وعل العموم أنا جاهزة لأي سؤال (إذا كنت بعرف طبعاً) مع إنو الدكتور عدي

ما بيجيب إلا من يلي عطا هو

وبتخيل كونوا ما عطا الفكرة هي السنة فهي محذوفة

بس ما لي متأكدة

واللهِ يا دينا بالنسبة للسؤال يلي سألته بالمحاسبة الضريبية فأنا حالياً موقف كل شي بعقلي ما لو علاقة بتحليل القوائم المالية
يعني حالياً قوائم وبس......
وعلى العموم شكراً إلك كتير كتير وخصوصي على الملف المرفق
وبالنسبة لعلاوة الإصدار فوالله ما بلشت بالبحث الرابع وإنشاللله بكرى بحاول جاوبك


نورمان
والله ما دقرت المحاضرات وما حبيتهم أبداً يعني حالياً عم إدرس من الكتاب والمسائل الخارجية ومسائل البحث محلولين بالمحاضرات فعم حاول حلهم

ولا تفرحي بحالك كتير هه....أنا كمان خلصت أول 3 فصول (.....وراكي وراكي والنتائج قريبة.....)

 وهلأ بقيلي المسألة الغير محلولة صفحة 92 وبعدين بدي نام شنو رح موت من النعس وحالف مانام قبل ما حلها

وبالتوقيق للجميع.....دعولي

والله يا ناصر و انا كمان موقفة كلشي مالو علاقة بالتحليل لأن بتحس حالك أي تشويش من مادة تانية بتفوت بالحيط...
هلق بس  سؤال انو البحث 10 شو بدي احفظ منو؟؟؟؟ أنا تركتو...ما بعرف يعني قريتو قراية
و خلصت و بقيان حل مسائل و دورات و البحث الخامس مع شوي مراجعة للقوانين..

يعني الأيام الجاية أيام التركيز و الحل

mmmima بالنسبة للفصل العاشر والله بدك شي واحد أو وحدي متلك شطورة تسأليها مو نحنا يلي عم نبلش بدراسة الفصل ونحنا حاطين إيدنا على قلبنا خوف يطلعلنا شي معلومة تفوتنا بالحيط

دينا....شو مشان قلبت الفصل الرابع وما لقيت شي إسمه علاوة إصدار ليكون قصدك بالمتوسطة....

صحيح بالنسبة لدراستي : خلصت هلأ الفصل الرابع - قائمة التدفقات النقدية - بعد جهدٍ وعناء كبير

صحيح في ملاحظة حبيت قولها

يلي عنده أسئلة دورات مكتبة نعمة فآخر دورتين للدكتورة أحلام الشيخ مو للدكتور إسماعيل
بس يلي قبلهم للدكتور إسماعيل فركزو عليهم
وكمان لا تنسو إنو الفصل الماضي الدكتور إسماعيل جبلنا شي 40% بالمتوسطة (1) أسئلة نظرية على غير العادة
فكمان لا تنسو تركزو شوي على النظري

بالتوفيف للجميع......
يالله سلام.... رايح طبق نفس أركيلة وفش خلقي فيها....

ناصر مشان تلاقي علاوة الإصدار هي موجودة بالمسألة اللي حلا المعيد بالمحاضرة التاسعة
و الفكرة انو العلاوة تقفل في الفوائد
يعني انو ما بتظهر لما نكون عم نحسب قائمة التدفقات النقدية و و نحط مثلا يضاف زيادة بالالتزامات المتداولة
(هون العلاوة لاتظهر ضمن يلي منحسبون)لا هي و لا ضرائب مستحقة....و لا تنسى انو بالأصول كمان ما منحسب النقدية اذا نقصت أو زادت...
يعني ركز على فكرة شو هنن الأصول و الالتزامات يلي منحسب النقصان و الإضافة تبعون؟؟؟
ملاحظة: (طبعا العالوة هي نفسا فوائد مستحقة)

mmmima
 شكراًً كتير على إفادتك

باركولي صرت جامعي مشارك....وقريباً لح صير بالتكميلي مشارك
................(....بعيد الشر.....)..............

ياجماعة كاني فهمت انو في بحث قرروا الدكتور علينا بمادة تحليل القوائم وطالبنا فيه
ونزل على شكل ملحق بالمكتبات
وهوة عبارة عن  صفحة
وعددهن  نسب بس يعني سهل كتير على ذمة الراوي
وبالتوفيق للجميع
                                               
         

باقيلي البحث الرابع والتاسع ......هو الرابع درست منو شوي بس أهم شي فيو لسا ما قربت عليه

ميما شكرا كتييييييير على شرحك

حاسة البحث الرابع شوي فايت بالحيط ..........

العاشر مخليتو للأخير .....

ركزت 1 2 3 6 7 تمااااااااام

اليوم بركز 8 وبخلص 9 وبيبقى فقط الفصل الرابع

وآخر يوم لأسئلة الدورات

صحيح ركزوا على الأسئلة يلي ورا كل فصل مهمين كتيييييير ( أعتقد )

سلاااااااااااام

شو مشان الفصل التامن......... ,x1,2,x3,x4,x5, z  .....
والوزن السبي للنقاط....ومدري شوهاد
ياريت يلي حضر وبيعرف شو المطلوب منهم أو عنده محاضرات وكاتبين بشكل واضح شو المطلوب يخبرنا

بالنسبة لدراستي بقيان لي الفصل التاسع والعاشر
يعني إنشالله بخلص عالساعة 8 المسا


صحيح نورمان كان بودي قلك صرت (قدامك قدامك)  بس شكلي لهلأ (وراكي وراكي)
بس يالله مو مشكلة بكرى بطالع الفرق بالمعدل

ناصر مكتوب بالمحاضرات أنو مطلوب منا نحفظ النسبة بس مو مطلوب نحفظ القانون يعني الأرقام اللي قبل z تبع 0.012  و هدول...على كل حال أنا ما كتير ركزت عليون لأن حسيتو بلاطعمة و الدكتور أصلا مو حالل عليون شي أو تطبيق....

لا و مع هالشي مو سهل حفظون و كتير غليظ و بيخربط...انا عملتلن متل قصة مشان احفظون

الله يعينا يلا منشوف التلاتا شو رح يصير