ديب و وفاء فلحوط صار نازل لحد الان شي 56 صفحة بس مو صعبين كتير  وبتم اهون من الجنسية لانو اتمتة ودكتورها اهون من احمد عبد العزير دكتور الجنسية _______****** بالنسبة للادارة صار لحد الان 16 صفحة ودكتورها نجم الاحمد وكمان مادة ظريفة لحد هلق ما بعرف بعدين شو مخبة ___________ اما التشريع الضريبي صار نازل 3 محاضرات وصفحاتهن 18 صفحة وحسيت هل المادة بدها بصم لانو  بتهوي وطبعا بدك اول شي تقريها شي مرتين بعدين تحاولي تحفظيها لانو سمعت انو دكتورها محمد الحلاق كتير صعب وبعدين بجيب من نص لفقرة السوال طبعا مابدي شائمك بس هيك سمعت  وبانسبة لملخص الانوار ما بعرف لانو انا جديد بالرابعة واذا بدك بسئلك بس انا بحب عرفة اكتر لانو ثقة  واذا بد ك شي تاني انا جاهز

بدي اشكرك مره تانيه عالرد وإنشاله الله بيوفقك وتفرحنا بخبر تخرجك ...بتستاهل كل الخير