لوسمحتو..انا طالبة بيولوجيا سنة اولى واكيد بتعرفو شو يعني سنة اولى لانو متل مابيقولوا ..كل شي باولو صعب...خاصة انو عنا الواحد بيتأسس تمااام بالمدرسة الحمد لله...
هلأ انا بحب العلوم وكتيير بتهمني مادة الوراثة بس المشكلة عندي كم استفسار ..واكتر واحد بحتاج تجاوبوني عنو هو  عن الشكل يلي بتاخدو لمادة الوراثية خلال دورة الخلية يعني ايمتى بتكون كروماتين منتشر بانحاء الخلية؟؟ وايمتى بتكون دنا خيوط مفردة ؟؟ وايمتى منقول عنها صبغي وايمتى الصبغي عبارة عن سيستر كروماتيد وبياخد الصبغي شكل ×…وهل هو متضاعف بهالشكل الاخير وليش دايما بيعبروا عن شكل الصبغي بـ× اذا كان بياخد هاد الشكل بس لما يكون متضاعف؟؟؟
بليييييييييييييييز الله يوفقكم...اي حدى فهمان بالوراثة وشطووور يحاول يجاوبني لاني ماقدرت احصل عالجواب الي بدي ياه من خلال التصفح العادي
بليييز اي معلومة بالوراثة لاتقصروا فيها...بلييييز لاتخيبوني...وبعتذر اذا عذبنكم معي!!!
∩__∩
وشكرا

يا مرحبا فيك golden girl ...

معك حق العلوم كتير حلوة ، وببشرك بدام حاببتيها فبإذن الله رح تفلحي فيها ، وهي عقبات صغيرة مايهمك مع الإيام بتتجاوزيها ،، هلأ بالنسبة لإستفساراتك ، فأنا كان عندي معلومات لكن أنا هي المادة بالذات مادرستها وماكتير احضرتلها،، لهيك سألتلك طلاب متمكنين نوعا ما من المادة فكانت اجاباتن :


بالحالة الطبيعية للخلية بيكون على شكل خيوط كروماتين

ولما الخلية بدها تنقسم بيتحلزن على شكل صبغيات

والشكل x كمان بتاخدو اثناء الانقسام والهدف مضاعفة الصيغة الصبغية مشان الحفاظ على العدد الصبغي


بتمنى كون فدتك بهالمعلومات ،، وتمنياتي إلك بالتوفيق ^ـ^

يسلموووو هالايدين ...عذبتك معي!!!
عنجد شكرا لاهتمامك ....واطمني فدتيني اكيد..
يعني عطيتينيي معلومة حلوة واجابة لقسم منيح من تساؤلاتي
لانو الصراحة تساؤلاتي بالعلوم بحااااار ...وخاصة بالوراثة...ومستحيل تنتهي
بس الله يجزيكي الخييير
قليلي...كفو لسؤال تاني؟؟
اذا فيها احراج او تعب بلااااها ...امانة
هلأ انا بس عندي فضول اعرف...انتي سنة تانية ولا شو...بقصد كيف مواليدك 91 ؟؟
Π__Π

الدكتورة  غالية قال بتتواجد الاربعا والخميس فيكي تسالي عنها وتشوفيها بتجاوبك على كلشي

يالله !!!!!! عنجد شكرا
بس مين بسأل عنها!!؟؟؟
ما عندك فكرة باي ساعات بتكون موجودة !!
بعدين الصراحة انا كتيييير خجلانة منها لانو خلصنا الوراثة من زمان ....يعني يمكن فات اوان سؤالها!"
مابعرف ...شكرا عكل حال ..وانا بحاول شوفها انشالله
^_^

يالله !!!!!! عنجد شكرا
بس مين بسأل عنها!!؟؟؟
ما عندك فكرة باي ساعات بتكون موجودة !!
بعدين الصراحة انا كتيييير خجلانة منها لانو خلصنا الوراثة من زمان ....يعني يمكن فات اوان سؤالها!"
مابعرف ...شكرا عكل حال ..وانا بحاول شوفها انشالله
^_^

golden girl

^ـ^ مافي عذاب ..


أما عني فأنا حالياً لازم كون عم داوم التالتة ،، لكن سبب تأخري سنة هو اني بعد البكلوريا ضليت سنة برا سوريا ، وحالياً مشان المشاكل كمان راحت هالسنة لأني برا البلد‏      

ومع اني بحب الدراسة كتير وشاطرة فيها ، بس سبحان الله هيك عم تسير الظروف‏      

ممم...الله يكرمك يارب وترجعي وتقدمي ونشوفك احلى دكتورة بالجامعة كمان..
هو الظروف هالفترة صعبة عالكل الصراحة...ونسبة كبيرة من الناس برا البلد وحتى يلي جوا مقدمين طلب تاجيل ..
الله يفرج احسن شي
وانشالله ربي مايضوعلك تعب ...عنجد انك مبينة ظريفة ..والحقيقة كنت حابة شوفك بالجامعة..واتشرف بمعرفتك اكتر...عكل حال اذا بتحبي انا اسمي عالفيس golden  meme  وصورتي الشخصية وردة زرقة!!!

وللجميع اذاااا سمحتوا..عندي سؤال بالوراثة كمان...
قال عند الاناث فيهx x  الصبغيات الجنسية..
وعند الذكور فيه x y 
وبما ان الصبغي y  خامل وراثيا فالمفروض يكون عند الانثى ضعف البروتينات والهورمونات يلي عند الذكر
بس هالشي مابيحصل عمليا لانو بيصير تعطيل للاحد الصبغيين x  عند الانثى
......
وبنفس الوقت لما بيصير لما بيكون فيه انثى مصابة بطفرة او مرض مورثي وبيكون عندها زيادة او نقصان في الصبغي  x  عم تكون مختلفة عن الاناث الطبيعيات رغم انو الفرق عم يكون بزيادة او نقصان صبغي × معطل...وهاد بيدل على انو تعطيل الصبغي الآخر × غير كامل اي هناك مورثات محمولة عليه قد تستمر في العمل طول العمر..

والسؤال هو ....هل المورثات العاملة من الصبغي المعطل عند الانثى  تسبب زيادة بالهرمونات والبروتينات عنها في الذكر!!؟؟
اقصد ان المورثة العاملة على × المعطل ومقابلتها العاملة على × النشيط عند الانثى يجب ان تؤديا الى تاثير مضاعف لتأثير نفس المورثة الواحدة المحمولة على ×  الذكر
...ولكن هذا لا يحدث فكيف ذلك!!!؟؟؟

الله يسلمك يارب ^ـ^ الله كريم ، ومشان صفحتك دورت عليكِ بس مالقيتك ..

بالنسبة للمهم ،

عند الأنثى صح يوجد صبغيين x ، لكن ليس أحدهما خامل ، إنما أقل فعالية من الصبغي x الآخر ، بمعنى أن هناك أحد الصبغيين x من تطغى مؤثراته ، لكن لا يعني هذا أن الصبغي الآخر ليس له تأثير ، إنما أقل ..

وكذلك الأمر عند الذكر ، حيث الصبغي y ليس خاملاً ، بل هو المسؤول الأساسي عن تحديد الصفات والهرمونات الجنسية للذكر ، والصبغي x له تأثير لكن قليل وليس من هو له الفعالية ..

أما بالنسبة لسؤالك ، فهو غير واضح نوعاً ما ، لأن الهرمونات المنتجة في جسم الأنثى "لا تُقارن" بكمية وماهية الهرمونات المنتجة عند الذكر ، فالكمية والنوعية مختلفة عند النوعين ..