طبعاً المعلومة ذكرت خلال محاضرة محاسبة البترول لطلاب السنة 3 قسم المحاسبة

إلا أن لأهمية المعلومة ولاسيما بعد الرسوب المفاجئ للطلاب والذي كان غير متوقع

أو لإنخفاض العلامات في كثير من المقررات والمعلومة لا تخص طلاب سنة 3

محاسبة  بل كل طلاب الاقتصاد عموما ً


كلنا لاحطنا سرعة صدور النتائج وذلك بسبب توفر سكنر جديد في الكلية


و ذكرت الدكتورة منى فرحات أمر في غاية الاهمية

أن التظليل للسؤال الواحد لمرتين حتى ولو محيت بالممحاة فالسؤال ملغي حتماً

أي مثلاً وضعت الجواب في المرة الاول A

ثم محيت ووضعت D فلسؤال ألغي


لأن السكنر الجديد حساس جداً جداً على عكس السكنر القديم الغير حساس


لذلك انسوا المحي بالامتحان


وإلا قولوا للمادة باي باي


سلام                                             

الله يعينكم يا رب

حتى بهي في ظلم ما بيصير هالحكي يا طلاب و لازم تعترضوا

الأتمتة أحسن بس مو بهالشكل

والله بيجوز ظلم

بس هي هي التكنولوجيا

ذو حدين

والله الواحد ما بيعرف شو بدو يقول يا منستنى شهر ونص لتطلع نتائج المواد التقليدية يلي لهلأ ما طلعت متل التمويل يا أما بيطلعو تاني يوم بس في ظلم بالتصحيح يعني والله جل من لا يخطئ إلا ما الواحد يغلط بشي سؤال ويتراجع عن غلطو وبالأخص أنو ما في مسودة نحل عليها وطول الوقت منقضيها على ثني ورقة الأسئلة لأستخدامها كمسودة ومنرجع منفتح الورقة لنشوف الخيارات ونظلل كمان مشكلة تانية هالمسودة وأحلى شي أنو أي كلمة على ورقة الأسئلة تعتبر محاولة غش ( أكتب على هدومي أنا!!!!)
معقول بالعالم كلو مافي طريقة للتصحيح سريعة وما تظلم الطالب ولا كل العالم متل حكايتنا بتطير نص علاماتن على التظليل....
قال تكنولوجيا قال... لأ بالناقص من التكنولوجيا يلي لهلأ ما عرفت تلاقي حل وسط بجامعاتنا.....

أسفة عالإطالة عزيزتي دينا بس والله مو معقول هالوضع والكل بيقولوا لو درستو منيح كانت علاماتكن منيحة

أحسن شي لا حول ولا قوة إلا بالله....
                                                              تحياتي للجميع.....

ممممممممممممم
انا ما بظلل وبمسح الا نادرآ يعني
ومع هيك كل علاماتي تحت المتوقع بكتير هالسنة

بصراحه انا بحل بقلب الورقة وماحدا بحقلو يحكي حرف واحد لانو قبل ما اطلع بمحيه
لانو مو معقول مافي محل نكتب فيه

بس يا ستي لسا بدنا نسمع تبريرات اكتر  من هيك

شكرا دينا

انا من جهتي من لما دخلت عالجامعة وفي امتحان الاتمتة تحديدا بحل ع ورقة الاسئلة وبالقلم الازرق يعني مو بالرصاص وما بمحي اي شي بعد الانتهاء(طبعا مو تكبر بس متل ما بتعرفو...اكيد الوقت ما بيسمح)واللي بدو يقلي محاولة غش يعطيني وقت زايد لحتى حل وامحي واشغل حالي بشغلات فاضية ضمن الامتحان
لذلك خدوا مني شو ما بدكن اكتبو ع ورقة الاسئلة وطنشوا
وبالنسبة لموضوع الاثر ولو حتا البسيط على اكثر من اجابة في ورقة الامتحان فهذا شي مؤكد فعلا ويلغي السؤال كاملا يعني بتروح علامتو ع الفاضي
شكرا يا دينا عالموضوع المميز

                                                                                                  دمتم بخير جميعا

هو في ظلم بموضوع التصحيح بس لازم الطالب ئبل ما يظلل الجواب على ورقة الأتمتة يكون متأكد منو مية بالمية مشان ما  يصير هيك شي بالنسبة لموضوع التصحيح لأنو كتير علامات عم تروح وما عم نعرف وين راحت