مرحبا للكل,

قصتي باختصار انو انا سنة رابعة وبقيان عندي 3 مواد لأتخرج (لسانيات عامة- وتطبيقية ورواية والكل فصل تاني) وصرلي 3 سنين عم قدم فيهن وماعم يطلعو, كل سنة بنزل بجيب محاضرات ونوطات لحتى صار عندي خزنة كاملة لهالمواد وكل سنة بيقولولي انو هي هي النوطة يلي طلبها الدكتور بصراحة انا ضعت , المشكلة اني مافيني داوم بالجامعة والمشكلة الأكبر انو هي آخر سنة إلي.
رجاءاً يلي بيعرف : - شو هو المطلوب بكل مادة من هالمواد
                              - ندرس من المحاضرات ولا من النوطات؟؟؟؟؟
                              - وممكن اذا حدا فيكن بيعرف شي معهد أو استاذ يدرسنا مواد الجامعة...

يا ريت تساعدوني, (مو مشان شي بس بتكسبو فيني حسنة!!   )

بتمنى التوفيق للكل....

المشاركة مخفية ....

بس الواضح أنك حاطط الموضوع بقسم سؤال وجواب ...

يعني أكيد بدك تسأل شي ...

وهلأ الطلاب المشتركين بالمنتدى يقوموا بالواجب (يعني الفزعة المطلوبة منهم )

ويجاوبوك على سؤالك حسب معلوماتهن ...

وإن شاء الله تلاقي الجواب الشافي ...

             

ما بعرف إذا تخميني بمحلو ولا لأ ...

سلامات ...

ما بعرف ( أخي - أختي الكريمة )

بصراحة أنا ما عم أدرس أدب فرنسي ..

بس بالنسبة لسؤالك أن الدراسة من النوطة ولا من المحاضرة ..ولا من غيرو ..

أنا بنصحك أنك تدرسي من الشيء يلي بتلاقي شرحوا أبسط أو يكون شرحه مفصل

ومفهوم أكثر..

والأهم إنك تتطلعي على أسئلة السنوات السابقة وتشوفي نموذج الأسئلة وكيف

بتجي ... وبتشوفي حلها وين موجود شرحه وجوابه بالنوط ولا بالمحاضرة ...

وبتمنى أني كون فدتك بشيء وبتمنالك التوفيق والنجاح ...

وإن شاء الله يجي حدا من طلاب الأدب الفرنسي ويجاوبك على سؤالك ويفيدك أكثر ..

سلامي لك ....