شباب وصبايا ياريت كل واحد يكتب أخبار دراسته ولو بشكل موجز
يعني مثلاً : بأي مادة بلش...شو خلص منها...شو لاقى صعوبات.....أو كم مادة خلص

حتى يضل في تواصل بينا ....وحتى نآزر ونساند بعضنا ....وكمان حتى يلي مقصر بدراسته يعرف هالشي ويشد همته.....

الأمتحانات قربت.......

أنا بلشت بالمحاسبة الضريبية  (درستها شوي...)
وهلأ عم أدرس محاسبة متوسطة وإن شاء الله بكرى على الساعة 2 بكون خالص أول 3 فصول يعني قسم الدكتور قيس
وعلى فكرة المحاسبة المتوسطة سهلة كتير ومعلوماتها كلها أخدينها بالسنة التانية ....
بس الفصل التالت بدو شوية تركيز

وبالتوفيق للجميع........

والله الواحد مالو نفس يكمش كتاب  اليوم عم يمرق وكأنو ساعة ماعم حس بلوقت

بس الي مخلصو  ضريبية للمحاضرة 4  متوسطة لل 9    بترول لل4    تحليل لل5  متقدمة  4 

منهجية  ما بعرف شي عنها وعن شو عم تحكي 


قولتكون بلحق خلص  الي علي  رغم انو بس هدول الي دارسون

أنا مخلصة ....احم احم

متقدمة أول ست محاضرات

ضريبية كل شي نظري وعندي فكرة كبيرة عن العملي لإني ما روحت ولا محاضرة للدكتور ابراهيم

متوسطة هلأ عم ادرسا وصرت بنص المحاضرة خمسة ولهلأ كلهااااااا سهلة الحمد لله ومتل ما قال ناصر كلها الحمد لله سهلة  

وبسسسسسسسسس :)))) 

ايه مايسترو إن شاء الله بتلحق عالأكيد إن شاء الله خليك شادد الهمة

وبرنامج الامتحان كتيييييييير حلوووووووو يعني حاطين أيام بين المواد بتكفيهم منيح

مشكورة نورمان  بس كأنك مو دارسة نفط  ومنهجية البحث ولا مخلصتيون من زمان


بلنسبة لألي ماعندي همة  بحس حالي كتير ذكي منشان هيك دائما بأجل كلشي لقبل بيوم من الفحص

لأ... هيك ما تفقنا في مين سابقني بالدراسة.........
ماشي أنا بورجيكم
يالله رايح بلش بالمتقدمة مع أني ما بعرف شي عنها...وإنشالله خلص اليوم 6 محاضرات
إدعولي..........

ايه ناصر يلا نعمل سباق  :)))

يبعتلك الهنا بدك تخلص بيوم واحد ستة دفعة وحدة ، طول بالك يا زلمة

مايسترو الله بالنسبة للنفط ما عندي فكرة عنها أبدااااااا بس حاسستا بس حفظ قيود ( ما بعرف ليش هيك حسيتا ) والمنهجية لإنو كلها حفظ نظري بصم مشان هيك مخبيتا للعطلة

وإن شاء الله يكون إحساسك بمحلو وتكون ذكي

بس دير بالك مو كل مرة بتسلم الجرة :)))

واليوم خلصت متوسطة لأول كم صفحة من المحاضرة تمانة :PPPPPP

يلا سلام وخلونا على تواصل ونشجع بعض

حاكم بدنا مين يشجعنا  :))

ماشي نورمان وأنا بقبل السباق......
هلأ معك حق 6 دفعة وحدة كتار كتير.....بس أنا بحب أوهم حالي بأول النهار حتى وقتي ما يضيع...
وليكني خلصت 3 محاضرات متقدمة ...ورح بلش بالرابعة وإنشالله خلصها قبل ما نام....بما إني نايم بالنهار......
وبالنسبة لمحاسبة النفط ..هيي حفظ قيود بأغلبها أنا درست منها شوي وصلت لنص الفصل التالت.......بس بدهم إعادة
وياربي التوفيق إلك وللجميع

ويالله يلي بيسبق....بالآخر بياكل فستق

اي انشالله يكون احساسي بمحلو مو متل الفصل  الماضي  لأن هيك ساويت ف حملت 3 مواد 

اما هلأ ما بعرف اديش رح احمل

أنا بلشة بالبترول و المنهجية...خلصت البترول بس بقيان ملخص الدكتورة تبع التعليم المفتوح

و هلق عم عيدا هي و المتوسطة و المتقدمة...بنصحكون تخلصو بسرعة و تحاولو تعيدو لأنو بصراحة دراسة مرة وحدة ما بتكفي...انا المحاسبة الضريبية ما رح قدما لأن ما درستا رح قدم 5 فقط