كان الاندماج النووي هو حلم يسعى الى تحقيقه علماء الفيزياء وعلماء الطاقة لحل مشكلة تأمين الطاقة بشكل جذري في محاولة لتقليد ما يجري داخل النجوم، وبذلك يجري التخلص من مشاكل توليد الطاقة بالانشطار النووي الذي تنشطر مشاكله الى سلسلة لا نهاية لها، وأخيرا قررت روسيا أن تقوم ببناء وحدة فريدة للاندماج النووي الحراري، ونقلت وكالة "ايتار – تاس" للانباء يوم 24 فبراير/شباط، عن كيريلينكو رئيس مؤسسة "روس آتوم" قوله: "لقد اتخذت مجموعة قرارات حول تمويل بناء وحدة الليزر الجديدة"، وبهذا التصريح يؤكد كيريينكو رسميا المعلومات التي نشرها رادي ايلكايف، المسؤول العلمي للمركز النووي الفيدرالي التابع لمعهد بحوث الفيزياء التجريبية، والتي جاء فيها أن تمويل بناء وحدة ليزر قوية ثنائية الاستخدام، سيبدأ خلال العام الجاري، وحسب قوله ستبلغ قدرة الوحدة المذكورة 2.8 ميغاجول، أي اكبر من قدرة وحدة مماثلة في الولايات المتحدة الامريكية واخرى يجري بناؤها في فرنسا، وتبلغ كلفة بناء هذه الوحدة حسب معطيات ايلكايف 45 مليار روبل ( 1$ = 30 روبلا تقريبا)، وسيكون المجمع الليزري الذي سيبلغ طوله 360 مترا وارتفاعه اكثر من 30 مترا، مخصصا لبحوث الاندماج النووي الحراري. وبموجب نية العلماء، فإن اشعة الليزر سوف تلتقي في نقطة معينة حيث سيتم انتاج البلازما، وأكد المسؤول العلمي أنه سيتم بناء هذه الوحدة باستخدام التكنولوجيا الروسية فقط.






http://arabic.rt.com/news_all_news/news/579328

روسيا عم تحاول تاخد حيز كبير ومهم بالعلم والسياسة
بالعالم والقوى وبالقوة
عقبال عنا وأت نصحى من النوم ونصير نفكر بالعلم والنجوم والتقدم
مشكورة على مواضيعك الرائعة والمميزة
كل التقدير من زهرة البنفسج

مرحباا

عنجد رهيبين الروس....عم يشتغلو شغل غير شكل

وأحلى شي الكلاشنكوف الجديدة ak12... ^_^

الفترة الجاية رح تشهد تطور كبير بروسيا ع كافة الأصعدة

والله حيو

مشكورة ع الموضوع الحلو كالعادة

سلااام

طول عمرنا منتغنا بأمجاد وصلولا غيرنا كأنو هية أمجادنا الشخصية وكأنو اذا الروس اكتشفو شي فنحنا عملنا شي عظيم يعني والله شي بيضحك على شو فرحانين؟مابعرف
كل مابسمع الراديو بتطلعلي اخبار عن الصين وروسيا والاكتشافات العظيمة يللي اكتشفوها و الطريق يللي فتحوه والبناية يللي عمروها و و..
طيب شو يعني؟لازم نحنا نفرح؟ولا نحس حالنا عملنا شي مهم؟
اذا انا مالي فهمانة الموضوع معلش وضحولي الفكرة بينوبكون ثواب

عئبالنا يا رب *_^
طبعا لازم نفرح بالتطور والتجديد اللي عم يصير كل يوم بالعالم و لازم نستفاد منو و نقتدي بروسيا و غيرها من الدول المتقدمة بالعالم ....
* بالعلم والدين والأخلاق تنهض الأمم *
مشكوووووورة عزيزتي ع الموضوع الرااااااائع #
تقبلي مروري :)

اخت سالي اكيد كلنا منتمنى انو نكون نحنا يلي اكتشفنا هالاكتشافات هي
ومنتمنى لو تكون بلدنا احسن بلد و اكتر بلد متقدمة علميا مافي شك كل سوري بيحب سوريا بيتمناها تكون بالقمة بكل النواحي

