أنا بس الي حابي احكيه عن المنتدى

بتمنى تسمعوني و تشاركوني رأيكون
بالنسبة لفرع الحقوق من قبل لما كنا بدنا اي شي عن المواد او الامتحانات كنا ندخل و نسأل و نعرف الجواب من خلال الزملاء
بس كأني انتبهت بهالفترة ما عد في تطور بالمنتدى بالنسبة لفرعنا
خصوصا بالنسبة لقسم السنوات الدراسية
يعني من قبل كان الواحد بس يسمع انو نزلت مادة يخبر عنا بالقسم المخصص و بعدين تنزل بالمنتدى فكأنا نسأل النازل ع الجامعة مشان النتائج
ما تفهموني غلط بس حسيت انو المواضيع الموجودة الي الها علاقة بقسم الحقوق صارت قليلة
وانشالله كون ع غلط
لانو عنجد كنت لاقي الافادة و سرعة الاجابة من قبل من يعرف

وشكرا لمن قرأ كلامي

كلامك صحيح و لا يوجد اي تعليق  قسم الحقوق صار بحاجة الى تطوير و تنشيط
و انا فهمت مرة منك انو انتي سنة رابعة و لهيك يا ريت كونك صاحبة الخبرة الاكبر تساعدي الطلاب بأي سؤال او استفسار  بيتعلق بالدراسة  و اكيد ما راح يبخل اي حدا فينا عن مساعدة باقي الطلاب ..  و بهالطريقة ما راح يظل اي استفسار دون اي جواب و ينطر السائل من الطلاب لوقت كبير و احيانا بدون رد  .

شكرا لاهتمامك  ..

شكرا الك اخ فراس
وأنا جاهزة لأي استفسار

بس تصحيح لمعلوماتك انا خلصت مع وقف التنفيذ يعني اسا معي بس القانون التجاري و ناطرة النتيجة

بس انا عم احكي لصالح الطلاب لانو عنجد بيستفادو لما بيحطو اسئلتهم هون و الي بيعرف بيجاوب
الكل بيعرف انو هالفترة السفر صعب و احيانا حدا بيكون رايح عالجامعة بيقدر يخدم و يسأل عن امر معين و كمان قبل الامتحان كتير منيح الطالب يسأل حدا مقدم المادة قبل اذا في اي مشكلة او سؤال او نصيحة

العفو خيتو  ...
ما تآخذيني على الخطأ .. بكل حال  ...الف مبروك سلفا تخرجك و ان شاء الله
بتخلصي من  هالمادة  يا رب ..  و ع فكرة طلعت علامات الاسناد و ان شاء الله من الناجحين  و نسبة النجاح كانت 28 % تقريبا  .. و ان شاء الله بتكوني موفقة و بأعلى معدل بهالمادة  ..

الكل ان شا الله راح يفيد و يستفيد  من بعض  قدر الامكان  ..

شكرا لردك  .

اهلا فراس
بس هلق حتى سمعت بالاسناد و ما اجتني النتيجة
انا هاد الي كنت عم قولو ليش الي عم ينزل عالجامعة ما بيخبرنا

بكل الاحوال بتمنى تنزل النتائج هون

و شو هالمعدل الضعيف و الله هيك كتير و حرام و طالما المعدل هيك حاسة حالي رسبانة

هلا فيكي  مها 
اليوم نزلت الاسناد و كانت بمثابة صدمة لمعظم الطلاب  و هالشي كان واضح من سلم التصليح و يلي صدر من يومين  و خصوصا انو الدكتور سامر ما اشترك بالتصحيح  و هاد بحد ذاته ظلم للطلاب  ..  و حتى توزيع العلامات كان كثير سيء لانو اجوبة الأسئلة طويلة و علامة السؤال ضئيلة مقارنة بالحجم
ان شاء الله بترفعيها  و بنباركلك بالتخرج  ..  ابقي خبرينا بالنتيجة  ..

شكرا الك فراس

بس والله هاد مو حكي لانو انا بالعادة بعرف كيف بكتب و شو باخد
سكتت بالفصل الاول مع انو لو مرت الورقة عند الدكتور سامر كنت تخرجت بس الدكتور ابو الشامات ما عم اعرف شو قصتها المرة الماضية قدمت منيح و رسبت
بس هلق عدد الطلاب المتقدمين كان قليل
يعني والله حرام الاسئلة ما كانت سهلة و هلق خبرتني انو سلم التصحيح مو منيح و نسبة النجاح كتير سيئة
يعني انا موقف تخرجي من الشهر الاول و عحكيك اسا بدي انطر للشهر الاول و غيري كتير
وبعدين...............

ما بتعرفي بلكي بتكوني من بين 300 طالب يلي نجحو بهالمادة  ..
و حتى الدكتور ابو الشامات ما صحح المادة . بكل الاحوال  ان شاء الله خير ..
موفقة يا رب  ..

اي والله يا فراس كنت من بين هال 300 و شكرا الك كتير

ان شاء الله الف الف مبروك ..  و منو للاعلى  و عقبال ما نباركلك  بالماجستير ..
ان شاء الله بالتوفيق  .. و مبروك التخرج مرة ثانية  ..