انا خريجة قسم المكتبات وانا عم اعمل اوراق التخرج اضعت البطاقة الجامعية والهوية الشخصية
وطبعا لم انهي الاوراق للحصول على مصدقة التخرج

من لدية معلومات ماذا يجب ان افعل او من وجد بطاقة او الهوية ارجو افادتي على ما اعتقد سقطت مني بالقرب من مركز التبرع بالدم  المزه او بالقرب من المكتبة المركزية في البرامكة 
شكرا

الله يصلحك على هالعملة

بطاقة وهوية !!!!!!!!!!!

ان شاء الله بترجعلك عن قريب

بتمنى لو احسن ساعدك

السلام عليكم ورحمة الله وبركاته

أختي الكريمة : في البداية أبشرك لا تخافي ولا تهكلي هم فالامور ميسرة

ان شاء الله .

1- مشان اوراق التخرج ...بامكانك اخراج قيد مدني بدلا عن الهوية مصدق

يحل مكان الهوية ( مافي أي مشكلة )

2- البطاقة الجامعية اذا طلبت منك لأوراق التخرج بامكانك استخراج بدل

ضائع بسهولة من شؤون الطلاب ...أو اعطائهم صورة عن آخر وصل تسجيل

في السنة الرابعة .

فيما بعد تباشري بأوراق الحصول على هوية بدل ضائع والله المستعان

أتمنى لك التوفيق

أختي روحي عالكشك يللي بمدخل كلية الحقوق والشريعة(ئدام المكتبة المركزية)
هنيك دائما في هويات وبطاقات جامعية بيعلقا الزلمة ليجي صاحبا بركي ان شاالله بتلائيهون هنيك

اختي اطمني البطاقة والهوية رح يرجعولك بس بيجوز بدهون فترة

بس أنت بهل فترة لازم تكتبي ضبط عند الشرطة أومعروض بالمحكمة بفقدانهون

وضروري جدا هل شي
حتى ترفعي أي مسؤولية عنك
لأنه ممكن يقعوا بيد شخص
مومنيح ويتركون بمكان مشبوه أو بشي مسرح جريمة
لذلك لازم تبلغي عن فقدانهون
لرفع المسؤولية عنك
طبعا هو إجراء وقائي لا أكتر
بس هيك بتظلي مرتاحة نفسيا
درهم وقاية خيرا من قنطار علاج
ومالازم نستخف بهيك قصص
لأنه صارت من قبل وكتير
ما القصد أني خوفك بس من باب العلم والإطلاع
مع أني متأكد ماعاد حدى بيفكر بهيك أشيا هلأ
ماحدى فاضي لحدى

عسى الفائدة وصلت
وإن شاء الله بتلاقيهون باسرع وقت
.....
لك التحية