بس وقت قلنا هالخبر عن روسيا هاد مجرد خبر و عم ننقلو ماعم نتغنى بأمجاد غيرنا هاد اولا
تانيا انتي قلتي انو بتسمعي عن روسيا و الصين و انو منقول شو اكتشفو و لوين وصلو بس ماشفتك ذكرتي امريكا و اليابان ذكرتي روسيا و الصين بالذات
بتمنى يكون تحديدك لهالبلدين دونا عن غيرن مجرد صدفة
بالنهاية نحنا العرب يلي كان النا الفضل باكتشاف اهم القوانين العلمية بأمهات العلوم يلي هلأ الغرب بنى عليها تطورو و ازدهارو و اكيد حيجي يوم نستعيد أمجادنا العلمية و نتقدم اكتر من امريكا و اكتر من الصين و اكتر من اليابان و اكتر من روسيا
هاد يلي منتمناه و حيتحقق باذن الله
السوريين اثبتو انن اقوى و اذكى الشعوب

واكيد كل اكتشاف علمي بيصلو الانسان هو بالنهاية بيسعد كل البشرية اذا تم استغلالو بمكانو الصحيح

اكيد كنت بتمنى وقت انقل هالخبر اكتب (سوريا تقرر تقليد النجوم) هاد شي اكيد كلنا كنا منتمناه
بس كمان اكيد انا وقت اقرا خبر عن انجاز علمي حققتو روسيا بنبسط اكتر من اني اقرا نفس  الخبر عن (امريكا) او اذنابها..........
لان امريكا عدوة لبلدي وكل تقدم علمي بتوصلو بأي مجال كان اكيد حتحاول تستغلو ضد بلدي ومجرد انها تقوا فهاد بيعني انو عدوي عم يقوا وهاد الشي مابيسعدني
وبالمقابل روسيا يلي دافعت عن بلدي و كانت سبب باستقرار بلدي بفيتو بيرفع الراس هيي دولة صديقة و اذا تقدمت فهاد الشي اكيد بيسعدني لانو قوة صديقي بتدعمني و بترهب عدوي

هاد رأيي و بحترم رأيك و شكرا على ردك


وشكرا على كل الردود
زهرة البنفسج ، حبيبة شكرا كتير الكن    
jamil.haboush شكرا الك و معك حق .... منحس بغصة بقلوبنا و انشالله بيجي يوم منحل مشاكلنا و منصحح مسارنا و منتقدم علميا اكتر من كل هالدول يا رب شكرا على مرورك


أمير حمص شكرا ع ردودك الرائعة دائما و بدي قلك انو انت كنت قايلي انو باعتلي رسالة مستعجلة بس مالقيت واصلني شي مابعرف شو السبب
و حاولت ابعتلك بس مامشي الحال
ع كل حال انشالله تكون بألف خير
   

لبوة سوريا

انتي مواضيعك أكتر من رائعة وكلك زوء

انا بعتلك رسالة بموضوع اسمو بريد الأعضاء المشاركة 244
http://www.jamaa.net/art276137-25.html

أنا متل ما بتعرفي ممنوع من الرسائل ^_^....بالاول كنت اقدراستقبل بس حاليا لا ارسال ولا استقبال

بانتظار مواضيعك دائما...لأنو بتجنن

لأ ذكري لروسيا والصين مو صدفة ليش؟لأنو صارت اخبارون وشو عم يصير عندون حتى ولو ما بيهمنا لا من قريب ولا من بعيد صار اهم من اخبارنا بتلاقو نص النشرة عنا والنص التاني عنهون طيب ليش؟
على فكرة في 100 مكان بهالعالم ممكن يحكو عأنجازاتو بس نحنا كبينا العالم وماعد شفنا شي غيرون شو يعني هنن ماكان عندون اي اختراع قبل السنة الماضية؟(واستثني الصين لأنو برأيي هية قمة التخلف)؟
ليش ماكنا نسمع وننبرع متل هلأ؟
على كل حال مابتفرق وين ماتطورو.لأنونحنا شو جايينا؟ولاشي

لبوة سوريا .. أشكرك عالخبر

و بتمنى يكون لبلادنا العربية حضور كبير على الساحة الثورية في التكنولوجيا و العلوم المتطورة .. صرنا نسمع باشياء يمكن ما عم نفهمها .. دليل إنو نحنا مسبوقين بآلاف الأميال من العلوم .. بدعي الله إنو نقدر نواكب الركب من أول و جديد .. و نصير السباقين بكل المجالات ..

تحياتي لك..