زملائي ...لو بدي قدم على ماجستير

لو عندكون فكرة فيدوني اذا في امتحان لازم اعملوا او بدهن معدل معين؟؟

يعني الترتيب العام

في اختبار لغة بالمعهد العالي للغات  ، ولازم معدل التخرج جيد على الاقل

و في اختبارات بتصير بالكلية للتقديم عالماجستير وبتكون علامته من 100

بتنقسم علامة الاختبار  على 2  وقيمة المعدل على 2 وبينجمعوا مع بعض بيصيروا من 100 والطلاب ذوي العلامات الاعلى بينقبلوا  ، وألف مبروك عالتخرج

الله يبارك فيك شكرا للمعلومات...

أنا مقدم على فحص اللغة من سنتين .. و ناجح بس ما أخدت الوصل ... لازم عيد الفحص ؟؟ من أول و جديد ..

العفو اخت ماسة نحنا بالخدمة

اخ mar0000 حسب معلوماتي انه صلاحية نتيجة فحص اللغة هي سنتين ولكن بالنسبة للوصل ماعندي فكرة وبظن انه تنزل على معهد اللغات وتسأل بيكون أفضل :)

مدة صلاحية فحص اللغة للماجستير ثلاث سنوات و ليس سنتين

أما عن وثيقة النجاح في فحص اللغة بالإمكان أخذها من المعهد العالي

للغات  و تصوير نسخة عنها  , تحتفظ بالأصلية و تقدم النسخة لإدارة الكليه

تقدم الأوراق المطلوبة كل حسب اختصاصه و كليته و هي :

1- وثيقة النجاح في اللغة الانكليزية أو الفرنسية

2- الإجازة الجامعية أو إجازة دبلوم التأهيل التربوي و الأفضل أن تقدم الإجازة

ذات المعدل الأعلى لمساعدة الطالب على القبول في الماجستير بنسبة أكبر

3- صورة عن الهوية الشخصية + طابع مالي

4- استمارة أو مفاضلة التسجيل للماجستير و هي تقدم مجاناً من الكلية

5- يبدأ التسجيل عالماجستير في شهر 7 بدمشق و شهر 8 في حلب


بالنسبة للفحص المعياري :

الأسئلة شاملة لما درسه الطالب في حياته الجامعية من مواد مختلفة

لكن التركيز يكون على بعض الكتب أكثر من سواه

تقوم ادارة الكلية بوضع اعلان عن أسماء الكتب  الواجب دراستها قبل

الامتحان بأسبوعين

طبعا هذا الوقت لا يكفي للدراسة نصيحتي للطلبة بدراسة الكتب ذات

الاختصاص الدقيق للقسم , و عند نزول أسماء الكتب فعلياًّ تكون بمثابة

مراجعة فقط


حدث في بعض الكليات إلغاء الفحص المعياري و التقدم بناء على معدل الطالب الأعلى في الإجازة

هاد الحكي السنة الماضية أما هالسنة بجوز اضل القرارات على ما هي عليه أو يطرأ تغيير
الله أعلم




دعواتكم

السلامعليكم 

دايسين بساطكن يا جماعة الهمك وبدنا المساعدة ....

والسؤال هو لايمتا بضل التسجيل على الماجستير مفتوح ... علما اني رحت وسألت عن اختبار اللغة ... فقالولي انو أقرب امتحان بالشهر التاسع ... فهل بضل تسجيل الماجستير مفتوح الى ذلك الوقت ....

وعليكم السلام ورحمة الله  ، اهلين باخي علي

يمكن قصدك بالتسجيل .. التسجيل للامتحان المعياري ، على كل حال شوف هالرابط عليه كل شي بدك ياه ، مع ملاحظة انه الكلام الموجود للسنة الماضية وبينطبق بنسبة  99 % منه عالسنة وبالتوفيق سلفا

http://www.damascusuniversity.edu.sy/home/ann/1310-%D8%A5%D8%B9%D9%84%D8%A7%D9%86-%D9%84%D9%84%D8%B7%D9%84%D8%A7%D8%A8-%D8%A7%D9%84%D8%B1%D8%A7%D8%BA%D8%A8%D9%8A%D9%86-%D9%81%D9%8A-%D8%A7%D9%84%D8%A7%D9%84%D8%AA%D8%AD%D8%A7%D9%82-%D8%A8%D8%AF%D8%B1%D8%AC%D8%A7%D8%AA-%D8%A7%D9%84%D9%85%D8%A7%D8%AC%D8%B3%D8%AA%D9%8A%D8%B1-%D9%81%D9%8A-%D9%83%D9%84%D9%8A%D8%A7%D8%AA-%D8%AC%D8%A7%D9%85%D8%B9%D8%A9-%D8%AF%D9%85%D8%B4%D9%82-%D9%84%D9%84%D8%B9%D8%A7%D9%85-%D8%A7%D9%84%D8%AC%D8%A7%D9%85%D8%B9%D9%8A-2011-2012

الله يسعدك أخي طارق ... بالفعل رابط شامل وكامل ... شكرا جزيلاً

وبكرا إذا مشي حال التسجيل الك مني حلوان مدلل ... ^_^

شو ناوي تكمل  الدراسة بالهمك

على كل حال الله يخترلك اللي فيه الخير وتحقق الي ببالك .. وزكرني زكرك بالحلوان