أنا طالب جديد جمعت علامات منيحة بالباكالوريا واخترت الحقوق لاني بحبها وكلهن نصحوني فيها بس في ناس قالتلي ماادخلها بسبب صعوبتها وتعقيد دراستها.

طيب اسئلتي:

كيف الدراسة بالكلية صعبة ام متوسطة الصعوبة؟

وشو مجالات الحقوق اللي بتميزها عن غيرها؟

ومن اي سنة بتبدأ الصعوبة بالدراسة؟

يعني بتمنى تجاوبوني على هالاسئلة وكل شي بتحبو تضيفوه من ايجابيات وسلبيات بكون ممنونكن.. ومشكورين سلفا.

أهلا و سهلا فيك زميل و مبروك انضمامك لركب طلاب كلية الحقوق  ..

الدراسة مانها صعبة و مانها سهلة  .. هي بموقع الوسط  و يلي بتابع المحاضرات خطوة بخطوة أكيد ما راح يلاقي اي نوع من الصعوبة  ..  و الشي يلي بخوفوك منو الناس مو صعوبة الدراسة و لكن صعوبة الدكاترة و عقلياتهم لانو تصحيحهم نوعا ما ما بكون ضمن توقعات الطلاب باضافة الى الاسئلة المريخية  يلي بتيجي من كوكب  آخر  .. بس مو دايما بكون هالشي ببعض المواد مو اكثر ..

اما المجلات يلي بتميزها عن غيرها  فهي كثيرة و معظمها بكون بموقعها الوظيفي فممكن يكون خريج الحقوق  دبلماسي او عسكري او موظف بمكانة مميزة كرئيس قسم  .. اضافة الى امكانية ان يصبح قاضي ب) لمدة لا تقل عن 15 سنة  .. و شغلات كثية و مميزات رائعة بتتعرف عليها خلال دراستك  ..
بتبدأ الصعوبة  تقريبا بالسنة الثالثة فقط  كون معظم موادها كتابية و كثيفة نوعا ما  .. اما باقي السنوات في متوسطة  الصعوبة و قد تجد في السنة الاولى صعوبة بسيطة و السبب انو بتكون جديد على جو الجامعة و طريقة التعامل من المناهج و الدكاترة  ..

ان شاء الله تكون استفد من يلي حكيتو  .. نحن بالخدمة لاي استفسار ..
جل من لا يخطئ .

مية اهلا و سهلا فيك بالمنتدى و بالجامعة

موضوعك اكد لي انو الحياة بعدا مستمرة بسوريا هي ردا ع كلام البعض

يمكن ما تفهم هلق عليي

بس القصة اني انا مبارح تخرجت من كلية الحقوق

وانت هلق بلشت

اول شي مبروك علامات البكالوريا

و تاني شي ما تسمع كلام الناس بالفرع طبعا مع احترامي للجميع

بس القصة فوت عالجامعة و ادرس و انت الي بتقرر اي الصعب وأي السهل

بكل الاحوال رح تختلف الاراء و الردود

بس اسمع كلمة مجرب

انا دخلت عكلية الحقوق لاني ما بحب غير الصعب

يعني بكرا بس تنجح بمادة صعبة و يكون عدد المتقدمين شي 4000 بتحس حالك عنجد فهمان و بتحس انو الشهادة بتستاهل هالتعب

اكيد في مواد صعبة وفي دكاترة اصعب

بس انا بتجربتي الشخصية ما حسيت بموضوع الدكاترة بس لاني بعرف شو بكتب و قديش باخد فما عندي مشكلة

و كمان نحنا بنقدر نساعدك قبل الامتحان بكل المواد خصوصا انو عندك مواد اتمتة واسا مانك متعود

السنة الاولى كلها سهلة يمكن اصعب او ادسم مادة المدني وبس تصير سنة تانية او تالتة بتحسها كتير سهلة

السنة التانية سهلة عموما

السنة التالتة رح قلك انو دسمة و بدا تعب

السنة الرابعة اسهل و احلى من التالنة

وبالنسبة لاسئلتك

كيف الدراسة بالكلية صعبة ام متوسطة الصعوبة؟

بتختلف حسب قدرتك و اسلوب درسك و نصيحة مني ادرس باسلوب الفهم مو البصم و اكتب باسلوبك و صدقني بيهون الفرع عليك

وشو مجالات الحقوق اللي بتميزها عن غيرها؟

شهادة الحقوق هي الجوكر بسوريا يعني مطلوب شهادة الحقوق بكل المجالات يمكن في تشاؤم من كتر الاعداد بس لكل واحد منا نصيب بهالحياة بس المهم انت يكون عندك هدف

ومن اي سنة بتبدأ الصعوبة بالدراسة؟

هادا الشي انت الي رح اتركك تحددو

و انا جاهزة للمساعدة

مشكورين كتير

حلمي صير قانوني كبير